SALMOS 111

1Nimanxwit tbi Kman. Cjawil nnimsa'ne Kman tu'n tcyakil wanmiye junx cyuc'il ke xjal tz'aklxix, ex cyxol cycyakil keju cychmon cyib. 2Ke tak'unben Kman ma'xix ke, keju in che tzalaj cyi'j in che xnak'tzan cyi'j. 3Aju tak'unben tbanilxix ex in koptz'aj wen, ex aju tten tz'aklxix cucx ctel te jumajx. 4Cyaj tk'o'n junjun tumel tu'n mi'n tic' cyna'njtz ke tbinchben ma'xix cyxilen. In tzaj tz'e'y tc'u'j Kman ki'j ex at tk'ak'bil tc'u'j; 5in xi tk'o'n cywa keju in che niman te; ex cucx in tzaj tna'n aju yol o cyaj bant ti'j tu'n cyuc'il. 6Cyu'n ke tak'unben xi tyec'un tipumal cye ke xjal etzan tu'n, ex xi tk'o'n cye aju cytx'otx' ke nasyon. 7Aju in tbincha'n, tz'aklxixte ex axix toc; ex ba'n tu'n tke' kc'u'j cyi'j ke tmandamyent, 8porque cucx che tel te jumajx tuj tcyakil tabk'iyil; axix toc ke ex tz'aklxix binchben cye. 9Tu'n e colpet ke xjal etzan tu'n, ex xi tcyuwsa'n aju yol cyaj bant ti'j tu'n cyuc'il. Ate Dios xjante ex xobajilxix. 10Aju tumel tu'n tten tnabl xjal atzun, tu'n t-xob twitz Kman ex tu'n tniman te; keju in che niman te in ten nim cynabl. Cucx cjawil nimsa'n tbi Dios te jumajx.

will be added

X\