SALMOS 11

1Ti'j Kman k'ukl we nc'u'j. ¿Tiku'ntzun in cyma'ne weye cyja': T-xi oka tjak' c'ul, ic tza'n ke chyu'j? 2Que'yinxa ke xjal mya ba'n; nno'cx cyk'o'n ke plech tuj tak'al xobl te, ex nne'l cyxkinin, ex tuj jun lugar tuj ewaj in xi cyxo'n cyi'j ke xjal tz'aklxix. 3Ka ma cub xitj ju ley ex cawbil tuj jun tnam, ¿titzun cbantel tu'nju xjal tz'aklxix? Che chi xjal weye. 4Ate Kman atzun ta' tuj tja xjan. Tuj cya'j ta' tk'ukbil jatum in cawin, ex toc twitz cyi'j cycyakil xjal, alcye in cybincha'n. 5Aju xjal tz'aklxix ex aju xjal mya ba'n in che oc tk'o'n Kman tuj malbil, in che el tic'un keju o'cx in che ximan ti'j tu'n tcub jun xjal cyu'n. 6Ctzajel tchitun Kman k'ak' tuc'ix azufre cyibaj ke xjal binchal mya ba'n, ex ctzajel jun cyk'ik' tu'n, tu'n tbaj tz'e'y tcyakil. Cbel cycastiw tu'n Kman. 7Ate Kman tz'aklxix ex in tzalaj ti'j tu'n tbinchet aju tz'aklxix; cyja'tzun aju xjal in bet tuj tumelxix c'oquel tque'yin twitz Dios.

will be added

X\