SALMOS 108

1Banin tten wanmiye Nman Dios, banin tten tu'n t-xi tbitzan ke bitz te teya. K'i'mel twatla, wanmiye. 2Cyi'mel cywatle akeye chnab arpa ex quitar; oc chin jawil we'ye na'nxtok ttzaj t-xe cya'j. 3Nman, oc cjawil nnimsa'na tuc'il bitz, cyxol ke tnam ex ke nasyon. 4Porque ma'xix tc'ujlalila ic tza'n ju cya'j. Ex aju tyola axix toc max in japun canun twitz cya'j. 5Nman Dios tcuba tibaj cya'j; nojni twitz tx'otx' tu'n tajwalila. 6Ko ttzak'wentza; ko tcloma tu'n tipumala, tu'ntzun cytzokpet keju c'ujla'n tu'na. 7Max tzaj yolin Dios tuj tja xjan ex tma: Tuc'il tzalajbil cbajel npa'ne tuj piẍin aju tx'otx' Siquem ex cbajel npa'ne ju chk'ajlaj Sucot. 8Aju tx'otx' Galaad ex tx'otx' Manasés weye ke; aju tx'otx' Efraín ic tten te weye ic tza'n jun pasbil c'uxbil tjax tuj nwi'ye te makbil; aju tx'otx' Judá ic tten te weye ic tza'n nvare tu'n ncawine; 9aju tx'otx' Moab ic tten te weye ic tza'n jun palangán jatum tu'n tel ntx'jo'ne ke nkane; ex tibaj tx'otx' Edom cxel nxo'ne nxajbiye te jun techal ka otok tz'oc te weye; oc chin jawil sch'ine tu'nju otok chin cambane cyi'j aj Filistey. 10¿Alcye cxel k'inte weye tuj tnam toc muro ti'j? ¿Alcye cxel ẍaklunte weye tu'n npone max tuj Edom? 11Nman Dios, ma ko el tic'una, minti'tl nne'tza cyuc'il ke ksoldadiye. 12Ko tonintza tu'n tcub cyi'j aj k'oj ki'je, porque minti'x tajben aju onbil cyu'n xjal. 13Nok tu'nju onbil tu'n Dios oc ko cambale; ex tu'n cbel cyi'j aj k'oj ku'ne.

will be added

X\