SALMOS 101

1Waje tu'n tjaw nnimsa'na tu'nju tc'ujlalila ex tu'nju tz'aklxixa; waje tu'n cyxi nbitzane ke bitz teya Nman; 2waje tu'n wank'ine tuj tumelxix. ┬┐Jtoj tzula onil weye? C'oquel tilil wu'ne tu'n ntene minti' npaltile tuj njaye; 3mlay pon nc'u'je ti'j ju mya ba'n. Nne'l wic'une cybinchben ke xjal ma tz'el cypa'n cyib ti'j Dios; mlayx txi nk'o'ne ambil cye tu'n cyoc lak'e' wi'je. 4Ke ximbetz jumajx mya ba'n che elel nlak'ba'ne wi'je: mi'n waje tu'n nbinchanteye jun mya ba'n. 5Wu'ne cwebel cyyolin keju tuj ewaj in che yolin mya ba'n cyi'j cyvesin; mlay tzic'x wu'ne keju in jaw cyniman cyib ex jawni cywitz. 6C'oquel nk'o'ne nwitze cyi'j ke xjal tz'aklxix tu'ntzun cyten wuc'ile; o'cx che ajbel weye keju in che ank'in tuj tumelxix. 7Atzun ke xjal sbul mlay txi nk'o'ne ambil cye tu'n cyten tuj njaye; mi jun xjal nic'al yol jacu cub ten nwitze. 8Teyle junjun k'ij che najel wu'ne cycyakil xjal mya ba'n; che elex nlajo'ne tuj tnam etzan tu'n Kman cycyakil xjal binchal mya ba'n.

will be added

X\