NÚMEROS 26

1Tic'lenxi tx'u'j yabil lu, tzaj yolin Kman tuc'il Moisés ex tuc'il Eleazar aju tcy'ajal pal Aarón ex tma: 2Cyi'n jawe cyajlal cycyakil aj Israel ic tza'nx cyajlal junjun c'loj; ctzajelx ke' cyu'ne cyi'j keju ma japun winkin abk'i cyu'n ex ma bant tu'n cyxi' tuj k'oj. 3Tujtzun tchk'ajlajil tx'otx' Moab aju tcub ttzi nima Jordán, tumlal twitz Jericó, xi tma'n Moisés ex ju pal Eleazar cye aj Israel 4tu'n tjaw cyi'n cyajlal ke xinak otok japun winkin abk'i cyu'n, ic tza'nx otok tzaj tma'n Kman te Moisés. Atzun ke aj Israel e je'tz tuj Ejipt jlu: 5Ke c'loj tiyjil Rubén aju nej tcy'ajal Israel, atzun ke jlu: ke tiyjil Enoc, ke tiyjil Falú, 6ke tiyjil Hezrón ex ke tiyjil Carmi; 7tza'nx tajlal jaw, japun 43,730 xinak tiyjil Rubén. 8Aju tcy'ajal Falú, atzun Eliab, 9ex ke tcy'ajal Eliab atzun ke jlu: Nemuel, Datán ex Abiram. Ate Datán tuc'ix Abiram akeju attok cyoclen cyxol ke xjal k'ol nabl, jaw cyi'n cyib ti'j Kman ex ti'j Moisés ex Aarón junx tuc'il Coré; 10pero el c'abchaj tx'otx' ex e je'x tz'ak cycabil tuj, tuc'ix Coré xi tz'ak tej cybaj cyim keju mojl cyyol cyuc'il, ex tej cybaj cyim 250 xinak tu'n k'ak'. Ajben jlu te jun yec'bil cye mastl. 11Masque icju pero minti' e cyim tc'wa'l Coré. 12Ke c'loj tiyjil Simeón, atzun ke jlu: Ke tiyjil Nemuel, ke tiyjil Jamín, ke tiyjil Jaquín, 13ke tiyjil Zera ex ke tiyjil Saúl. 14Tza'nx tajlal jaw, japun 22,200 xinak tiyjil Simeón. 15Ke c'loj tiyjil Gad, atzun ke jlu: Ke tiyjil Zefón, ke tiyjil Hagui, ke tiyjil Suni, 16ke tiyjil Ozni, ke tiyjil Eri, 17ke tiyjil Arod ex ke tiyjil Areli. 18Tza'nx tajlal jaw, japun 40,500 xinak tiyjil Gad. 19Ke tcy'ajal Judá e cyim tuj tx'otx' Canaán, atzun ke jlu, Er tuc'ix Onán. 20Ke c'loj tiyjil Judá, atzun ke jlu: Ke tiyjil Sela, ke tiyjil Fares ex ke tiyjil Zera. 21Ke c'loj tiyjil Fares, atzun ke jlu: Ke tiyjil Hezrón ex ke tiyjil Hamul. 22Tza'nx tajlal jaw, japun 76,500 xinak tiyjil Judá. 23Ke c'loj tiyjil Isacar, atzun ke jlu: Ke tiyjil Tola, ke tiyjil Púa 24ke tiyjil Jasub ex ke tiyjil Simrón. 25Tza'nx tajlal jaw, japun 64,300 xinak tiyjil Isacar. 26Ke c'loj tiyjil Zabulón, atzun ke jlu: Ke tiyjil Sered, ke tiyjil Elón ex ke tiyjil Jahleel. 27Tza'nx tajlal jaw, japun 60,500 xinak tiyjil Zabulón. 28Ke c'loj tiyjil José, atzun ke jlu: Manasés ex Efraín. 29Ti'j Manasés, jun c'loj tiyjil Maquir; ti'j Maquir, jun c'loj tiyjil Galaad. 30Ke c'loj cyiyjil Galaad, atzun ke tiyjil Jezer, ke tiyjil Helec, 31Ke tiyjil Asriel, ke tiyjil Siquem, 32ke tiyjil Semida ex ke tiyjil Hefer. 33Ate Zelofehad aju tcy'ajal Hefer minti' tcy'ajal e tzaj, nok o'cx tme'jel, ex atzun cybi lu: Maala, Noa, Hogla, Milca ex Tirsa. 34Tza'nx tajlal jaw, japun 52,700 xinak tiyjil Manasés. 35Ke c'loj tiyjil Efraín, atzun ke jlu: Ke tiyjil Sutela, ke tiyjil Bequer ex ke tiyjil Tahán. 36Ti'j Sutela at jun c'loj tiyjil Erán. 37Tza'nx tajlal jaw, japun 32,500 xinak tiyjil Efraín. Atzun ke tiyjil José jlu, tuj c'lojin cyten ic tza'nx cyiyjil. 38Ke c'loj tiyjil Benjamín, atzun ke jlu: Ke tiyjil Bela, ke tiyjil Asbel, ke tiyjil Ahiram, 39ke tiyjil Sufam, ex ke tiyjil Hufam. 40Ke c'loj tiyjil Bela, atzun ke jlu: Ke tiyjil Ard, ex ke tiyjil Naamán. 41Tza'nx tajlal jaw, japun 45,600 xinak tiyjil Benjamín. 42Ti'j Dan jun c'loj tiyjil Súham. 43Tza'nx tajlal jaw, japun 64,400 xinak tiyjil Dan. 44Ke c'loj tiyjil Aser, atzun ke jlu: Ke tiyjil Imna, ke tiyjil Isúi ex ke tiyjil Bería. 45Ke c'loj tiyjil Bería, atzun ke jlu: Ke tiyjil Heber ex ke tiyjil Malquiel. 46Ex attok jun tme'jel Aser, Sera tbi. 47Tza'nx tajlal jaw, japun 53,400 xinak tiyjil Aser. 48Ke c'loj tiyjil Neftalí, atzun ke jlu: Ke tiyjil Jahzeel, ke tiyjil Guni, 49ke tiyjil Jezer ex ke tiyjil Silem. 50Tza'nx tajlal jaw, japun 45,400 xinak tiyjil Neftalí. 51Aju cyajlal aj Israel jaw, japun 601,730 xinak tu'n tcyakilx. 52Tzaj yolin Kman tuc'il Moisés ex tma: 53Cyxoltzun ke xinak lu, cbel sipet tx'otx' ic tza'nx cyajlal ma jaw. 54Te cye ke c'loj mas nim cybaj, cxel k'ot jun piẍ cytx'otx' mas matij, atzun cye ke c'loj nic'xi cybaj, cxel k'ot jun piẍ cytx'otx' mas nic'xi ch'in. Teyle junjun c'loj cxel k'ot jun piẍ cytx'otx' ic tza'n cyajlal ma jaw. 55Tuj swert cbajel sipet tx'otx'. Teyle junjun c'loj cyiyjil tz'iban tuj list cxel tetzbil. 56Cbajel sipet cyetzbil oc tjaw swert cyxol keju c'loj nim cybaj ax icx keju mya nim cybaj, chi Kman. 57Ke c'loj tiyjil Leví e oc te tajlal tej tjaw cyajlal, atzun ke jlu: Ke tiyjil Gersón, ke tiyjil Coat ex ke tiyjil Merari. 58At txkantl c'loj tiyjil Leví, atzun ke jlu: Ke tiyjil Libni, ke tiyjil Hebrón, ke tiyjil Mahli, ke tiyjil Musi ex ke tiyjil Coré. Ate Coat tman Amram. 59Jaw moje' Amram tuc'il Jocabed aju tme'jel Leví, ex atzun itz'j Jocabed tej tten Leví tuj Ejipt. Ate Amram cyman Aarón, Moisés ex María, ex Jocabed tbi cytxu'. 60Ke tcy'ajal Aarón, atzun ke jlu: Nadab, Abiú, Eleazar ex Itamar. 61Pero otok cyim Nadab ex Abiú tu'nju cub cyk'o'n jun k'ak' twitz Kman, aju minti' otok txi k'ma'n cye tu'n tcub cyk'o'n. 62Aju cyajlal ke xinak tiyjil Leví tzaj ke' cyi'j keju matok jun xjaw cyul-len itz'j, japun 23,000 tu'n tcyakilx. Ake jlu minti' otok che oc te tajlal cyuc'il mastl aj Israel, porque minti' jun cyetzbil tu'n t-xi k'o'n. 63Atzun jun tajlal lu jaw cyi'j aj Israel tu'n Moisés ex tu'n pal Eleazar tuj tchk'ajlajil tx'otx' Moab, tcub ttzi nima Jordán tumlal twitz tnam Jericó. 64Cyxol cycyakil jlu mi jun itz'xtok cyxol keju cu'x tz'iban cybi tej tjaw tnejel maj cyajlal cyu'n Moisés ex Aarón tuj tzkij tx'otx' t-xe witz Sinaí, 65porque otok tma Kman tu'n cycyim tuj tzkij tx'otx'. Cyja'tzun misicyer jun cye cyaj ank'in, nok o'cx te Caleb aju tcy'ajal Jefone, tuc'ix Josué aju tcy'ajal Nun.

will be added

X\