NEHEMÍAS 7

1Tejtzun tpon baj ak'untl ti'j muro ex tej cyoc baj ke pwert ti'j, e octzun nk'o'ne ke xk'ukil ttzi tpwertil tnam, ke bitzal ex ke aj Leví. 2Akeju nejenel e oc nk'o'ne tu'n cycawin cyibaj xjal tuj Jerusalén, atzun Hanani aju wermaniye, tuc'ix Hananías aju comandant tuj cwartel, aju xjal lu axix toc yolin ex masxix in xob twitz Dios cywitz mastl xjal. 3Xi nma'ne cye tu'n mi'n cyjaket ke tpwertil tnam Jerusalén ka na'nxtok tmek't k'ij, ex max che lametel pwert segurxix ch'ixtok tex k'ij ex na'nxtok cyaj ke xk'ukil tnam. Ax icx e oc nk'o'ne ke xk'ukil cyxol ke xjal najlke tuj tnam Jerusalén, tu'ntzun cyxk'ukin jatum banimaj ti'j tu'n cyxk'ukin, ex junjuntl ax tu'n cyxk'ukin twitz cyex cyja. 4Aju tnam matijxix wen ex ma'xix twitz, pero mya nim xjal at tuj, porque na'nxtok cyjaw bincha'n juntl maj ke ja tuj. 5Tzajtzun tcyuwsa'n Dios weye tu'n cyoc nchmo'ne ke xjal ma' cyoclen, cyuc'ix ke xjal at cyoclen tuj cawbil ex cycyakil tnam xjal, tu'n ttz'ibet cybi cycyakil tuj jun libro te k'ibl cyajlal cycyakil xjal, ex cnet libro wu'ne jatum tz'ibamaj cybi cycyakil keju otok che ul nej. Tujtzun libro lu tz'iban ke yol lu: 6Atzun ke aj Israel jlu, akeju ax otok che itz'j tuj Judá ex otok che pon k'i'n tu'n rey Nabucodonosor tuj Babilonia. E je'tz tuj Babilonia tu'n cyul tuj Jerusalén ex tuj Judá, ex teyle junjun o pon tuj tnam jatum otok che najan ke cyman tnejel. E ul uc'in cyu'n Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum ex Baana: 8Cyxol tiyjil Paros, cab mil tuc' jun syent tuc' 72 cybet; 9Cyxol tiyjil Sefatías, ox syent tuc' 72 cybet; 10Cyxol tiyjil Ara, kak syent tuc' 52 cybet; 11Cyxol tiyjil Pahat-moab, akeju tiyjil Jesúa ex Joab, cab mil tuc' wajxak syent tuc' 18 cybet; 12Cyxol tiyjil Elam, jun mil tuc' cab syent tuc' 54 cybet; 13Cyxol tiyjil Zatu, 45 cybet; 14Cyxol tiyjil Zacai, wuk syent tuc' 60 cybet; 15Cyxol tiyjil Binúi, kak syent tuc' 48 cybet; 16Cyxol tiyjil Bebai, kak syent tuc' 28 cybet; 17Cyxol tiyjil Azgad, cab mil tuc' ox syent tuc' 22 cybet; 18Cyxol tiyjil Adonicam, kak syent tuc' 67 cybet; 19Cyxol tiyjil Bigvai, cab mil tuc' 67 cybet; 20Cyxol tiyjil Adín, kak syent tuc' 55 cybet; 21Cyxol tiyjil Ater, akeju tiyjil Ezequías, 98 cybet; 22Cyxol tiyjil Hasum, ox syent tuc' 28 cybet; 23Cyxol tiyjil Bezai, ox syent tuc' 24 cybet; 24Cyxol tiyjil Harif, jun syent tuc' 12 cybet; 25Cyxol tiyjil Gabaón, 95 cybet; 26Cyxol ke xinak aj Belén ex aj Netofa, jun syent tuc' 88 cybet; 27Cyxol ke xinak aj Anatot, jun syent tuc' 28 cybet; 28Cyxol ke xinak aj Bet-azmavet, 42 cybet; 29Cyxol ke xinak aj Quiriat-jearim aj Cafira ex aj Beerot, wuk syent tuc' 43 cybet; 30Cyxol ke xinak aj Ramá ex aj Geba, kak syent tuc' 21 cybet; 31Cyxol ke xinak aj Micmas, jun syent tuc' 22 cybet; 32Cyxol ke xinak aj Bet-el ex aj Hai, jun syent tuc' 23 cybet; 33Cyxol ke xinak aj Nebo, aju juntl tnam Nebo, 52 cybet. 34Cyxol ke xinak aj Elam, aju juntl Elam, jun mil tuc' cab syent tuc' 54 cybet; 35Cyxol ke xinak aj Harim, ox syent tuc' winkin cybet; 36Cyxol ke xinak aj Jericó, ox syent tuc' 45 cybet; 37Cyxol ke xinak aj Lod aj Hadid ex aj Ono, wuk syent tuc' 21 cybet; 38Cyxol ke xinak aj Senaa, ox mil tuc' belaj syent tuc' 30 cybet; 39Cyxol tiyjil pal Jedaías, akeju tiyjil Jesúa, belaj syent tuc' 73 cybet; 40Cyxol tiyjil pal Imer, jun mil tuc' 52 cybet; 41Cyxol tiyjil pal Pasur, jun mil tuc' cab syent tuc' 47 cybet; 42Cyxol tiyjil pal Harim, jun mil tuc' wuklaj cybet; 43Cyxol aj Leví, akeju tiyjil Jesúa ex Cadmiel ax tiyjil Hodavías ke; 74 cybet; 44Cyxol ke xjal ba'n che bitzan, akeju tiyjil Asaf, jun syent tuc' 48 cybet; 45Ke xjal xk'ukil ttzi tja Dios, akeju cyiyjil Salum, Ater, Talmón, Acub, Hatita ex Sobai; japun jun syent tuc' 38 cybet tu'n cycyakil. 46Cyxol keju in che ajben tuj tja Dios, akeju tzajni cyiyjil cyi'j ke xjal lu: Ziha, Hasufa, Tabaot, 47Queros, Siaha, Padón, 48Lebana, Hagaba, Salmai, 49Hanán, Gidel, Gahar, 50Reaía, Rezín, Necoda, 51Gazam, Uza, Paseah, 52Besai, Mehunim, Nefisesim, 53Bacbuc, Hacufa, Harhur, 54Bazlut, Mehida, Harsa, 55Barcos, Sísara, Tema, 56Nezía, ex keju te Hatifa. 57Ex ke cyiyjil ke tmajen Salomón, akeju tzajni cyiyjil cyi'j ke xjal lu: Sotai, Soferet, Perida, 58Jaala, Darcón, Gidel, 59Sefatías, Hatil, Poqueret-hazebaim ex keju tiyjil Amón. 60Aju cyajlal cycyakil ke ajbel tuj tja Dios, cyuc'ix cyajlal ke cyiyjil tmajen Salomón, japun ox syent tuc' 92 cybet tu'n cycyakil. 61Atzun keju e tzaj cyuj ke tnam Tel-mela, Tel-harsa, Querub, Adón ex tuj Imer, pero minti'tok ba'n cyu'n alcye cyxe'chel, ex ka ax cyiyjil aj Israel ke, atzun ke jlu: 62Ke cyiyjil Delaía, Tobías ex Necoda, japun kak syent tuc' 42 cybet tu'n cycyakil. 63Cyxol cyiyjil ke pal, atzun ke jlu: Ke cyiyjil Habaía, Cos ex Barzilai aju moje' tuc'il tme'jel jun xjal Barzilai tbi aju aj Galaad, tu'ntzunju oc tbi Barzilai. 64Cu'x cyjyo'n cybi tuj libro jatum tz'iban cybi cycyakil keju at cyxilen cyuc'il, pero minti' cnet cybi tuj libro, tu'ntzun jlu minti' xi k'o'n cyoclen tu'n cyoc te pal. 65Xi tk'o'n gobernador orden tu'n mi'n t-xi cywa'n wabj xjansamaj, max cxel cywa'n ocxi tajben Urim ex Ttxan tu'n jun pal, tu'ntzun tel nic'baj cyi'j, ka ax toc cyiyjil pal ke. 66Tu'n cycyakil xjal lu, japun jun cyajlal te 42 mil tuc' ox syent tuc' 60 cybet, 67ex part cyajlal cymajen xinak ex cymajen xu'j. Attok wuk mil tuc' ox xyent tuc' 37 cybet. Ax icx attok cab syent tuc' 45 bitzal, xinak ex xu'j. 68Ax icx attok wuk syent tuc' 36 cychej cabay ex cab syent tuc' 45 cychej mul, 69ex cyaje syent tuc' 35 cychej camey ex kak mil tuc' wuk syent tuc' 20 cychej bur. 70Attok junjun nejenel cye junjun c'loj aj Israel at cyxilen cyxolx, xi cyk'o'n cyoyaj tu'n tbant ak'untl; ax icx te gobernador xi tk'o'n belajlaj libr k'an pwak tuj c'ubl pwak, tuc'ix 50 lak matij ex jwe' syent tuc' 30 ẍjo'w in ajben cyu'n pal. 71Ke nejenel cye junjun c'loj aj Israel at cyxilen cyxolx xi cyk'a'c cyoyaj tuj c'ubl pwak tu'n tbant ak'untl, xi cyk'o'n ox quintal tuc' 75 libr k'an pwak ex 26 quintal tuc' 66 libr sak pwak; 72Atzun ke txkantl xjal xi cyk'o'n ox quintal tuc' 75 libr k'an pwak ex 25 quintal sak pwak ex 67 ẍjo'w in ajben cyu'n pal. 73Ke pal, ke aj Leví, ke xk'ukil ttzi tja Dios, ke bitzal, ke xjal aj tnam, ke ajbel tuj tja Dios ex cycyakil aj Israel e cub ten najal tuj cyex cytanmi. Tejtzun toc twukin xjaw, ex ya otok bant cyten aj Israel tujile cytanmi,

will be added

X\