NEHEMÍAS 11

1Ke nejenel cye tnam xjal e najan tuj Jerusalén, atzun txkantl xjal jaw cyi'n swert cyxolx, tu'n tcyaj ten jun ja xjal cyxol lajchak najal tuj Jerusalén aju tnam xjan, ex atzun belajtl ja xjal ax tu'n cycyaj ten najal cyuj cytanmi. 2E tzalaj tnam xjal cyi'j keju cyu'nx xi cyk'on cyib tu'n cyxi' najal tuj Jerusalén. 3Atzun cyuj ke tnam ate' tuj Judá e najan ke aj Israel, ke pal, ke aj Leví, ke ajbel tuj tja Dios ex ke cyiyjil tmajen Salomón; teyle junjun najan tuj tex ttanmi ex tuj tex ttx'otx', aju etzan tu'n. Atzun ke nejenel jlu te junjun tnam ate' tuj tcwent Judá, e pon najal tuj Jerusalén. 4At junjun aj Judá ex aj Benjamín e najan tuj Jerusalén, ex ke tiyjil Judá e najan tuj Jerusalén atzun ke jlu: Ataías aju tcy'ajal Uzías, atzunte Uzías tcy'ajal Zacarías, atzunte Zacarías tcy'ajal Amarías, atzunte Amarías tcy'ajal Sefatías, atzunte Sefatías tcy'ajal Mahalaleel aju tiyjil Fares; 5ex Maasías aju tcy'ajal Baruc, atzunte Baruc tcy'ajal Colhoze, atzunte Colhoze tcy'ajal Hazaías, atzunte Hazaías tcy'ajal Adaías, atzunte Adaías tcy'ajal Joiarib, atzunte Joiarib tcy'ajal Zacarías, atzunte Zacarías tcy'ajal Siloni. 6Aju cyajlal tiyjil Fares e cyaj ten najal tuj Jerusalén, cyaje syent tuc' 68 cybet, ex cycyakil ke xinak lu cyuw cyc'u'j tuj k'oj. 7Atzun ke tiyjil Benjamín atzun ke jlu: Salú aju tcy'ajal Mesulam, atzunte Mesulam tcy'ajal Joed, atzunte Joed tcy'ajal Pedaías, atzunte Pedaías tcy'ajal Colaías, atzunte Colaías tcy'ajal Maasías, atzunte Maasías tcy'ajal Itiel, atzunte Itiel tcy'ajal Jesaías; 8ex cyuc'ix Gabai ex Salai. Aju cyajlal tu'n cycyakil, japun belaj syent tuc' 28 cybet. 9Aju nejenel cye, atzun Joel aju tcy'ajal Zicri, tuc'ix Judá aju tcy'ajal Senúa, aju tcabin nejenel tuj tnam. 10Cyxol cyiyjil ke pal, atzun ke jlu: Gedaías aju tcy'ajal Joiarib, tuc'ix Jaquín 11ex Seraías aju tcy'ajal Hilcías; atzunte Hilcías tcy'ajal Mesulam, atzunte Mesulam tcy'ajal Sadoc, atzunte Sadoc tcy'ajal Meraiot, atzunte Meraiot tcy'ajal Ahitob, ex ate Ahitob nejenel ma'xix toclen tuj tja Dios. 12Ax icx ke tuc'il, akeju in che ak'nan tuj ak'untl tuj tja Dios, 822 cybet. Tuc'ix Adaías aju tcy'ajal Jeroham, ate Jeroham tcy'ajal Pelalías, atzunte Pelalías tcy'ajal Amsi, atzunte Amsi tcy'ajal Zacarías, atzunte Zacarías tcy'ajal Pasur, atzunte Pasur tcy'ajal Malquías. 13Cyuc'ix keju at cyxilen cyuc'il, akeju nejenel cye junjun c'loj xjal at cyxilen cyxolx, japun jun cyajlal te cab syent tuc' 42 cybet tuc'ix Amasai, aju tcy'ajal Azareel; ate Azareel tcy'ajal Azai, atzunte Azai tcy'ajal Mesilemot, atzunte Mesilemot tcy'ajal Imer. 14Cyuc'ix keju at cyxilen cyuc'il, akeju xinak cyuw cyc'u'j tuj k'oj, japun jun cyajlal te 128 cybet, ex aju nejenel cye, atzun Zabdiel aju tcy'ajal Gedolim. 15Atzun cyxol cyiyjil aj Leví, atzun ke jlu: Semaías aju tcy'ajal Hasub, ate Hasub tcy'ajal Azricam, atzunte Azricam tcy'ajal Hasabías, atzunte Hasabías tcy'ajal Buni; 16ate Sabetai tuc'ix Jozabad, nejenel ke cye aj Leví ex tuj cycwent ta' ak'untl in bant ti'jxi tja Dios. 17Ate Matanías tcy'ajal Micaía, atzunte Micaía tcy'ajal Zabdi, atzunte Zabdi tcy'ajal Asaf aju nejenel cye ke bitzal, akeju in che nimsante tbi Dios ex in cyk'o'n chjonte te Dios oc nno'c na'j Dios; ate Bacbuquías nejenel cye tcabin c'loj, tuc'ix Abda aju tcy'ajal Samúa, ate Samúa tcy'ajal Galal, atzunte Galal tcy'ajal Jedutún. 18Aju cyajlal aj Leví e cyaj ten najal tuj tnam xjan, japun cab syent tuc' 84 cybet. 19Cyxol cyiyjil ke xk'ukil ttzi tja Dios, atzun ke jlu: Acub ex Talmón cyuc'ix keju at cyxilen cyuc'il, xk'ukil cytzi pwert ke; japun jun cyajlal te jun syent tuc' 72 cybet. 20Atzun txkantl xjal aj Israel ex ke pal ex ke aj Leví, e je'x najal cyuj txkantl tnam ate' tuj Judá, teyle junjun tuj tex ttx'otx'; 21atzun ke ajbel tuj tja Dios e najan tuj Ofel, ex akeju nejenel cye atzun Ziha ex Gispa. 22Atzunju nejenel cye aj Leví, akeju najlke tuj Jerusalén, atzun Uzi aju tcy'ajal Bani, ate Bani tcy'ajal Hasabías, atzunte Hasabías tcy'ajal Matanías, atzunte Matanías tcy'ajal Micaía; ake jlu tiyjil Asaf ke, ex atzun ke cyoc te nejenel cye ke bitzal, akeju in che ajben tuj tja Dios, 23ex atzunte rey otok txi tk'o'n orden cye ke bitzal alcye tu'n tbant cyu'n tcyakil k'ij. 24Aju xjal yolil tu'n tbant ti'j nok alcyex jun ti'xti cye tnam xjal twitz rey, atzun Petaías aju tcy'ajal Mesezabeel aju tiyjil Zera, aju tcy'ajal Judá. 25At junjun tiyjil Judá e najan cyuj ke tnam lu: Nsputine, Dibón, Jecabseel, 26Jesúa, Molada, Bet-pelet, 27Hazar-sual, Beerseba, 28Siclag, Mecona, 29En-rimón, Zora, Jarmut, 30Zanoa, Adulam, Laquis ex Azeca, cyuc'ix ke aldey ex ke cojbil ate' cyi'jele. Aju cylugar jatum e cub ten tu'n cynajan, xi'x ke' tuj Beerseba ex pon baj tuj chk'ajlaj Hinom. 31Atzun ke tiyjil Benjamín e najan cyuj ke tnam lu: Geba, Micmas, Aía ex Bet-el, cyuc'ix ke aldey ate' cyi'jele; 32ax icx at e najan cyuj ke tnam lu: Anatot, Nob, Ananías, 33Hazor, Ramá, Gitaim, 34Hadid, Seboim, Nebalat, 35Lod, Ono, ex tuj chk'ajlaj cye keju ba'n che binchan tcyakil txcaj ak'untl tbanilxix. 36Ax icx at junjun aj Leví najl ke tuj cytx'otx' tiyjil Judá, e je'x najal tuj cytx'otx' tiyjil Benjamín.

will be added

X\