JUECES 13

1E octzun ten juntl maj aj Israel binchal mya ba'n twitz Kman; cyja'tzun e je'x tk'o'n Kman tuj cyk'ab aj Filistey tu'n cycawin cyibaj 40 abk'i. 2Tuj tnam Zora cyxol ke tiyjil Dan, attok jun xinak Manoa tbi, ex aju t-xu'jil minti'tok tal otok tzaj tu'nju mibantok alin. 3Cub tyec'un tib jun t-anjel Kman twitz xu'j lu ex xi tma'n te: Aya xu'j miban alin cyja'tzun na'nx ttzaj jun tala, pero ja'lo c'oquel ten jun tala ex tzul itz'j jun tala xinak. 4Pero cwentin cub tiba tu'n mi'n t-xi tc'a'na vin ex mi k'e'n, ex mi'n txi tnic'be'na jun ti'xti mayo'n tu'n ley. 5Aju tala tzul itz'j, mi'n tz'el matzet ttxa'n twi', porque oc tul itz'j ya pa'majtl tu'n Kman tu'n toc te nazareo ex tu'n tajben te Dios, ex atzunte c'oquel ten clolte cye aj Israel tuj cyk'ab aj Filistey. 6Xi'tzun xu'j tuc'il tchmil ex xi tma'n te: At jun xinak t-sanjel Dios ma pon aj jatum atintoke; nim ma chin labine tu'n porque mer ic tza'n ax jun t-anjel Kman. Ex minti' xi nkanine te alcye ex jatum tzajni, ax icx te minti' ma tzaj tma'n tbi weye. 7Nok o'cx ma tzaj tma'n weye ka tzul itz'j jun wale xinak, ex ma tma ka texju ja'lo tu'n mi'n t-xi nc'a'ne vin mi k'e'n, ex mi'n tu'n t-xi nnic'be'ne jun ti'xti mayo'n tu'n ley, porque aju tal ne' pa'maj tu'n Dios tu'n toc te nazareo oc tul itz'j ex ocxi tcyim. 8Octzun ten Manoa na'l Dios ex tma cyja': In chin cubsane twitza Nman Dios, tu'n ttzaj tlajo'na juntl maj aju xinak kuc'ile, tu'ntzun ttzaj tma'n keye tza'n tten tu'n tch'iset tal ne' oc tul itz'j. 9Banttzun tu'n Dios ic tza'n otok txi tkanin Manoa, ex cub tyec'un tib juntl maj t-anjel Kman twitz xu'j tuj cojbil, pero mya ajuntok Manoa tuc'il. 10Xi kelan naj xu'j k'malte te tchmil: —Bintza, aju xinak o wile c'itzkeyin ma cub tyec'un tib juntl maj nwitze. 11Jawtzun we' Manoa ex xi' tuc'il t-xu'jil jatum ta'tok xinak, ex xi tma'n te: —¿Apeya o yolin tuc'il nxu'jile c'itzkeyin? Atzunte xinak tzaj ttzak'we'n: —Akine, chi. 12Xitzun tma'n Manoa te: —Oc tjapun aju ma tmaya keye, ¿alcyetzun tumel cch'iyil tal ne' ku'ne? ex ¿ti cbantel ku'ne ti'j tal ne'? 13Atzunte t-anjel Kman xi ttzak'we'n: —Il ti'j tu'n tbinchante t-xu'jila ic tza'n o txi nma'ne te: 14Mi'n txi tc'a'n vin ex mi juntl wik ta'l twitz uva ex mi'n txi tc'a'n k'e'n, ex mi'n txi tnic'be'n juntl ti'xti mayo'n tu'n ley. Nok o'cx tu'n tjapun tu'n ic tza'n o txi nma'ne te, chi anjel. 15Tu'nju minti'tok ba'n tu'n Manoa ka aju xinak lu jun t-anjel Kman, xi tma'n te: —Binchama xtalbil, tencja kuc'ile tu'n tchyo'na ti'j jun tal chip cbajel kbincha'ne. Atzunte anjel xi ttzak'we'n: —Tipxlo ka ma chin cyaj tene, mlay chin chyo'ne ti'j cychi'ye. Pero ba'n tu'n tcub tpatuna tal chip te jun oyaj te Kman. 17Xitzun tma'n Manoa te t-anjel Kman: —Nokna o'cx k'mantza keye ti tbiya tu'ntzun t-xi kk'o'ne chjonte teya oc tjapun aju ma tmaya. 18Pero xi ttzak'we'n anjel: —¿Ti tajben teya tu'n tbinteya nbiye? Porque aju nbiye ma'xix t-xilen. 19Tzajtzun ti'n Manoa aju tal chip tuc'ix ch'in twitz awal, e cub tk'o'n tibaj jun pic ex cub tpatun te jun oyaj te Kman. Tbinchatzun Kman jun binchben ma'xix t-xilen twitz Manoa ex twitz t-xu'jil. 20Tej tjaw c'ant k'ak' tibaj altar, o til Manoa tuc'ix t-xu'jil jax t-anjel Kman tuj tkan k'ak', ex xi' tuj cya'j. E cubtzun ẍmeje' tejxi tpon tacl tibaj cywitz twitz tx'otx'. 21Eltzun tnic' Manoa ti'j ka ate xinak lu t-anjel Kman. Minti'tl cub tyec'un tib juntl maj t-anjel Kman twitz Manoa ex mi twitz t-xu'jil. 22Xitzun tma'n Manoa te t-xu'jil: —Axix toc ko cymel, porque ma tz'oc kque'yin Dios. 23Atzunte xu'j xi ttzak'we'n: —Nokwit taj Kman tu'n kcub tbyo'n, minti'wtlo xi tc'mo'n aju tal chip xcub kpatun, ex twitz awal xi kk'o'n te oyaj, ex minti'wtlo ma kil tcyakilju saj tyec'un ke. Ax icx minti'wtlo saj tma'n tcyakil jlu ke. 24Ultzun itz'j tal xu'j ex oc tk'o'n tbi Sansón. In ch'iytok tal ne' ex cub cy'iwla'n tu'n Kman. 25Pon jun k'ij, lu Sansón ta'tok tuj cycampament jun c'loj tiyjil Dan, aju tcub t-xol lugar Zora tuc'il lugar Estaol, ex octzun ten T-xew Kman k'olte tipumal.

will be added

X\