JOSUÉ 15

1Aju tx'otx' oc te cye tiyjil Judá tej tjaw swert ti'j ic tza'nx cyajlal teyle junjun c'loj cyiyjil, pon baj max tmojonil cytx'otx' aj Edom, atzun tuj tnayaj k'ij pon baj max tuj tzkij tx'otx' Zin; 2aju mojon tumlal tnayaj k'ij, atzun in xi ke' max ttxa'n mar at nim atz'an tuj, 3xi'yintl tu'n tjax twitz jawl Acrabim, exni tuj tzkij tx'otx' Zin, exni tuj chk'ajlaj Cades-barnea, xi'yintl tu'n tpon max tuj Hezrón, jawinx max tuj Adar, in k'o'n welt max tuj lugar Carca, 4ex atzun ic'ni tu'n tpon max tuj lugar Asmón, tu'n tex ttzi tk'ab xak te Ejipt, ex japun baj ttzi Nintz mar. Atzunju mojon lu tuj tnayaj k'ij. 5Aju tmojonil tuj tjawitz k'ij, atzun mar at nim atz'an tuj, ex ponin baj max jatum nno'cx nima Jordán tuj mar at nim atz'an tuj. Ex atzun tzajni ke' tmojonil tuj tbank'ab k'ij: 6Jawnix tuj lugar Bet-hogla, ic'ni twi tx'otx' Bet-arabá, ic'ni tu'n tpon jatum ta' pic Bohán, (ate Bohán tcy'ajal Rubén), 7jawnix tuj chk'ajlaj Acor tu'n tpon tuj tnam Debir, ex atzun cubintz tuj Gilgal, tcubsa'n twitz jawl Adumín, tcu'tz ma t-xe tk'ab xak, ex ic'intl mojon jatum ta' twi a' En-semes, xi'yni tu'n tpon max tuj lugar En-rogel; 8ex ic'ni tuj chk'ajlaj Ben-hinom, t-xe twitz jawl Jebús ex ka Jerusalén, ex jawnix twi witz aju tcubsa'n tuj telex k'ij te chk'ajlaj Hinom ex tuj tbank'ab k'ij te chk'ajlaj Refaim, 9tu'ntzun tk'on welt twi witz, ex tu'n tpon max jatum ta' twi a' Neftoa, ex tu'n tpon max cyuj ke tnam ate' twi witz Efrón, ic'ni tuj tnam Baala ex ax juntl tbi Quiriat-jearim. 10Atzun in meltz'aj mojon tuj telex k'ij te tnam Baala tu'n tpon max twi witz Seir, ex elnix tuj tbank'ab k'ij twi witz Queslón aju ax juntl tbi Jearim, tu'ntzun tcubil max tuj tnam Bet-semes, ex tu'n tic' tuj tnam Timna, 11ex elnix tuj tbank'ab k'ij twitz jawl te tnam Ecrón, ex elnix twi witz Baala, tu'n tex tuj lugar Jabneel, tu'ntzun tpon baj ttzi Nintz mar. 12Ate Nintz mar oc te mojon tuj telex k'ij. Atzun ke mojon lu ti'j etzbil o cyc'am ke tiyjil Judá, ex cub sipan cyxol junjun c'loj cyiyjil. 13Xi tk'o'n Josué te Caleb aju tcy'ajal Jefone jun piẍ tx'otx' ti'j cytx'otx' ke tiyjil Judá, ic tza'nx otok tma Kman te Josué. Xi tk'o'n aju tnam Quiriat-arba aju ax juntl tbi Hebrón. Ate Arba t-xe'chel Anac. 14Atzun e ex tlajo'n Caleb ox tiyjil Anac, ex atzun cybi jlu: Sesai, Ahimán ex Talmai. 15Te tibajxi xi' k'ojlel cyi'j ke xjal najlke tuj tnam Debir, aju Quiriat-sefer tbi nej. 16Ex tma Caleb: Alcye jun ma tz'oc tzokpaj ti'j tnam lu, ex ka ma cub ti'j tu'n, jacu txi nk'o'ne nme'jele Acsa te tu'n toc te t-xu'jil. 17Tzyet tnam lu tu'n Otoniel aju tcy'ajal Cenes, aju ax terman Caleb, ex xi tk'o'n Caleb Acsa te, aju tme'jel, tu'n toc te t-xu'jil. 18Tej otok bant tten Acsa tu'n t-xi' tuc'il Otoniel, xi tma'n Otoniel te tu'n t-xi tkanin te tman jun piẍ tx'otx' te cojbil. Cu'tztzun Acsa tibaj bur ex xi tkanin Caleb te: —¿Ti taja? 19—Wajbile tu'n t-xi nkanine jun xtalbil teya— chi Acsa, xi ttzak'we'n. —Yaque ma tzaj tk'o'na weye aju tzkij tx'otx' tuj lugar Néguev, ax icx k'ontza ke twi a' weye. Xitzun tk'o'n Caleb ke twi a' te jawni ex ke twi a' te cubni te. 20Atzun cyetzbil ke tiyjil Judá jlu, aju cub sipan cyxol teyle junjun c'loj cyiyjil. 21Akeju tnam e oc te cye tuj tx'otx' Néguev, ponin max tuj tmojonil cytx'otx' aj Edom, atzun ke jlu: Cabseel, Edar, Jagur, 22Cina, Dimona, Adada, 23Cedes, Hazor, Itnán, 24Zif, Telem, Bealot, 25Hazor-hadata, Queriot, Hezrón (aju ax juntl tbi Hazor), 26Amam, Sema, Molada, 27Hazar-gada, Hesmón, Bet-pelet 28Hazar-sual, Beerseba, Bizotia, 29Baala, Iim, Esem, 30Eltolad, Quesil, Horma, 31Siclag, Madmana, Sansana, 32Lebaot, Silhim, Aín ex Rimón. O japun 29 tnam tu'n tcyakilx, cyuc'ix ke aldey ate' cyi'jele. 33Atzun tuj chk'ajlaj, atzun ke tnam jlu e oc te cye: Estaol, Zora, Asena, 34Zanoa, En-ganim, Tapúa, Enam, 35Jarmut, Adulam, Soco, Azeca, 36Saaraim, Aditaim, Gedera ex Gederotaim; cyajlaj tnam tu'n tcyakilx, cyuc'ix ke aldey ate' cyi'jele. 37Ex ke tnam Zenán, Hadasa, Migdal-gad, 38Dileán, Mizpa, Jocteel, 39Laquis, Boscat, Eglón, 40Cabón, Lahmam, Quitlis, 41Gederot, Bet-dagón, Naama ex Maceda; kaklaj tnam tu'n tcyakilx, cyuc'ix ke aldey ate' cyi'jele. 42Ex ke tnam Libna, Eter, Asán, 43Jifta, Asena, Nezib, 44Keila, Aczib ex Maresa; belaj tnam tu'n tcyakilx, cyuc'ix ke aldey ate' cyi'jele. 45Ax icx tnam Ecrón, cyuc'ix ke taldey ex mastl tal lugar ate' ti'jele. 46Xi'yinx tuj tnam Ecrón ex ponin baj max ttzi Nintz mar, tcyakil tx'otx' toc nikayin ti'j tnam Asdod, junx cyuc'il ke taldey. 47Ax icx tnam Asdod, cyuc'ix ke taldey ex ke mastl lugar ate' ti'jele, ex tnam Gaza, cyuc'ix ke taldey ex ke mastl lugar ate' ti'jele, cupun baj max ttzi tk'ab xak te Ejipt ex ponin baj ttzi Nintz mar. 48Tuj tiwitz tx'otx', atzun ke tnam lu e oc te cye aj Judá: Samir, Jatir, Soco, 49Dana, Quiriat-sana (aju ax juntl tbi Debir), 50Anab, Estemoa, Anim, 51Gosén, Holón ex Gilo; junlaj tnam tu'n tcyakilx, cyuc'ix ke aldey ate' cyi'jele. 52Ex ke tnam Arab, Duma, Esán 53Janum, Bet-tapúa, Afeca, 54Humta, Quiriat-arba, (aju ax juntl tbi Hebrón) ex Sior; belaj tnam tu'n tcyakilx, cyuc'ix ke aldey ate' cyi'jele. 55Ex ke tnam Maón, Carmel, Zif, Juta, 56Jezreel, Jocdeam, Zanoa, 57Caín, Gabaa ex Timna; laj tnam tu'n tcyakilx, cyuc'ix ke aldey ate' cyi'jele. 58Ex ke tnam Halhul, Bet-sur, Gerdor, 59Maarat, Bet-anot ex Eltecón; kak tnam tu'n tcyakilx, cyuc'ix ke aldey ate' cyi'jele. 60Ke tnam Quiriat-baal aju ax juntl tbi Quiriat-jearim, ex tnam Rabá, cyuc'ix ke cy-aldey ate' cyi'jele. 61Tuj lugar tzkij tx'otx', atzun ke tnam lu e oc te cye: Bet-arabá, Midín, Secaca, 62Nibsán, aju tnam at nim atz'an tuj, ex En-gadi; kak tnam tu'n tcyakilx, cyuc'ix ke cy-aldey ate' cyi'jele. 63Ke tiyjil Judá minti' e xcye' tu'n cyex cylajo'n ke xjal aj Jebusey akeju najl tuj Jerusalén, cyja'tzun ax najlke aj Jebusey ja'lo tuj Jerusalén junx cyuc'il ke tiyjil Judá.

will be added

X\