1 Atzun ke rey lu cub cyi'j cyu'n aj Israel tuj tjawitz k'ij te nima Jordán, ex aju tx'otx' tzyet cyu'n tzajx ke' ttzi tk'ab xak Arnón ex pon baj max twi witz Hermón, tuc'ix tcyakil chk'ajlaj ttzi nima Jordán tuj tjawitz k'ij. 2 Cub ti'j Sehón cyu'n, aju rey cye aj Amorrey, aju najl tuj tnam Hesbón. Aju tcawbil atzun tzajni ke' tuj tnam Aroer ttzi tk'ab xak Arnón, tuj tmij chk'ajlaj, ex ponin baj max ttzi tk'ab xak Jaboc, jatum xi'yni ke' cytx'otx' aj Amón, ex ka mijcu tx'otx' Galaad. 3 Ax icx in cawintok tuj chk'ajlaj tuj tjawitz k'ij ttzi nima Jordán, tzajni ke' ttzi lagun Cineret ex ponin baj max ttzi mar at nim atz'an tuj tuj chk'a'jlaj Arabá, tumlal tnam Bet-jesimot, ex ponin baj tumlal tnayaj k'ij t-xe witz Pisga tbi. 4 Ex cub ti'j Og cyu'n, aju rey te Basán, jun mancbil cyiyjil aj Refait, atzun najl tuj tnam Astarot ex tuj tnam Edrei. 5 Aju tcawbil, atzun tzajni ke' twi witz Hermón ex tuj tnam Salca, ex xi'yin tuj tcyakil tx'otx' Basán, ponin baj tuj tmojonil tnam Gesur ex tnam Maaca, max tuj tmij tx'otx' Galaad, aju tetok Sehón aju rey te Hesbón. 6 Tu'n Moisés ex cyu'n aj Israel cub cyi'j ke rey lu, ex atzunte Moisés aju tmajen Dios xi k'onte tx'otx' lu cye ke tiyjil Rubén, cye ke tiyjil Gad ex cye mij tiyjil Manasés. 7 Atzun ke rey lu, akeju cub cyi'j tu'n Josué ex cyu'n aj Israel tuj tx'otx' tuj telex k'ij te nima Jordán. Aju tx'otx' lu atzun in tzaj ke' tuj lugar Baal-gad aju at tuj chk'ajlaj Líbano, ex in pon baj twi witz Halac nikayin ttxlaj lugar Seir. Atzunte Josué cub sipante cytx'otx' ke rey lu cyxol cyiyjil aj Israel ex xi tk'o'n te cyetzbil te jumajx. 8 Aju tx'otx' tiwitz tx'otx', tuc'ix tx'otx' chk'ajlaj, tuc'ix chk'ajlaj tcub ttzi nima Jordán, tuc'ix tx'otx' tc'u'j witz, tuc'ix tzkij tx'otx' ex tuc'ix lugar Néguev tbi, akeju tx'otx' lu cyetok aj Hetey, aj Amorrey, aj Canaán, aj Ferezey, aj Hevey ex aj Jebusey. 9 Akeju rey cub cyi'j cyu'n, atzun ke jlu: aju rey te tnam Jericó, aju rey te tnam Hai, aju tnam lu nikayin ta' ti'j Bet-el, 10 aju rey te tnam Jerusalén, aju rey te tnam Hebrón, 11 aju rey te tnam Jarmut, aju rey te tnam Laquis, 12 aju rey te tnam Eglón, aju rey te tnam Gezer, 13 aju rey te tnam Debir, aju rey te tnam Geder, 14 aju rey te tnam Horma, aju rey te tnam Arad, 15 aju rey te tnam Libna, aju rey te tnam Adulam, 16 aju rey te tnam Maceda, aju rey te tnam Bet-el, 17 aju rey te tnam Tapúa, aju rey te tnam Hefer, 18 aju rey te tnam Afec, aju rey te tnam Sarón, 19 aju rey te tnam Madón, aju rey te tnam Hazor, 20 aju rey te tnam Simron-merón, aju rey te tnam Acsaf, 21 aju rey te tnam Taanac, aju rey te tnam Meguido, 22 aju rey te tnam Cedes, aju rey te tnam Jocneam tcub t-xe witz Carmelo, 23 aju rey te tnam Dor tuj tx'otx' Dor, aju rey te tnam Goim tuj tx'otx' Gilgal, 24 ex aju rey te tnam Tirsa. Tu'n tcyakilx 31 cybaj rey.
