JONÁS 4

1A jlu mya ba'n e'la tuj twitz Jonás, ex tzaj nimxix tk'oj tu'n tlaj. 2Cyja'tzun oc ten na'l Dios ex tma: —Bintza Nman, atzun jlu o nmaye tej atinxtoke tuj ntanmiye. Cyja'tzun cub nximane tu'n nxi ok naje tuj tnam Tarsis, porque ba'n wu'ne aya jun Dios jurat in cub tc'u'ja ex in tzaj k'ak'an tc'u'ja, mya jurat naj in jaw k'ojla ex at nim tc'ujlalila, in tma'na tu'n ttzaj castiw, pero jurat in ch'expet t-ximbetza tu'n mi'n ttzaj. 3Cyja'tzun Nman, in chin cubsane twitza tu'n ncyime tu'na. Mas ba'n te weye tu'n ncyime twitzju tu'n wank'ine. 4Atzunte Kman tzaj ttzak'we'n: —¿Ba'npe in tbincha'na tu'nju in jaw k'ojla? 5Etztzun Jonás tuj tnam ex cub ten ttxa'n tnam tuj tjawitz k'ij, jaw tbincha'n jun tal t-xmu'j ex cub ke' tjak' t-xlecumal, in ayon ti'j alcye tu'n tbaj ti'j tnam. 6O tbincha Kman Dios tu'n ttzaj ch'iy jun wi' ak' tibaj t-xmu'j Jonás, tu'ntzun tten t-xlecumal tibaj twi', tu'ntzun puro ba'n tu'n tela tna'n; ex nimxix o tzalaj Jonás ti'j tkan ak'. 7Tejtzun kskix te juntl k'ij, tzaj t-sama'n Dios jun ẍuk' tu'n toc twa'n t-xe tloc' ex bi'x tzkij ak'. 8Tejtzun tkoptz'aj k'ij, tzaj t-sama'n Dios jun nintz cyk'ik' nim tcyakal tzaj tuj tjawitz k'ij; ax icx nno'ctok ta'w k'ij wen ti'j twi' Jonás, ex tu'n jlu el baj tipun ex o tajbe tu'n tcyim. Cyja'tzun o tma cyja': —Mas ba'n te weye tu'n ncyime twitzju tu'n wank'intle, chi Jonás. 9Pero tzaj ttzak'we'ntl Dios: —¿Ba'npe in tbincha'na tu'nju in jaw k'ojla ti'j tkan ak' ma tzkij? Chi Dios. —Ax toc ba'n, in chin k'ojle wen ex wajbile tu'n ncyime, chi Jonás. 10Atzunte Kman tzaj tma'n: —Teya ma tzaj tz'e'y tc'u'ja ti'j tkan ak' ex mya aya xcu'x awante, ex mya tu'na xch'iy; tuj junx konic'an xjawil pok'l, ex te juntl konic'an ma tzkij. 11Cyja'tzun tuj tumel tu'n ttzaj tz'e'y nc'u'je ti'j tnam Nínive, porque tuj nintz tnam lu at mas te jun syent tuc' winkin mil c'wa'l minti' cyil ex nimcu alumaj, chi Kman.

will be added

X\