JOB 5

1Tjaw sch'ina Job. ¿Atpelo jun jacu tzaj onil teya? ¿Alcye jun anjel cxel tkanina onbil te? 2Ploj nne'l tuj twitz xjal aju yajbil in tzaj ti'j, ex ka ma tz'oc ten k'ojlel tu'n tlaj jlu, tu'nx in tzaj ti'n camic ti'j, tu'nju minti' tnabl. 3O wile jun xjal minti' tnabl, jurat naj chmet nimcu te, pero jurat naj o cub xitj tja. 4Mi a'l jun onil cye ke tc'wa'l; oc cypon k'i'n twitz jwes minti' in xi bincha'n cyi'j tu'n, ex mi a'l jun colol cyi'j. 5Aju twitz tawal xjal minti' tnabl, in xi cywa'n ke xjal at we'yaj cyi'j masque tuj ch'i'x in jaw cychmo'n; ex ke xjal at txketle'n cyi'j in pon cyc'u'j ti'j tk'inumabl. 6Aju mya ba'n in tzaj ki'j, mya ax in jaw jlet twitz tx'otx', aju bis mya ax in tzaj pok'l tuj tx'otx'. 7Ic tza'n ke c'ech in che etz tuj k'ak', icxtzun te xjal il ti'j tu'n tic'x c'ixc'oj tu'n. 8Nokwit akine at bis wi'je ic tza'n teya, mawtlo chinxe kanil onbil te Dios ex mawtlo txi nk'on wibe te Dios tu'n t-xi tbincha'n wi'je. 9Nimxix tbinchben Dios in bant ma'xix t-xilen, ex mi a'l jun jacu tz'el tnic' ti'j. 10A Dios in tzaj k'onte jbal twitz tx'otx', ex tu'n in baj ta'lin ke cojbil. 11Ke xjal ch'in cyoclen in che jaw nimsa'n tu'n Dios, ex keju in che bisun in che'x ti'n tuj jun lugar segur jatum tu'n cyclonte cyib. 12Aju xjal elni twitz tu'n t-sbun, in baj ttzacsin Dios t-ximbetz tu'ntzun mi tbant aju otok cub t-ximan. 13In che tzyet ke aj nabl tu'n Dios masque jawni cywitz, ex minti' in xi tk'o'n ambil cye tu'n tbant aju mya ba'n otok cub cyximan. 14K'ijl in che tacpaje', ex in che bet tuj kxopin mer ic tza'n konic'an. 15In che clet tu'n Dios ke meba xjal ex keju in che yajlanjtz cyu'n ke binchal mya ba'n. 16Ke xjal minti' cyipun, o'cx ti'j Dios in ke' cyc'u'j tu'n cyclet. In maket cytzi' ke xjal mya ba'n tu'n Dios. 17At tzalajbil te xjal nno'c mayo'n tu'n Dios ti'j ju mya ba'n in tbincha'n. Mi'n tz'el tic'una oc toc mayo'na tu'n Dios, aju at tipumal tu'n tbant tcyakil tu'n. 18Ka ma tz'oc jun ẍil ti'ja tu'n, ax c'oquel potzin ti'j; ka ma tz'oc c'ixbisa'na tu'n, ax ck'anil teya. 19A clolte teya tcyakil maj oc ttzaj xobajil ti'ja, ex mlay tak' ambil tu'n ttzaj mya ba'n ti'ja. 20Tuj tk'ijlalil we'yaj cletela tu'n tu'n mi tcyima, ex oc ttzaj k'oj, cletela tu'n tu'n mi tcuba tu'n spad. 21Cletela tu'n oc cysi'min xjal yol ti'ja, ex mlay xoba oc ttzaj xitbil ti'ja. 22Ka ma tzaj we'yaj ex ka ma tzaj xitbil, mlay baj tc'u'ja ex mlay xoba cywitz ke txcup te tjak' c'ul. 23Oc tak'nana mlay tz'oc we'ya cyi'j ke abj tuj tcojbila, ex ctel tmojbabl tiba cyuc'il ke txcup. 24Txubtxaj ctela tuj tjaya, ex cabal ate' ke taluna oc cybaj tajla'na. 25Nimcu tiyjila che ul itz'j, ic tza'n cha'x c'ul tuj cojbil. 26Atxtok tipuna oc tcyima, ic tza'n jun che'l triw otok pon tk'ij. 27Ma kile ex ma tz'el knic'e ti'j, ic ttenju. Binxa ex tz'ajbenxwit teya, chi Elifaz, baj tma'n.

will be added

X\