JOB 23

1Xitzun ttzak'we'n Job ex tma: 2Juntl maj cxel nma'ne aju nbise nimxix, porque nimxix ma chin c'ixbisanjtze tu'n Dios. 3Nokwit ba'n nbinteye jatum jacu cnet wu'ne ex tza'n tten tu'n npone jatum najl. 4Jacwitlo tecu tz'oc nma'ne aju nyole, porque nimcu yol at wuc'ile te colbil wibe. 5Jaculo tz'el nnic'e ti'j alcye yol ctzajel ttzak'we'n weye, ex jaculo tz'el nnic'e ti'j alcye ctzajel tma'n weye. 6Pero mlaylo yolin cyuw wuc'ile tu'nju at tipumal, nok o'cx jaculo chin cub tbi'n, 7ex jaculo tz'el tnic' ti'j ka at ttxolil nyole, jaculo tma weye ka minti' wile ex jaculo chin cyaj ttzokpi'n te jumajx. 8In chin jyone ti'j Dios tuj tjawitz k'ij pero mi a'l at, in chin jyone ti'j tuj telex k'ij ex minti' in cnet wu'ne. 9In chinxe jyolte tuj tbank'ab k'ij, pero minti' in wile; in chinxe tuj tnayaj k'ij, ax minti' in tzaj tyec'un tib weye. 10Atzun te ba'n tu'n jatum in chin bete; oc woque tuj malbil tu'n, chin elele minti' wile. 11Cucx lepch kine ti'j ex minti' in chin el tzpete ti'j be ma cyaj tyec'un weye. 12Cucx in che japun ke tley wu'ne ax icx ke tmandamyent, ex mya aju wexe wajbil. 13Oc in cub t-ximan tu'n tbant jun ti'xti tu'n, in bant tu'n ex mi a'l jun jacu mayonte te. 14Aju ma cub t-ximan tu'n tbinchante wi'je, atzunju oc cbantel tu'n, ex at mastl ximamaj tu'n ic tza'nx jlu. 15Cyja'tzun in chin xobe twitz, nok o'cx oc woc tene ximal ti'j in tzaj nim t-xobil wi'je. 16Ate Dios aju at tipumal tu'n tbant tcyakil tu'n, ma tzaj baj nc'u'je tu'n, ex ma tzaj t-xobil wi'je. 17Nokwit ba'n ncub naje tu'n klolj konic'an ex tu'n nxi ewane tu'n.

will be added

X\