Santiago 3

1Erman, mi'n tz'oc cyk'o'ne nimcu xnak'tzal cyxole, porque ba'n ku'n, ka xnak'tzal ko', mas ko oquel tuj xjel cywitz mastl. 2Porque kcyakil nimcu maj in ko tzpet ti'j; katzun at jun minti' in tzpet ti'j tyol, atzun xjalju tz'aklxix ex in bant tjac'unte tcyakil t-ximlal. 3Nno'cx kk'o'n pren tuj cytzi' chej tu'n knimanjtz cyu'n, cyja'tzun tten in ajtz kxkutz'in tcyakil cyximlal. 4Ax icx che ximane cyi'j ke barc; masque nimak ke ex in che bet tu'n cyk'ik' cyuwxix, pero in che ajtz xkutz'in tu'n jun xkutz'bil tal ch'in nok ja'x jatum tajbil ju yucul te barc tu'n t-xi'. 5Icxtzun tten ktzi'; masque tal ch'in, pero puro jawni ex in jaw tniman tib. Ch'in k'ak' in baj tz'e'y ti'j jun witz tu'n. 6Icxtzun tten ktzi' ic tza'n k'ak', ex nojni tu'n tcyakil mya ba'n; tu'n ktzi' in naj tcyakil kximlal, ex tu'n ktzi' mas in jaw c'ant ju mya ba'n tuj kchwinklal, ex atzun in tzaj tk'ak'al ktzi' tuj infierni. 7Porque cycyakil txcaj jil ex ke chyu'j ex ke lobaj ex ke jil tuj mar in cub cyi'j ex in che oc mans cyu'n xjal; 8atzunju ktzi' mlayx tz'oc mans tu'n jun xjal, porque mya ba'n ex mlay bant tu'n tmaket ttzi xjal, ex at tbiybil. 9Tu'n ktzi' in xi kk'o'n chjonte te Kman Dios, ex tu'n ktzi' in xi kkanin mya ba'n cyibaj xjal o che binchanjtz ic tza'n tilbilal Dios. 10Tujx ktzi' nne'tz ju yol te ak'bil chjonte te Dios ex tu'nx ktzi' in tzaj kkanin mya ba'n tibaj jun xjal. Erman, mya tuj tumel jlu. 11Baka at jun twi a' junx in jatz a' ba'n tc'anjtz tuj ex ju a' c'a. 12Akeye wermaniye, ┬┐jacupe bant tu'n tel twitz olivo ti'j jun tze' higo, ex jacupe tz'el twitz higo ti'j jun wi' uva? Cyja'tzun tten, mlay jatz ju a' ba'n tc'anjtz ex ju a' c'a tuj junx twi a'. 13Ka at jun cyxole at tnabl ex nne'l tnic' ti'j, bet-x tuj tumel tu'n tyec'unte tak'unben ba'n, tu'n tten mans ex at tnabl. 14Pero ka at tlo'ch cyc'u'je ti'j juntl ex ka in baj cyic'len cyibe, mi'n jaw cyniman cyibe, ex mi'n che nic'ane yol ex mi'n cub cyewane ju yol ax toc. 15Aju nabl lu myatzun in tzaj tuc'il Dios, atzun in tzaj cyuc'il xjal ex tuc'il tajaw il; aju nabl lu te twitz tx'otx' te. 16Porque ka ma tzaj tlo'ch cyc'u'je ti'j juntl ex ka in baj cyic'len cyibe, tu'ntzunju mya tuj tumel ate'ye, ex in cybincha'ne tcyakil mya ba'n. 17Katzun a tnabl xjal at aju in tzaj tk'o'n Dios, tnejelxix sak ta' tanmi xjal, ex minti' in k'ojin, ex mejor tmod, ex cuyin tu'n tu'n t-xi tbi'n; at tk'ak'bil tc'u'j ex ba'n tbinchben, minti' in jawje' tc'u'j, ex mya xmletz'. 18Aju xjal nno'c tilil tu'n tu'n tbant cyten xjal cyxolx ex tu'n cytzalaj cyxolx, in tk'o'n ambil tu'n cyank'in xjal tuj tumelxix.

will be added

X\