ISAÍAS 20

1At jun maj xi t-sama'n Sargón aju rey te Asiria, jun nejenel cye soldad cyuc'ix ke t-soldad, tu'n tpon tuj tnam Asdod; oc tzokpaj xjal lu ti'j tnam ex o cub ti'j tu'n. 2Otok tzaj yolin Kman tuc'il Isaías aju tcy'ajal Amoz, ex otok tma te cyja': K'in ela xbalun ch'i'x twitz toc ti'ja ex tuc'ix xjab toc ti'j tkana. Tbinchatzun Isaías icju ex cyaj ten minti' t-xajab toc ex minti' t-xbalun, nok o'cx tmaẍtat cyaj ten. 3Te tibajxi tma Kman: Aju nmajene Isaías ma cyaj ten ox abk'i minti' t-xajab toc ex o'cx tmaẍtat toc. A jlu te jun techal ex te jun tkanil ti'j Ejipt ex ti'j Etiopía. 4Ax icxtzun ke aj Ejipt che xel k'i'n pres cyuc'ix aj Etiopía, tu'n cyrey aj Asiria; ke tij xjal ex ke c'wa'l che xel k'i'n minti' cyxajab toc, nok o'cx cymaẍtat toc ex cucx k'ancha'l cyẍo'p minti' txaybil te, tu'n tcub cych'ixwi aj Ejipt. 5Ctzajel nim cyxobil xjal ex ctzajel cych'ixwi tu'nju otok tz'oc ke' cyc'u'j cyi'j aj Etiopía ex otok che tzalaj nimxix cyi'j aj Ejipt. 6Tuj tk'ijlalil tzul, cycyakil xjal najl tuj mlaj tx'otx' lu cxel cyma'n cyja': Cyque'yinxe aju ma baj ti'j tnam jatum k'ukl kc'u'j, aju in ko'xtok kanil onbil te tu'n kclet tu'n tuj tk'ab cyrey aj Asiria. ¿Tza'ntzun tten ko cletel ja'lo? Che chilo.

will be added

X\