OSEAS 5

1Akeye pal cybintze jlu, ex cyk'ontz cywi'ye ti'j akeye aj Israel; bintza rey, ax icx akeye at cyxilene tuc'il rey: Cyibaje tzul castiw tu'nju ma che oque te jun tramp tuj lugar Mizpa, ex ic tza'n jun xyub tcubsa'n te c'obil twi' witz Tabor, 2ex ic tza'n jun jul ma' t-xe' bincha'n tuj lugar Sitim. Tu'ntzun tlaj jlu cbel nk'o'ne cycastiw. 3Ojtzki'n ke aj Efraín wu'ne; ex atzun ke aj Israel mlay cub cyewan cyib nwitze. Akeye aj Efraín ma tz'el cypa'n cyibe wi'je tu'n cyc'ulune twitz tilbilal; atzun ke aj Israel ma baj cytz'ilsan cyib, chi Dios. 4Tu'n tlaj cybinchben mya ba'n minti' tumel tu'n cyajtz meltz'aj juntl maj tuc'il Cydios. Ex tu'nju o'cx in che ximan tu'n cyc'ulun cywitz tilbilal, minti' nne'l cynic' ti'j Kman. 5Ax ju cynimbil cyib aj Israel in yec'unte cyil; ke aj Israel ex ke aj Efraín tujx cybinchben mya ba'n in che jaw tz'ak, ax icx ke aj Judá che jawil tz'ak junx cyuc'il. 6Cxel cyi'n cyẍne'l ex cywacẍ te jun chojbil oc cyxi' jyolte Kman, pero mlay cnet cyu'n porque ma tz'el tpa'n tib cyi'j. 7Ma tz'el cypa'n cyib ti'j Kman, cyja'tzun, mya te Dios ke cyc'wa'l. Tu'n tlaj minti' ma japun tyol cyu'n, tuj junx xjaw cbajel naj cytx'otx'. 8Cyk'ajtza'n oque tcach ẍne'l te jun tkanil k'oj tuj tnam Gabaa, ex cyk'ajtza'n oque chun tuj Ramá. Che k'ajte te jun tkanil k'oj tuj lugar Bet-avén. Cymanxe tkanil cye aj Benjamín tu'n tbant cyten tuj k'oj. 9In xi nma'ne tkanil cyxol cycyakil c'loj cyiyjil aj Israel alcye il ti'j tu'n ttzaj cyibaj: Che najel ke aj Efraín tuj tk'ijlalil castiw. 10Chi Kman in tma'n: Ke nejenel cye aj Judá ic cyten ic tza'n ke xjal in che ocx tuj tmojonil juntl tx'otx'. Pero bi'x che najel wu'ne tu'n nk'oje. 11Puro tuj bis ate' ke aj Efraín ex ma tz'el k'i'n cyoclen tu'nju o'cx in che oc lpe' cyi'j ke tilbilal. 12Chin oquele ic tza'n poc' cye aj Efraín ex cye aj Judá, porque che najel wu'ne. 13Tej cyna'nte aj Efraín ta'w yabil cyi'j, ex tej cyque'yinte aj Judá ju ẍil cyi'j, e je'xtzun ke aj Efraín tuj Asiria tu'n cykaninte onbil te jun nintz rey, pero mlay che oc k'anan tu'n, ex mlay tz'oc tk'anan ju ẍil cyi'j. 14Ic tza'n nno'c tzokpaj jun balun ti'j tcanb, icxtzun chin oquel tzokpaje cyi'j aj Efraín ex cyi'j aj Judá; ax kine chin bajel paẍunte cye, ex te tibajxi chin ic'ele; che tzyetel wu'ne ex mi a'l jun jacu colpinte cye. 15Chin ajele tuj nlugare ex max chin eletze ocxi tel cynic' ti'j cyil ex ocxi cyul jyolte weye. Oc ttzaj yajbil cyibaj che oquel ten jyolte weye, chi Dios.

will be added

X\