HABACUC 3

1A jlu jun tna'j Dios Habacuc aju t-sanjel Dios: 2Nman, o nbiye tkanil ti'ja, ex o tzaj nxobile tu'n. Nman, ax icx binchama tuj tk'ijlalil ja'lo ke nmak tbinchbena o che bant ojtxi, tu'ntzun icx keye tu'n tel knic'e ti'j. Masque at tk'oja ki'je, pero k'ak'antz tc'u'ja ki'je. 3Atzun ctzajel Dios tuj tx'otx' Temán; ex aju Dios xjan ctzajel twi witz Parán. Ma baj noj twitz cya'j tu'n tajwalil, ex nim ma jaw nimsa'n tbi cyu'n xjal tuj tcyakil twitz tx'otx'. 4In koptz'aj t-spic'umal ic tza'n tkan k'ij ex in che etz ke tkan spic'un tuj tk'ab; atzun ewan tipumal tu'n. 5Nejni tx'u'j yabil twitz, ex lepchix ttzaj yabil nintz cyak, aju in baj naj nimcu xjal tu'n. 6Bi'x in tzaj lu'lun tx'otx' oc tcub we'; ex bi'x in che tzaj lu'lun ke nasyon oc in xi tque'yin cyi'j. Bi'x in che baj kotx'in ke ojtxi witz, ex bi'x in che cub xitj. Minti' bajsbil te tipumal Dios. 7O che wile ke xjal aj Cusán ate' tuj jun nintz yajbil, ex ke aj Madián nim cyxobil ma tzaj. 8¿Maj ma tzaj tk'oja cyi'j ke nima, Nman? ¿Maj ma tzaj tk'oja ti'j mar? ¿Maj noktzun tu'n jlu in jaxa tuj tcarwaja jawo'n cyu'n tcheja, tu'n tcub ti'j nimcu tu'na? 9Ma bant tten aju xobl plech tu'na, ex banin cyten nimcu tplecha. Cyu'n ke nima ma baj julix tx'otx' tu'na. 10Bi'x in che tzaj lu'lun ke witz oc tque'yinjtza cyu'n; ex in tzaj tilj nim jbal twitz cya'j. In jaw jululun aju mar ma' t-xe' oc tjaw pulin nimxix wen. 11Aju k'ij ex xjaw minti'tl e bet, ax e we' tu'n tlaj cyspic'umal ke tplecha ex tu'nju spic'un nne'l koptz'aj ti'j tlansa. 12In baj tbetina twitz tx'otx' tu'n tk'oja; in che baj twabana ke nasyon tu'n ttx'u'jila. 13Ma tz'etza colol cyi'j ke xjal etzan tu'na ex ti'j ju rey jaw t-sc'o'na. Ma baj t-xituna twi tja aju xjal binchal mya ba'n ex bi'x ma cyaj k'ancha'lin t-simyentil tu'na. 14Cub tbyo'na ju nejenel cye tu'nx tlans, tej cytzaj k'ojlel ki'je tuc'il nim cyipun; ic tza'n cyk'ik' tu'n kbaj sputje cyu'n. In che tzalajtok tu'n tcub ki'je cyu'n tuj ewaj ic tza'n ke xjal minti' cycolbil cyib. 15In baj tbetina tibaj mar cyu'n ke tcheja, ex tibaj a' ma' twitz in baj t-xtulk'in tib. 16Tej nbinteye tcyakil jlu, bi'x tzaj lu'lun nc'u'je, bi'x e tzaj lu'lun ke ttxo'w ntzi'ye, bi'x el bak'ch tcyakil nximlale ex tcyakil nximlale bi'x tzaj lu'lun. Masque icju, pero chin bel txule'ye ayolte aju k'ij oc ttzaj tk'o'n Dios yajbil cyibaj ke soldad in che yajlan ki'j. 17Masque minti' ma tzaj tk'o'n t-xmacal tkan higo, ex minti' ma tzaj tk'o'n twitz tkan uva ex aju tkan olivo; masque minti' ma tzaj cyk'o'n twitz awal tuj cojbil, ex masque che cub baj cycyakil ke ẍne'l, ex mi juntl wacẍ cyaj ten tuj pe'n, tu'n tcyakil jlu chin tzalajele ti'j Kman Dios aju clol weye. 19Porque in tzaj tk'o'n Kman Dios wipumale, ex jurat in che bet ke nkane tu'n ic tza'n che bet ke masat, ex in chinx ti'n tuj lugar ma' tjaw jatum tu'n nclete.

will be added

X\