GÉNESIS 36

1Atzun tx'olbabl jlu cyi'j tiyjil Esaú, aju Edom juntl tbi. 2Moje' Esaú cyuc'il cabe xu'j aj Canaán, atzun ke jlu: Ada aju tme'jel Elón aju aj Hetey, tuc'ix Aholibama aju tme'jel Aná, ex tal tchman Zibeón aju aj Hevey. 3Ax icx moje' tuc'il Basemat aju tme'jel Ismael ex tanb Nebaiot. 4Elifaz tbi tcy'ajal Esaú tzaj ti'j Ada, Reuel tbi tcy'ajal tzaj ti'j Basemat, 5ex ke tcy'ajal e tzaj ti'j Aholibama, atzun ke jlu: Jeús, Jaalam ex Coré. Atzun ke tcy'ajal Esaú jlu e ul itz'j tej najltok tuj tx'otx' Canaán. 6E ic'tzun ti'n Esaú ke t-xu'jil, ke tcy'ajal ex ke tme'jel, cyuc'ix cycyakil ke xjal najltok tuc'il, ex xi' tuj juntl tx'otx' tu'n tlak'e' najchak ti'j Jacob aju titz'in. E je'x ti'n cycyakil talun tuc'ix tcyakilju otok cnet tu'n tuj Canaán. 7Tu'nju otok cnet nimxix k'inumabl cyu'n cycabil, minti' tumel tu'n cycub ten najal junx; ax icx aju tx'otx' jatum najltok ke mlaytok canun tu'n cywa'n cyalun. 8Cyja'tzun ul Esaú najal tuj tiwitz tx'otx' Seir. Edom juntl tbi Esaú. 9Atzun tx'olbabl jlu cyi'j tiyjil Esaú, aju cyxe'chel aj Edom akeju e najan tuj tiwitz tx'otx' Seir. 10Atzun cybi tcy'ajal Esaú jlu: Elifaz tal Ada, ex Reuel tal Basemat. 11Ke tcy'ajal Elifaz, atzun ke jlu: Temán, Omar, Zefo, Gatam ex Cenaz. 12Attok juntl t-xu'jil Elifaz, Timna tbi. Ul itz'j jun tcy'ajal ti'j xu'j lu, Amalec tbi. Atzun ke tiyjil Ada jlu, aju t-xu'jil Esaú. 13Ke tcy'ajal Reuel, atzun ke jlu: Nahat, Zera, Sama ex Miza. Atzun ke tiyjil Basemat jlu, aju juntl t-xu'jil Esaú. 14Aholibama tbi juntl t-xu'jil Esaú, atzun ke tal jlu: Jeús, Jaalam ex Coré. Ate xu'j lu tme'jel Aná ex tal tchman Zibeón. 15Atzun ke nejenel cyxol ke tiyjil Esaú. Cyxol ke tcy'ajal Elifaz aju tnejel tcy'ajal Esaú, atzun ke nejenel jlu: Temán, Omar, Zefo, Cenaz, 16Coré, Gatam ex Amalec. Atzun ke nejenel cyxol ke tiyjil Elifaz tuj tx'otx' Edom, ex ake jlu tiyjil Ada. 17Cyxol ke tcy'ajal Reuel aju tcy'ajal Esaú, atzun ke nejenel jlu: Nahat, Zera, Sama ex Miza. Atzun ke nejenel cyxol ke tiyjil Reuel tuj tx'otx' Edom, ex ake jlu tiyjil Basemat aju t-xu'jil Esaú. 18Cyxol ke tal Aholibama aju t-xu'jil Esaú, atzun ke nejenel jlu: Jeús, Jaalam ex Coré. Ake nejenel lu e ul itz'j ti'j Aholibama, aju t-xu'jil Esaú ex tme'jel Aná. 19Atzun ke jlu tiyjil Esaú, ex nejenel ke cyxol ke tiyjil. Edom juntl tbi Esaú. 20Ke tcy'ajal Seir aju aj Horey, akeju najltok tuj tx'otx' lu, atzun ke jlu: Lotán, Sobal, Zibeón, Aná, 21Disón, Ezer ex Disán. Atzun ke nejenel cyxol ke aj Horey, akeju tiyjil Seir ex atzun najl ke tuj tx'otx' Edom. 22Ke tcy'ajal Lotán, atzun ke jlu: Hori ex Hemam. Timna tbi tanb Lotán. 23Ke tcy'ajal Sobal, atzun ke jlu: Alván, Manahat, Ebal, Sefo ex Onam. 24Ke tcy'ajal Zibeón, atzun ke jlu: Aja ex Aná. Ate Aná oc noj ti'j jun twi' a' tuj tzkij tx'otx' tej in pastorintok ke tbur Zibeón aju tman. 25Ke tc'wa'l Aná, atzun ke jlu: Disón tbi tcy'ajal ex Aholibama tbi tme'jel. 26Ke tcy'ajal Disón, atzun ke jlu: Hemdán, Esbán, Itrán ex Querán. 27Ke tcy'ajal Ezer, atzun ke jlu: Bilhán, Zaaván ex Acán. 28Ke tcy'ajal Disán, atzun ke jlu: Uz ex Arán. 29Ke nejenel cyxol ke aj Horey, atzun ke jlu: Lotán, Sobal, Zibeón, Aná, 30Disón, Ezer ex Disán. Atzun ke nejenel cyxol junjun c'loj aj Horey tuj tx'otx' Seir. 31Ke rey e cawin tuj tx'otx' Edom tej na'nxtok toc cyrey ke aj Israel, atzun ke jlu: 32Bela aju tcy'ajal Beor o cawin tuj Edom, ex Dinaba tbi ttanmi. 33Tej tcyim Bela o cawin Jobab te t-xel, aju tcy'ajal Zera aju aj Bosra. 34Tej tcyim Jobab o cawin Husam te t-xel, tzajnitok tuj tx'otx' Temán. 35Tej tcyim Husam o cawin Hadad te t-xel, aju tcy'ajal Bedad. Ate Hadad o cub ti'j Madián tu'n tuj k'oj tuj tx'otx' Moab. Avit tbi ttanmi. 36Tej tcyim Hadad o cawin Samla te t-xel, aju aj Masreca. 37Tej tcyim Samla o cawin Saúl te t-xel, aju aj Rehobot; aju tnam lu tcubtok ttxlaj nima. 38Tej tcyim Saúl o cawin Baal-hanán te t-xel, aju tcy'ajal Acbor. 39Tej tcyim Baal-hanán aju tcy'ajal Acbor, o cawin Hadar te t-xel, ex Pau tbi ttanmi. Mehetabel tbi t-xu'jil Hadar, aju tal Matred ex tal tchman Mezaab. 40Atzun cybi ke nejenel jlu cyxol tiyjil Esaú, ic tza'nx cyiyjil ex cynajbil: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel ex Iram. Atzun ke nejenel cyxol ke aj Edom, ic tza'nx cynajbil tuj cytx'otx' etzan cyu'n. Edom juntl tbi Esaú aju cyxe'chel ke aj Edom.

will be added

X\