1 Atzun ke aj Israel, akeju ax otok che itz'j tuj Judá ex otok che pon k'i'n tu'n rey Nabucodonosor tuj Babilonia. E je'tz tuj Babilonia tu'n cyul tuj Jerusalén ex tuj Judá, ex teyle junjun o pon tuj tnam jatum otok che najan ke cyman tnejel. 2 E ul uc'in cyu'n Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum ex Baana, ex atzun cyajlal ke xinak aj Israel jlu: 3 Cyxol tiyjil Paros, cab mil tuc' jun syent tuc' 72 cybet; 4 Cyxol tiyjil Sefatías, ox syent tuc' 72 cybet; 5 Cyxol tiyjil Ara, wuk syent tuc' 75 cybet; 6 Cyxol tiyjil Pahat-moab, ex ka te Jesúa ex Joab, cab mil tuc' wajxak syent tuc' cablaj cybet; 7 Cyxol tiyjil Elam, jun mil tuc' cabe syent tuc' 54 cybet; 8 Cyxol tiyjil Zatu, belaj syent tuc' 45 cybet; 9 Cyxol tiyjil Zacai, wuk syent tuc' 60 cybet; 10 Cyxol tiyjil Bani, kak syent tuc' 42 cybet; 11 Cyxol tiyjil Bebai, kak syent tuc' 23 cybet; 12 Cyxol tiyjil Azgad, jun mil tuc' cabe syent tuc' 22 cybet; 13 Cyxol tiyjil Adonicam, kak syent tuc' 66 cybet; 14 Cyxol tiyjil Bigvai, cab mil tuc' 56 cybet; 15 Cyxol tiyjil Adín, cyaje syent tuc' 54 cybet; 16 Cyxol tiyjil Ater, ex ka te Ezequías, 98 cybet; 17 Cyxol tiyjil Bezai, ox syent tuc' 23 cybet; 18 Cyxol tiyjil Jora, jun syent tuc' cablaj cybet; 19 Cyxol tiyjil Hasum, cab syent tuc' 23 cybet; 20 Cyxol tiyjil Gibar, 95 cybet; 21 Cyxol ke xinak aj Belén, jun syent tuc' 23 cybet; 22 Cyxol ke xinak aj Netofa, 56 cybet; 23 Cyxol ke xinak aj Anatot, jun syent tuc' 28 cybet; 24 Cyxol ke xinak aj Azmavet, 42 cybet; 25 Cyxol ke xinak aj Quiriat-jearim, aj Cafira ex aj Beerot, wuk syent tuc' 43 cybet; 26 Cyxol ke xinak aj Ramá ex aj Geba, kak syent tuc' 21 cybet; 27 Cyxol ke xinak aj Micmas, jun syent tuc' 22 cybet; 28 Cyxol ke xinak aj Bet-el ex aj Hai, cab syent tuc' 23 cybet; 29 Cyxol ke xinak aj Nebo, 52 cybet; 30 Cyxol ke xinak aj Magbis, jun syent tuc' 56 cybet; 31 Cyxol ke xinak aj Elam, aju juntl Elam, jun mil tuc' cab syent tuc' 54 cybet; 32 Cyxol ke xinak aj Harim, ox syent tuc' winkin cybet; 33 Cyxol ke xinak aj Lod, aj Hadid ex aj Ono, wuk syent tuc' 25 cybet; 34 Cyxol ke xinak aj Jericó, ox syent tuc' 45 cybet; 35 Cyxol ke xinak aj Senaa, ox mil tuc' kak syent tuc' 30 cybet. 36 Cyxol tiyjil pal Gedaías, akeju tiyjil Jesúa, belaj syent tuc' 73 cybet; 37 Cyxol tiyjil pal Imer, jun mil tuc' 52 cybet; 38 Cyxol tiyjil pal Pasur, jun mil tuc' cab syent tuc' 47 cybet; 39 Cyxol tiyjil pal Harim, jun mil tuc' wuklaj cybet. 40 Cyxol aj Leví, akeju tiyjil Jesúa ex Cadmiel, ax tiyjil Hodavías, 74 cybet. 41 Cyxol ke xjal ba'n che bitzan, akeju tiyjil Asaf, jun syent tuc' 28 cybet; 42 Cyxol ke xjal in che xk'ukin ttzi tja Dios, akeju tiyjil Salum, Ater, Talmón, Acub, Hatita, ex Sobai, japun jun syent tuc' 39 cybet tu'n tcyakil. 43 Cyxol keju in che ajben tuj tja Dios, akeju tzajni cyiyjil cyi'j ke xjal lu: Ziha, Hasufa, Tabaot, 44 Queros, Siaha, Padón, 45 Lebana, Hagaba, Acub 46 Hagab, Salmai, Hanán, 47 Gidel, Gahar, Reaía, 48 Rezín, Necoda, Gazam, 49 Uza, Paseah, Besai, 50 Asena, Meunim, Nefusim, 51 Bacbuc, Hacufa, Harhur, 52 Bazlut, Mehída, Harsa, 53 Barcos, Sísara, Tema, 54 Nezía, ex ke te Hatifa. 55 Cyxol tiyjil ke tmajen Salomón, akeju tzajni cyiyjil cyi'j ke xjal lu: Sotai, Soferet, Peruda, 56 Jaala, Darcón, Gidel, 57 Sefatías, Hatil, Poqueret-hazebaim ex Ami. 58 Atzun cyajlal cycyakil ke ajbel jlu tuj tja Dios, cyuc'ix cyajlal cyiyjil tmajen Salomón, ox syent tuc' 92 cybet. 59 Atzun keju e tzaj cyuj ke tnam Tel-mela, Tel-harsa, Querub, Addán ex Imer, pero minti'tok ba'n cyu'n alcye cyxe'chel ex ka ax cyiyjil aj Israel ke, atzun ke jlu: 60 Cyxol cyiyjil Delaía, Tobías ex Necoda, kak syent tuc' 52 cybet. 61 Atzun cyxol cyiyjil ke pal, atzun ke jlu: Ke tiyjil Habaía ex Cos ex Barzilai aju moje' tuc'il tme'jel jun xjal Barzilai tbi aju aj Galaad, ex tu'ntzunju oc tbi Barzilai. 62 Ake jlu cu'x cyjyo'n cybi jatum tz'iban cybi cycyakil cyiyjil, pero minti' cnet cybi; tu'ntzun jlu minti' xi k'o'n cyoclen tu'n cyoc te pal. 63 Atzunte gobernador xi tk'o'n orden tu'n mi'n t-xi cywa'n wabj xjansa'maj max ocxi tajben Urim ex Tumim tu'n jun pal, tu'ntzun tel nic'baj cyi'j, ka ax toc cyiyjil pal ke. 64 Tu'n cycyakil xjal lu japun jun cyajlal te 42 mil tuc' ox syent tuc' 60 cybaj. 65 Ex part cyajlal ke cymajen xinak ex cymajen xu'j; attok wuk mil tuc' ox syent tuc' 37 cybet. Ax icx attok cab syent bitzal, xinak ex xu'j. 66 Ax icx attok wuk syent tuc' 36 cychej cabay, cab syent tuc' 45 cychej mul, 67 ex cyaje syent tuc' 35 cychej camey ex kak mil tuc' wuk syent tuc' winkin cychej bur. 68 Attok junjun nejenel cye junjun c'loj aj Israel at cyxilen cyxolx, tej cypon tuj tja Dios tuj Jerusalén, xi cyk'o'n cyoyaj tu'n cyex cygan tu'n tjaw binchet juntl maj tja Dios. 69 Ex xi cyk'o'n cyoyaj tu'n tajben ti'j tja Dios, nok nic'pun jacu cnet tu'n junjun. Chmet junlaj quintal k'an pwak, 60 quintal sak pwak, ex jun syent ẍjo'w in che ajben cyu'n pal. 70 Ke pal, ke aj Leví ex junjuntl xjal, ke bitzal, ke xk'ukil ttzi tja Dios ex ke ajbel tuj tja Dios, e je'x najal cyuj cytanmi, ex ke mastl aj Israel ax icx e je'x cye najal cyuj cytanmi.
