EZEQUIEL 9

1Te tibajxi o nbiye jun tk'ajk'ajel cyuwxix wen chi cyja': Che lak'etze akeye che bel k'onte cycastiw ke xjal najl tuj tnam, teyle te junjun cyeye k'i'n tmacbil in ajben tuj k'oj tu'n tajben te xitbil, chi tk'ajk'ajel. 2O wile tej cyoctz kak xinak ttzi ja tjaw jawni, aju xi'yni twitz tumlal tuj tbank'ab k'ij, teyle te junjun k'i'n jun tmacbil in ajben te biybil, ex tuc'ix jun xinak cyuc'il toc t-xbalun sak que'yin, ex c'alo'ntok jun tcubil tint tc'u'j, te tz'ibel. E ocxtzun tujxi ex e cub ten junx ttxlaj altar k'an c'uxbil. 3Jaw lak'e' tajwalil Cydios aj Israel tibaj cyilbilal querubín jatum tcubtok tcyakil maj, ex cyja' xi' ttzi tpwertil tja Dios. Atzunte Kman tzaj ttxco'n aju xinak toc t-xbalun lino, aju c'alo'ntok tcubil tint tc'u'j, te tz'ibel, 4ex xi tma'n Kman teju xinak cyja': Txi'ya ex betin baja tuj tnam Jerusalén, ex k'o'nca jun techal tibaj cywitz keju in che bisun ex in che ok' tu'n tlaj tcyakil mya ba'n ic'bilxix in binchanjtz tuj tnam lu, chi Kman. 5Ex o nbiye tej t-xi tma'n Kman cye keju kaktl xinak: Cyxi lpe'ye ti'j ju xinak lu ex cybetin baje tuj tnam txi'x ke' cyu'ne ti'j njaye, cybyoncuye ke tij xjal, ke cu'xun, ke k'apoj, ke c'wa'l ex ke xu'j, ex mi'n tzaj k'ak'an cyc'u'je cyi'j. Pero mi'n cub cybyo'ne ke xjal toc techal tibaj cywitz, chi Kman. Tzyettzun cybyonjtz ke cytijil xjal cyu'n, akeju ate'tok twitz tja Dios. 7Te tibajxi xi tma'n Kman cye cyja': Cyxi'ye tuj njaye ex cytz'ilsa'n baje, cynojsa'n baje tcyakil ttxa'n pe'n tu'n cyximlal xjal otok che cub byo'n, chi Kman. E etztzun ke xinak lu ex tzyettzun cybyonjtz ke xjal cyu'n tuj tnam. 8Ex tej matok in che byet xjal cyu'n, atzun weye in cyaj tene njunalxe. In cub ẍmeje'ye tejxi tpon tacl tibaj nwitze twitz tx'otx', ex tu'n nim bis in jaw sch'ine ex nmaye cyja': Ay Nman Dios, ¿maj che bel tbyo'na ch'intl xjal aj Israel ate'x, tu'n tk'oja ma tzaj tibaj tnam Jerusalén? Nchiye. 9Atzunte Kman tzaj ttzak'we'n weye cyja': Ma tijxix ju il ma cybincha aj Israel ex aj Judá. Nojni tuj tnam cyu'n byol xjal; nimcu mya ba'n in cybincha'n tuj tnam, ex in cyma'n cyja': Ma cyaj tcolin Kman ktanmi ex minti' in til aju in bant ku'n, che chi. 10Cyja'tzun mlay tzaj k'ak'an nc'u'je cyi'j, nok o'cx che oquel tuj xjel wu'ne ti'j cybinchben mya ba'n. 11Aju xinak toc t-xbalun sak que'yin ex c'alo'ntok jun tcubil tint tc'u'j, te tz'ibel, ul meltz'aj ex tma cyja': Ma japun baj wu'ne aju yol tzaj tma'na weye, chi xjal te Kman.

will be added

X\