ECLESIASTES 6

1At juntl mya ba'n ma wile twitz tx'otx' in baj cyi'j nimcu xjal: 2At junjun xjal in tzaj tk'o'n Dios cyk'inumabl ex nimbil cye, ex minti' jun atx taj cye ti'j tcyakilju in pon cyc'u'j ti'j; pero minti' in xi tk'o'n Dios ambil cye tu'n tajben tcyakil jlu cye, o'cx in ajben cyu'n junxitl xjal. Axix toc, ax icx nokx gan te jlu ex bisbajilxix. 3Jun xinak jacu ten jun syent tc'wa'l ex jacu tz'ank'in nim abk'i; masque nim abk'i tz'ank'in, pero ka minti' ma tz'ajbenxix tu'n tcyakilju at te, ex ka minti' ma cu'x maku'n tujxix tumel, tuj nwitze mas ba'n jun c'wa'l cyimni oc tul itz'j twitzju xjal lu. 4Porque aju c'wa'l lu nokx gan ma tzul itz'j, minti' ma til spic'un ex mi jun xjal ctzajel na'nte te, 5ex masque minti' ma til k'ij ex minti' ch'in ba'n tu'n, pero mas tuj ojlabl otok ten twitzju xjal lu, 6ex masque ma tz'ank'in xjal lu cab mil abk'i, pero ka minti' ma tz'ajben tu'n tcyakilju at te, ¿ti tajben jlu te? Porque cycabil che xe'l tuj junx lugar. 7Cucx in ak'nan xjal tu'ntzun twa'n, pero minti' in noj tc'u'j. 8¿Alcye mas ba'n teju xjal at tnabl twitz ju xjal minti' tnabl? ¿Alcye mas at te jun xjal meba tu'nju ba'n tu'n tza'n tten tu'n tank'in cyxol xjal? 9Mas ba'n aju nno'c kque'yin twitzju nok in pon kc'u'j ti'j. Pero ax icx nokx gan te jlu, ex ic tten jlu ic tza'n jun xjal taj tu'n ttzaj ttzyu'n cyk'ik' tu'n tk'ab. 10Aju at ja'lo, ojtxi ocni k'o'n tbi, ex ba'n ku'n tza'n tten jun xjal. Ex mlay bant toc tzokpaj jun xjal ti'j ju mas nim tipumal twitz. 11Lu jun yol axix toc, ka at jun xjal nim in yolin, jacu tma nim yol minti' tajben. ¿Titzun tajben jlu te xjal? 12Porque ¿alcye jun jacu tz'el tnic' ti'j alcye mas ba'n te xjal tuj cab ox k'ij te tank'ibl tuj ju nokx gan, porque aju tank'ibl ic tten ic tza'n jun xlecun jurat in cub naj. ¿Ex alcye jun jacu txi k'mante te xjal aju cbajel tzalu twitz tx'otx' tcyimlenxi xjal?

will be added

X\