ECLESIASTES 11

1K'oncuya tc'a'ẍa tuj ela' tnam; ex octzun tel k'ij at cambabl teya tu'n. 2K'oncuya ela' txcaj tc'a'ẍa, porque minti' ba'n tu'na mya yaj tzaj jun mya ba'n twitz tx'otx'. 3Ka nojni tuj muj tu'n a', in tzaj jbal tibaj tx'otx'. Ka ma cub tz'ak jun tze' te jawni ex ka cyja' ma txi tz'ak te cubni, ax in cyaj ten. 4Ka at cyk'ik' in xi tque'yin jun xjal, minti' in xi' awal, ex ka at muj in xi tque'yin, minti' in xi' chmol twitz tawal. 5Ic tza'n minti' ba'n tu'na tza'n in xi' cyk'ik' ex minti' ba'n tu'na tza'n tten in ch'iy jun tal ne' tuj talbil ttxu', icxtzun minti' ba'n tu'na alcye in tbincha'n Dios, aju binchalte tcyakil. 6Awan cu'xa tiyaja te prim, ax icx te kale, porque minti' ba'n tu'na alcye jacu tz'el mas ba'n, ka aju in cu'x awet naj ex ka aju in cu'x awet yajxi, ex ka cycabil jacu che el ba'n. 7Ba'nxix te spic'un, ex ba'n tu'n cyque'yin ke tbak' witzbaj aju k'ij; 8masque nim abk'i tz'ank'in jun xjal ex otok tzalaj cyi'j ke jlu, pero ba'n tu'n ttzaj tna'n ka ake k'ij te klolj nimxix ke; ex tcyakilju tzul te tibajxi nokx gan ke jlu. 9Aya cu'xun, tzalajxa tuj tcu'xumala; achina ja'lo ti'j ju ba'n tuj twitza. Binchama tcyakilju in pon tc'u'ja ti'j ex achina ti'j tcyakil, pero na'ntza, c'oquela tuj xjel tu'n Dios ti'j tcyakilju in tbincha'na. 10K'in ela bis tuj tanmiya, ex k'in ela c'ixc'oj ti'ja, porque ke k'ij tuj tcu'xumala nic'xi in che ten.

will be added

X\