DANIEL 12

1Tujtzun tk'ijlalil lu cbel tyec'un tib aju anjel ma' toclen Miguel tbi, aju in colin cyi'j ke t-xjalila. Aju tk'ijlalil lu te nim c'ixc'oj ex bis, na'nx tbaj jun maj icju atxix tej cycub xe't ke nasyon. Oc tpon tk'ijlalil lu, cycyakil ke t-xjalila tz'iban cybi tuj libro che cletel. 2Nimcu xjal otok che cyim che jawil ank'in, junjun tu'n tten cychwinklal te jumajx, atzun ke mastl che elel tuj cych'ixwi ex che elel ic'un te jumajx. 3Ke xjal at cynabl che koptz'ajel ic tza'n k'ij twitz cya'j, ex akeju in che xnak'tzan cye xjal tu'n cyoc te tz'aklxix che koptz'ajel ic tza'n ke che'w twitz cya'j tuj tcyakil tabk'iyil te jumajx. 4Aya Daniel, mi'n tz'el tkanil jlu tu'na, ex k'onca jun sey ti'j libro lu tu'ntzun mi'n tjaket, maxi cjaketel oc tjapun mancbil tk'ijlalil. Nimcu xjal che betjebel, ex aju cynabl xjal cch'iyil, chi anjel. 5Akine Daniel o wiltle cabe xinak wa'lke', jun taj jlajxi nima ex jun tajtz jlajtzi, 6ex jun cye xi tkanin teju xinak toc t-xbalun lino, aju wa'l tcub tibaj nima: ┬┐Jtoj ban cyjapun ke techal lu, ma'xix cyxilen? 7Atzunte xinak toc t-xbalun lino e jaw tk'o'n ke tk'ab twitz cya'j ex tzaj tna'n tbi Dios ti'j tyol, aju Dios itz' te jumajx, ex tma: Tuj ox abk'i tuc' mey cwebel tu'n cyyajlanjtz ke xjal etzan tu'n Dios, ex atzun cjapunel tcyakil jlu. 8O nbiye aju o tma pero minti' el nnic'e ti'j. Entons xi nkanine te: Nman, ┬┐titzun cbajel te tibajxi tcyakil jlu? 9Atzunte tzaj ttzak'we'n: Daniel, k'oncu beya, porque tcyakil jlu il ti'j tu'n tten tuj ewaj ocxi tjapun baj mancbil tk'ijlalil. 10Octzun ttzaj yajbil cyi'j xjal, nimcu che oquel te tz'aklxix ex tx'jomaj tuj cyanmi ex minti' cypaltil. Pero ke binchal mya ba'n, cucx cbantel mya ba'n cyu'n ex mlay tz'el cynic' ti'j ju in baj, atzun cye xjal at cynabl, c'elel cynic' ti'j tcyakil. 11Te tibajxitzun ttzajlen tk'o'n rey orden tu'n mi'n cyxi k'ot ke chojbil, akeju in che'x k'ot cycyakil k'ij, ex te tibajxi tocxlen rey tz'ilsalte tuj tja Dios, atxtzun jun mil tuc' 290 k'ij tu'n tjapun baj tcyakil. 12At tzalajbil teju xjal in ayon ex cucx k'ukl tc'u'j oc tjapun baj jun mil tuc' 335 k'ij. 13Atzun teya Daniel, cucx ttena tz'aklxix ocxi tcyima. Octzun tjapun baj mancbil tk'ijlalil, cjawil ank'ina tu'n tc'monteya chojbil teya.

will be added

X\