2 Corintios 13

1Atzun toxinmaji'n jlu tu'n nxi'ye cyuc'ile. Cbantel ti'j tcyakil ka ma che yolin cab ex ka ox testiw. 2Tej nxi aje cyuc'ile tcabmaji'n, at jun yol xi nma'ne cyeye, ex ja'lo masque mi a'l kine cyuc'ile, pero cxel nma'ne juntl maj cye keju o che binchan il ex cyeye cycyakile: Ka ma chin pone juntl maj cyxole, mlay ten npasense cyi'je. 3Porque atzun cyajbile tu'n tel cynic'e wi'je ka tu'n Crist in chin yoline; aju Crist at cyuc'ile, mya minti'wt tipun, at tipun cyxole. 4Masque minti' tipun Crist tej tjaw k'o'n twitz crus, pero itz'x tu'n tipumal Dios; icx keye ato'ye tuc'il Crist minti' kipune, pero ko ank'ile tuc'il tu'n tipumal Dios tu'n kajbene cyxole. 5Che ximane cyi'jxe ka wa'l ke'xe tuj cyocslable; tzic'wit cywitze cyi'jxe. ┬┐Minti'pe nne'l cynic'e ti'j ka at Jesucrist tuj cyanmiye? O'cxtzun ka mya ax toc ocslal keye, minti'tzun Crist tuj cyanmiye. 6Cuchiwt tu'n tel cynic'e ki'je ka ax toc ocslal ko'ye. 7In ko cubsane twitz Dios tu'n mi'n cybinchanteye jun mya ba'n; myatzun o'cx kajbile tu'n kele ba'n tuj cywitze, atzun kajbile tu'n cybinchanteye aju ba'n, masque mya ba'n ma ko ele tuj cywitze. 8Porque mlay kbinchaye jun mya ba'n ti'j ju yol axix toc, nok o'cx in kcyuwsa'ne ju yol axix toc. 9Cyja'tzun in ko tzalaje ka ako'ye minti' kipune, atzun cyeye at cyipune. Ex in ko na'ne Dios cyi'je tu'n ttz'aket-xix cynable. 10Cyja'tzun in xi ntz'ibane jlu cyeye na'nxtok npone cyuc'ile, tu'ntzun mi'n nyoline cyuw oc npone cyuc'ile ic tza'nx woclene tzaj tk'o'n Kajaw, tu'ntzun cych'iye tuj cyocslable ex mya tu'n cycub numje. 11Cyja'tzun erman, cylom cyibe, tz'aket-xwit cynable, cyk'ukbam cyc'u'je, junxwit cyximbetze, tenwt cymojbabl cyibe. Ex aju Dios k'olte kmojbabl kib ex at tc'ujlalil, ctel cyuc'ile. 12Cyk'olbem cyibe cyxolxe, ex cytz'uban el cywitze tu'n tcyakil cyc'ujlalile. 13In che'x k'olbe'ne cyu'n cycyakil ocslal. 14Aju t-xtalbil Kajaw Jesucrist tenwt cyuc'ile, tuc'ix tc'ujlalil Dios, ex tenwt cymojbabl cyibe cyxole tu'n Xewbaj Xjan. Icxwitju.

will be added

X\