2 CRÓNICAS 27

1Otok japun Jotam twi' 25 abk'i tej ttzyet tcawin ex o cawin kaklaj abk'i tuj Jerusalén. Aju ttxu', Jerusa tbi ex tme'jel Sadoc. 2Ke tbinchben Jotam ba'n e e'la tuj twitz Kman ic tza'nx ke tbinchben Uzías aju ktzan tman, ex minti' ocx patul storac tuj tja Dios ic tza'n tbincha ktzan tman. Atzun ke tnam xjal cucx o cybincha mya ba'n. 3Baj tbincha'n Jotam aju pwert tcub te jawni te tja Dios, ax icx baj tbincha'n aju muro toc ti'j tnam tumlal lugar Ofel tbi. 4Ax icx e jaw tbincha'n ke tnam tuj tiwitz tx'otx' Judá ex e jaw tbincha'n ke ja te cycolbil cyib xjal ex ke ja ma' cywa'l cyuj chc'ul. 5O k'ojin tuc'il rey cye aj Amón ex o cub cyi'j tu'n. Tuj abk'i lu aju chojenj chjet cyu'n aj Amón, 75 quintal sak pwak tuc'ix 37 mil quintal triw ex 37 mil quintal sebad. Ax tajlal jlu xi cyk'o'n tej tel tcabin ex toxin abk'i. 6O ten nim tipumal Jotam porque o bet tuj tumelxix twitz Kman. 7Aju ch'intl tx'olbaben ti'j Jotam ex cyi'j cycyakil ke k'oj e oc tuj tcwent ex cyi'j ke ak'untl e bant tu'n, atzun tz'iban tuj u'j cye rey cye aj Israel ex cye aj Judá. 8Otok japun Jotam twi' 25 abk'i tej ttzyet tcawin ex o cawin kaklaj abk'i tuj Jerusalén. 9Tejtzun tcyim, cu'x maku'n cyxol ktzan t-xe'chel tuj tnam toc tbi Ttanmi David. Te tibajxi, aju o cawin te t-xel, atzun Acaz aju tcy'ajal.

will be added

X\