1 Cycyakil aj Israel cu'x tz'iban cybi tuj u'j cye ke rey cye aj Israel. Ke xjal aj Judá e je'x k'i'n tuj Babilonia tu'n tlaj cybinchben mya ba'n. 2 Ke xjal e ajtz meltz'aj tnejel tu'n cyul cyuj cyetzbil ex cyuj cytanmi; at ke aj Israel, at ke pal, at ke aj Leví ex at keju in che ajbentok tuj tja Dios. 3 At junjun tiyjil Judá, Benjamín, Efraín ex Manasés e ul najal tuj Jerusalén. 4 Cyxol tiyjil Judá ul Utai; ate Utai tcy'ajal Amiud, atzunte Amiud tcy'ajal Omri, atzunte Omri tcy'ajal Imri, atzunte Imri tcy'ajal Bani; tiyjil Fares ke jlu aju tcy'ajal Judá. 5 Cyxol tiyjil Silón ul Asaías aju nej tcy'ajal, cyuc'ix ke tcy'ajal. 6 Cyxol tiyjil Zera ul Jeuel cyuc'ix ke terman; kak syent tuc'il 90 xjal ul. 7 Cyxol tiyjil Benjamín ul Salú aju tcy'ajal Mesulam, ate Mesulam tcy'ajal Hodavías, atzunte Hodavías tcy'ajal Asenúa. 8 Ax icx ul Ibneías aju tcy'ajal Jeroham, tuc'ix Ela aju tcy'ajal Uzi, atzunte Uzi tcy'ajal Micri; ax icx ul Mesulam aju tcy'ajal Sefatías, atzunte Sefatías tcy'ajal Reuel, atzunte Reuel tcy'ajal Ibnías. 9 Ke cyerman ke tiyjil Benjamín ic tza'nx ke cyiyjil tz'iban, japun jun tajlal te belaj syent tuc'il 56 cybet, ex cycyakil ke jlu nejenel cye junjun c'loj cyiyjil. 10 Ke pal e ul meltz'aj, atzun ke jlu: Jedaías, Joiarib, Jaquín 11 ex Azarías. Ate Azarías tcy'ajal Hilcías, atzunte Hilcías tcy'ajal Mesulam, atzunte Mesulam tcy'ajal Sadoc, atzunte Sadoc tcy'ajal Meraiot, atzunte Meraiot tcy'ajal Ahitob. Ate Ahitob aju nejenel ma' toclen tuj tja Dios. 12 Ax icx ul Adaía aju tcy'ajal Jeroham; atzunte Jeroham tcy'ajal Pasur, atzunte Pasur tcy'ajal Malquías; tuc'ix Masai ul, aju tcy'ajal Adiel; ate Adiel tcy'ajal Jazera, atzunte Jazera tcy'ajal Mesulam, atzunte Mesulam tcy'ajal Mesilemit, atzunte Mesilemit tcy'ajal Imer. 13 Aju cyajlal ke pal tu'n tcyakilx, japun jun te jun mil tuc'il wuk syent tuc'il 60 cybet, nejenel ke cye junjun c'loj cyiyjil. Akeju pal lu nim cynabl tu'n cyajben tuj tja Dios. 14 Ke aj Leví e ul meltz'aj, atzun ke jlu: Semaías aju tcy'ajal Hasub, ate Hasub tcy'ajal Azricam, atzunte Azricam tcy'ajal Hasabías; tiyjil Merari ke. 15 Tuc'ix Bacbacar ul, tuc'ix Heres, Galal ex Matanías. Ate Matanías tcy'ajal Micaía, atzunte Micaía tcy'ajal Zicri, atzunte Zicri tcy'ajal Asaf. 16 Ex tuc'ix Obadías ul. Ate Obadías tcy'ajal Semaías, atzunte Semaías tcy'ajal Galal, atzunte Galal tcy'ajal Jedutún. Ex tuc'ix Berequías ul. Ate Berequías tcy'ajal Asa, atzunte Asa tcy'ajal Elcana aju najan cyuj ke aldey cye aj Netofatit. 17 Ke xk'ukil ttzi ja, atzun ke jlu: Salum, Acub, Talmón, Ahimán. Ate Salum aju cyerman, atzun nejenel cye. 18 Ax icx ja'lo, ax ke cyiyjil cyoc te xk'ukil ttzi tja rey, aju tcubsa'n tuj tumlal tjawitz k'ij. Atzun ke jlu xk'ukil tuj lugar jatum cycubsa'n ke aj Leví. 19 Ex ke mastl cyerman ax tiyjil Coré, atzun ke at cyoclen tu'n cyxk'ukin ttzi tja Dios ic tza'nx ke cyxe'chel oc cycwentin tja Dios ojtxi jatum in che ocx ke xjal tuj, ex atzun ke jlu: Salum cyuc'ix ke mastl terman ax tiyjil Coré. Ate Salum tcy'ajal Coré, atzunte Coré tcy'ajal Ebiasaf, atzunte Ebiasaf tcy'ajal juntl Coré. 20 Nej ate Finees aju tcy'ajal Eleazar oc te nejenel cye. Ex o ten Kman tuc'il. 21 Ate Zacarías tcy'ajal Meselemías toctok te xk'ukil ttzi ja xbalun te mojbabl tibil tuc'il Dios. 22 Ke xjal e jaw sc'o'n te xk'ukil ttzi ja, o japun cyajlal te cab syent tuc'il cablaj tu'n tcyakil, ic tza'nx cybi tz'iban cyuj ke tnam jatum najlke. Tu'n David tuc'ix Samuel aju ba'n nabin tu'n Dios, oc k'o'n cyoclen ti'j ak'untl lu, tu'nju ba'n cymod. 23 Tza'nxix ake, ax icx ke cycy'ajal, e cub ten xk'ukil ttzi tja Kman aju ja te c'ulbil. 24 Ate'tok ke xk'ukil tuj tcyajil pac' tja Dios, te ocni ex te elni, te jawni ex te cubni. 25 Ke cyerman, akeju najlketok cyuj ke aldey, in che ultok junjun maj tu'n cyten wuk k'ij te onil cye. 26 Pero akeju cyaje xk'ukil ma'xix cyoclen aj Leví ke, ax ate' ke tcyakil k'ij, in che xk'ukin ke cwart ex ke k'inumabl ate' tuj tja Dios. 27 Ax nne'x ak'bil cye ti'jele tja Dios, porque tuj cycwent ta' tu'n toc cycwentin ex tu'n cyjaket tpwertil ja tcyakil prim. 28 At junjun cye tuj cycwent ate' ke macbil in che ajben tuj c'ulbil; oc in che etz k'i'n, bi'x in jaw jun tajlal cyi'j, ax icx oc in che ocx k'o'n juntl maj. 29 Ex at junjuntl tuj cycwent ate' mastl macbil cyuc'ix ke macbil xjansa'maj ke, tuc'ix arin, ta'l twitz uva, aseyt, storac ex perjum. 30 At junjun pal tuj cycwent ta' tu'n tbinchet perjum; 31 ex at jun aj Leví Matatías tbi, aju nej tcy'ajal Salum tiyjil Coré, atzun at toclen ti'j tu'n cybinchet ke tal wabj te oyaj. 32 At junjun cyerman tiyjil Coat tuj cycwent ta' tu'n cybaj cybincha'n ke pan xjansa'maj, akeju in che cub k'o'n tuj txolin cyten twi mes tuj tcyakil k'ij te ojlabl. 33 Ax icx ate' keju ba'n che bitzan, aj Leví ke, nejenel ke te junjun c'loj cyiyjil, najlke cyuj ke cwart ti'jele tja Dios; minti' cyoclen ti'j txkantl ak'untl, porque k'ijl ex konic'an in che ajben tuj cyak'un. 34 Atzun ke jlu aj Leví ke ex nejenel ke cye ke cyiyjil; tuj c'lojin cyten ic tza'nx cybi tz'iban, ex ax najlke tuj Jerusalén. 35 Tuj tnam Gabaón najltok Jehiel, aju nejenel tuj Gabaón. Aju t-xu'jil Jehiel, Maaca tbi. 36 Ex atzun ke cyc'wa'l jlu: Abdón tbi tnejel, tuc'ix Zur, Cis, Baal, Ner, Nadab, 37 Gedor, Ahío, Zacarías ex Miclot. 38 Ate Miclot tman Simeam. Ax icx ke jlu ax e najan tuj Jerusalén, nikayin cytxlaj ke cyerman. 39 Ate Ner tman Cis, atzunte Cis tman Saúl, ex ate Saúl tman Jonatán, Malquisúa, Abinadab ex Es-baal. 40 Aju tcy'ajal Jonatán Merib-baal tbi, aju tman Micaía. 41 Ke tcy'ajal Micaía atzun ke jlu: Pitón, Melec, Tarea ex Acaz. 42 Ate Acaz tman Jara, ex atzunte Jara tman Alemet, Azmavet ex Zimri; ate Zimri tman Mosa, 43 atzunte Mosa tman Bina, atzunte Bina tman Refaías, atzunte Refaías tman Elasa, ex atzunte Elasa tman Azel. 44 Ke tcy'ajal Azel kak cybaj, ex atzun ke jlu: Azricam, Bocru, Ismael, Searías, Obadías ex Hanán. Ake jlu tcy'ajal Azel ke.
