Matu 1

1Bok in epepen Jisōs Kraist, nejin Devid, nejin Ebream. 2Ebreamear keotak Aisak; im Aisak ear keotak Jekob; im Jekob ear keotak Juda im ro jein im jaten; 3Im Juda ear keotak Pirez im Zira jān Temar,im Pirez ear keotak Hezron, im Hezron ear keotak Ram, 4Im Ram ear keotak Aminadab, im Aminadab ear keotak Nashon, im Nashon ear keotak Salmon, 5Im Salmon ear keotak Boaz jān Reab, im Boaz ear keotak Obed jān Rut, im Obed ear keotak Jesse, 6Im Jesse ear keotak Devid kiiñ. Im Devid ear keotak Solomon jān lio kar pāleen Uraia, 7Im Solomon ear keotak Rihoboam, im Rihoboam ear keotak Abaija, im Abaija ear keotak Esa, 8Im Esa ear keotak Jiosepat, im Jiosepat ear keotak Joram, im Joram ear keotak Uzzaia, 9Im Uzzaia ear keotak Jotam, im Jotam ear keotak Eaz, im Eaz ear keotak Hezekaia, 10Im Hezekaia ear keotak Menassa, im Menassa ear keotak Amon, im Amon ear keotak Josaia, 11Im Josaia ear keotak Jekonaia im ro jein im jaten ṃaan, iien bōkḷọk ñan Babilon. 12Im ālikin iien bōkḷọk ñan Babilon, Jekonaia ear keotak Sialtiel, im Sialtiel ear keotak Zirubbabel, 13Im Zirubbabel ear keotak Abaiud, im Abaiud ear keotak Ilaiekim, im Ilaiekim ear keotak Ezor, 14Im Ezor ear keotak Sedōk, im Sedōk ear keotak Ekim, im Ekim ear keotak Ilaiud, 15Im Ilaiud ear keotak Eliezar, im Eliezar ear keotak Mattan, im Mattan ear keotak Jekob, 16Im Jekob ear keotak Josep pāleen Meri,eo ear keotak Jisōs eo ṇa etan Kraist. 17Innām epepen otemjej jān Ebream ñan Devid joñoul im emān epepen, im jān Devid ñan iien bōkḷọk ñan Babilon joñoul im emān epepen, im jān iien bōkḷọk ñan Babilon ñan iien Ri Kraist joñoul im emān epepen. 18Im wāween Jisōs Kraist ḷotak āinwōt in: Ke Meri jinen im Josep rejro karōk doon, ṃokta jān airro pālele, ar lo an bōrọro kōn Jetōb Kwōjarjar. 19Innām Josep pāleen, bwe eṃṃan ṃwilin, im e jab kōṇaan kajook e iṃaan mejān armej, ej ḷōmṇak bwe en ṇooj an joḷọk e. 20A ke ej ḷōmṇak kōn men kein, lo, enjeḷ in Irooj ej weaak tok ñan e ilo tōṇak im ba, “Josep,nejin Devid, kwōn jab mijak in bōk pāleṃ Meri, bwe an bōrọro kōn Jetōb Kwōjarjar. 21Im enaaj keotak nejin ṃaan, im kwō naaj likūt etan Jisōs; bwe E naaj lọmọọren ro doon jān jerọwiwi ko aer.” 22Im eṃōj kōṃṃan aolepen men in bwe en kaṃool naan Irooj ear kōnono kōn ri kanaan eo, im ba, 23Lo, virgin enaaj bōrọro, im enaaj keotak nejin ṃaan, im renaaj ṇa etan Immanuel, ukōtōn naan in, “Anij ipped wōj.” 24Im Josep, ke eṃōj an ruj, ej kōṃṃan āinwōt enjeḷ in Irooj ear jiroñ e, im bōk pāleen; 25Im ear jaje e ñan tōr eo eṃōj an keotak nejin ṃaan; im ej likūt etan Jisōs.

will be added

X\