1 Jè xâjôn ra baxkî ßí-lâ jñà namîíxtín jchá-lâ Jesucristo, jè ra tjê-lâ David nchrabáßta-ni kô tjê-lâ Abraham. 2 Jè Abraham, jè kjomà nâßìn-lâ Isaac; kô Isaac, jè kjomà nâßìn-lâ Jacob; kô Jacob jè kjomà nâßìn-lâ Judá kô jñà ßntsê. 3 Kô jè Judá, jè kjomà nâßìn-lâ Fares kô Zara. Kô jè nâ-lâ, Tamar tsißkìn. Jè Fares, jè kjomà nâßìn-lâ Esrom; kô Esrom, jè kjomà nâßìn-lâ Aram. 4 Jè Aram, jè kjomà nâßìn-lâ Aminadab; kô jè Aminadab, jè kjomà nâßìn-lâ Naasón; jè Naasón kjomà nâßìn-lâ Salmón; 5 jè Salmón, jè kjomà nâßìn-lâ Booz, kô jè nâ-lâ, Rahab tsißkìn. Jè Booz, jè kjomà nâßìn-lâ Obed, kô jè nâ-lâ, Rut tsißkìn; kô jè Obed jè kjomà nâßìn-lâ Isaí; 6 jè Isaí, jè kjomà nâßìn-lâ David ra xîtâxá ítjòn tsikijna, kô jè David, jè kjomà nâßìn-lâ Salomón; kô jè nâ-lâ Salomón, jè ra kjomà chjôón-lâ Urías nga tîßsâ ítjòn. 7 Jè Salomón, jè kjomà nâßìn-lâ Roboam; jè Roboam, jè kjomà nâßìn-lâ Abías; jè Abías, jè kjomà nâßìn-lâ Asa; 8 kô jè Asa, jè kjomà nâßìn-lâ Josafat; kô jè Josafat, jè kjomà nâßìn-lâ Joram; kô jè Joram, jè kjomà nâßìn-lâ Uzías; 9 kô jè Uzías, jè kjomà nâßìn-lâ Jotam; jè Jotam, jè kjomà nâßìn-lâ Acaz; kô jè Acaz, jè kjomà nâßìn-lâ Ezequías; 10 jè Ezequías, jè kjomà nâßìn-lâ Manasés; kô jè Manasés, jè kjomà nâßìn-lâ Amón; kô jè Amón, jè kjomà nâßìn-lâ Josías; 11 jè Josías, jè kjomà nâßìn-lâ Jeconías kô jñà ßntsê, ßkiâ nga kijìkô kjôhißin jñà xîtâ Israel ján nangi Babilonia. 12 Ra kjomà âskan, ßkiâ nga ijye kijì yâ Babilonia, Jeconías, jè kjomà nâßìn-lâ Salatiel; kô jè Salatiel, jè kjomà nâßìn-lâ Zorobabel; 13 jè Zorobabel, jè kjomà nâßìn-lâ Abiud; kô jè Abiud, jè kjomà nâßìn-lâ Eliaquim; kô jè Eliaquim, jè kjomà nâßìn-lâ Azor; 14 jè Azor, jè kjomà nâßìn-lâ Sadoc; kô jè Sadoc, jè kjomà nâßìn-lâ Aquim; kô jè Aquim, jè kjomà nâßìn-lâ Eliud; 15 kô jè Eliud, jè kjomà nâßìn-lâ Eleazar; jè Eleazar, jè kjomà nâßìn-lâ Matán; jè Matán, jè kjomà nâßìn-lâ Jacob; 16 jè Jacob, jè kjomà nâßìn-lâ José, jè ra ßxîn-lâ María kjomà. Jè María ra kjomà nâ-lâ Jesús ra Cristo [xîtâ ra xá isìkasén-ni Nainá]. 17 Te ijòn skô kjomà jñà xîtâ jchínga ra nchrabá-ni ßtsê Abraham skanda ßtsê David. Kô jñà xîtâ jchínga-lâ Jesús ra nchrabáßta-ni ßtsê David skanda ßkiâ nga kjôßñó kjomà-lâ jñà xîtâ Israel nga inikasén yâ nangi Babilonia tîßkoâá te ijòn skô kjomà xîtâ jchínga. Kô ngi te ijòn skô kjomà xîtâ jchínga skanda ßkiâ nga kitsin ra Cristo [xîtâ ra xá isìkasén-ni Nainá]. 18 ßKiâ nga kitsin Jesucristo kîí ßsín kjomà: María ra nâ-lâ Jesús, jè José ijye tíjnaßñó-lâ nga jè kîxan-kô. Tanga ßkiâ nga tîkje bitsâjnakô xákjén, kijchaá-lâ María nga ijyeé ißndí tjíhißma-lâ ra âßta ßtsê ngaßñó-lâ Inìmâ Tsjeè-lâ Nainá. 19 Jè José ra ßxîn-lâ kjomà María, xîtâ kixî-ní; majìn-lâ nga kjôsabà tsjá-lâ María; isíkítsjèn-ní nga ta kjôßmaá tsjín-ni, nga mì yá xîtâ kjîßnchré. 20 ßKiâ nga ijye kôßsín isíkítsjèn, jngo ìkjâlî-lâ Nainá tsakákô ângi nijñá. Kitsò-lâ: —José, ra yâ nchrabá-ni tjê-lâ David, kì tà chjàn skôn-jìn nga kîjnakîì jè María ra chjôón-li kôma, jè ißndí ra tjíhißma-lâ, ßtsêé ngaßñó-lâ Inìmâ Tsjeè-lâ Nainá. 21 Jngo ndí ißndí ßxîn jtsín-lâ ra Jesús sîßta ßí-lâ. Kií kôßsín ßkín-ni ngâ jè kôchrjekajìn kjôhißin xîtâ nâxîndá-lâ âßta ßtsê jé ra tjín-lâ. 22 Ngaßtsì kjoâ kiî, ßkoâá ßsín itjasòn koni ßsín kitsò Nainá âßta ßtsê xîtâ ra kiìchjâ ngajo-lâ kjotseé nga kitsò: 23 Jngo ra chjôón xôngó, ißndí sîhißma-lâ, jtsín jngo-lâ ißndí ßxîn ra Emanuel sîßta ßí-lâ. Jè ßí ra Emanuel tsò, Nainá tíjnakô-ná tsò-ni. 24 ßKiâ nga itjafá-lâ José, ßkoâá ßsín kißsin koni ßsín kitsò-lâ ìkjâlî-lâ Nainá, iskábé María nga ixankô. 25 Tanga skanda ßkiâá tsikitsâjnakô xákjién ßkiâ nga ijye kitsin ndí ißndí tjòn-lâ María; kô ßkoâá ßsín tsikíßta ßí-lâ nga Jesús tsißkìn.
