MARIKO 11

1Nae nibali niboola mu Yerusaalemu, aambi nende Bbetifaage nende Bbetani, beecha boola hu Lugulu lwa Olibeti, mani Yesu yaatuma babiri hu beeki bae, 2nababoolera ati, “Muche mu lukoongo lubali mu moni, nae nimunalwiingiramo muti, mucha ohunyoola omwaana kw'epunda nikuboyerwe, okutehalwaangaho; mukuboolole mani mukuleete. 3Nae omuundu yeesi nababoolera ati, ‘Muli ohuhola siina sino?’ muboole muti, ‘Omwaami niye okudaha, achia ohukukalusa bwaangu.’ ” 4Mani beecha bawaao, banyoola omwaana kw'epunda nibakuboyere amulyango w'enyumba hu ndulo w'engira ndakalafu; mani bamala bakuboolola. 5Nae abo abali nibeemere aambi awo bababoolera bati, “Eng'we muhola siina esyo? Lwasiina muli ohuboolola omwaana kw'epunda okwo?” 6Nae abeeki abo baabakaluhamo koti Yesu yali ababoolere; mani baabaleha bawaao. 7Abeki abo beecha baleetera Yesu omwaana kw'epunda okwo, bakwaalaho engubo chaabwe; mani Yesu yamala yaakwihalaho. 8Mani abandu bangi beemao baala engubo chaabwe hu ngira, nae abandi baakula amasaga k'emisaala akaliho amasaafu maangi mani bakaala hu ngira. 9Mani abo abali nibatangiiremo nende abo abali nibaloondaho bachaaka ohuhuumula nibaboola bati, “Hosaana! Ali nende ehabi oyo owiicha mu liita ly'Omwaami! 10Buli nende ehabi obutuki bwa seefwe Daudi obuli ohwiicha! Hosaana akulu muno!” 11Yesu yamala yengira mu Yerusaalemu, mani yacha mu nyumba ya Nasae; nae niyamala ohutingaala yaaswania buli siindu; nae koti obwire bwali bwiirire, yatula yacha e Bbetani alala nende abeeki bae ehumi-na-babiri. 12Nibwahya, hu ludaalo luloondaho, nibeecha ohutula e Bbetani, Yesu enjala yaamuluma. 13Nae niyabona omusaala kw'enduli eyale nikudidiisye amasaafu, yaasuda aambi ohubona nanyala ohunyoolaho esyaamo syoosi. Nae niyakwoolaho, haba siyanyoolaho esiindu syoosi ohutusaho amasaafu busa, olwohuba sisyali siha sy'emituli ohwaama. 14Mani Yesu yaakuboolera ati, “Omuundu yeesi ahoya yahaya ohuhulyaaho esyaamo syoosi handi.” Mani abeeki bae nabo bawulira sino. 15Mani beecha boola e Yerusaalemu. Nae niyengira mu nyumba ya amalaamo, yachaaka ohwirusamo abo abali nibakusira alala nende abo abali nibakulira mu nyumba ya amalaamo. Mani yafumamya emeesa ch'abafunjisi b'eseende nende ebisaala by'abo abali nibakusa amaburuku; 16mani haba siyafukiirira omuundu yeesi ohubisira esiindu syoosi mu nyumba ya Nasae. 17Mani Yesu yekesa nababoolera ati, “Haba sisyandiikwa mubyandiiko byolerefu siti, ‘Enyuumba yange yahalaangwe enyumba y'ohwekongooyeramo eyiri abandu boosi?’ Nae engwe muyiholere obwekiso bw'abanyaka.” 18Nae abalaamisi bahuluundu alala nende abaandiiki b'amalako nibawulira batyo, bachaaka ohukiiya engira y'ohumunyaasiramo; nae beecha bamutya olwohuba esidiyiha sy'abandu syali siwukaho busa enjekesa yae. 19Nae engoloobe niyoola, abo beecha batula mu siko esyo. 20Nae nibali nibabitao echuli, babona omutuli okwo nikwomere ohwolera elalira hu misi. 21Mani Peetero yeecha yechulisa, naboolera Yesu ati, “Omwaami, bonaho! Omutuli kuwabwabire kumalire ohwooma.” 22Nae Yesu yabakobolamo ati, “Mufukiirire mu Nasae. 23Mbaboolera obwadyeeri endi, oyo yeesi oboolera olugulu luno ati, ‘Wekiinge wesukune mu nyaanja,’ mani yahaya ohukana-kana mu mwooyo kwae, nae yafukiirira ati esyo syaaba alomaloma sichia ohwehola, siba sichia ohumweholehera sityo. 24Sakira mbaboolera endi, buli syoosi syooba nosaba muhwekongooya, fukiirira oti omalire ohusinyoola esyo, handi siba sichia ohuba esyeeng'we. 25Nae nimweema ohwekongooya, muleheremo abaasyeng'we babaliho emboosi, olwo nilwo lu Seeng'we oli Mukulu yesi achia ohubaleheramo ebibi byeeng'we.” 26 27Mani handi beecha boola mu Yerusaalemu. Nae niyali akeenda mu nyumba ya amalaamo, abalaamisi bahuluundu alala nende abaandiiki b'amalako, beecha yiyali, 28bamuboolera bati, “Otusa ena obunyala bw'ohuhola ebiindu bino, kose wiina owahuba obunyala bw'ohuhola bino?” 29Yesu yababoolera ati, “Njia ohubateeba esiteebo silala syong'ene; nimungaluhamo, syesi mba njia ohubaboolera yindusa obunyala bw'ohuhola bino. 30Ohubatiisa hwa Yowaana, hwatula Mukulu, kose mu bandu? Mungaluhemo.” 31Mani baboolana abeene-na-beene bati, “Nihuboola huti, ‘hwatula Mukulu,’ achia ohutuboolera ati, ‘Lwasiina simwamufukiirira?’ 32Kose huboole huti, ‘Hwatula mu bandu?’ ” bali batiire abandu, olwohuba abandu boosi, bali bamanyire bati, Yowaana yali omunabbi mweene. 33Mani bakaluha mu Yesu bati, “Efwe hukoterwe.” Nae Yesu ababoolera ati, “Syesi haba siinjia ohubaboolera yindusa obunyala bw'ohuhola ebiindu bino.”

will be added

X\