EBBARWA YA YOWAANA YOHUDATU 1

1Ebbarwa yitula eyiri Omuhulundu w'omukaanda kw'abafukiiriri: Eyiri Gayasi wasyaange muheerwa muno, yi heera mu bwadyeeri. 2Wasyaange, ndekongooya endi, buli siindu sihuchiire bulai, handi obe omulamu mu mubiri koti omwooyo kwao kuli bulai. 3Ndali nende esangaalo liingi muno nindawulira abafukiiriri bandi nibaboola koti lwooli nende obwesikwa mu bwadyeeri, handi koti buli ludaalo, oli mu bwadyeeri. 4Abulao esiindu siindi esisangaasa ohuhira ohuwulira endi abaana bange baloondekana nende obwadyeeri. 5Wasyaange, oli omwesikwa muno mu mirimo chohalaabanira abafukiiriri, kata nende bahaba bawalukeendwa, 6handi bamala ohulomaloma eyiri emikaanda ch'abafukiiriri ebiindu bidiira hu hudaha hwao nabo. Handi bahoonye bemeede ohukeendera mu ngira yicha ohusangaasa Nasae. 7Olwohuba bachaaka ohuhalaabanira Kristo nibatanyoola obuhoonyi bwoosi ohutula eyiri abakafwiiri. 8Sakira huhoyeere ohubahoonya, hu hunyale ohuwambaana nabo mu huhalaabanira obwadyeeri. 9Nyandiikire ebbarwa nyimbikiti yino eyiri omukaanda kw'Abakurisito nae Diyotireefe odaha ohuba omwemeresi wa buli siindu syoosi saadaha hudeebaho hu biindu bi mboola. 10Sakira niinjicha eyo njia ohuta alafu buli siindu syoosi siyamala ohuhola: ebiindu bibi byatulomalomaho, nende obubacha bwae. Nae sibonehana siti ebyo byoosi haba sibimumala, haba siyakaanira abafukiiriri nibeecha, handi akaana abo abadaha ohubakaanira, mani nabeerusa ohutula mu mukaanda kw'abafukiiriri. 11Wasyaange, otalondakana nende esyohuboneraho sibi esyo, nae londekana nende ebilai busa. Omuundu yeesi ohola ebilai aaba owa Nasae. Nae omuundu ohola ebibi, oyo aaba asisiiri ohumanya Nasae. 12Buli muundu yeesi alomaloma bulai hu Demetiriya handi bamulomalomaho ebilai byong'ene. Kata fweesi humulomalomaho bulai, handi humanyire huti, bi humulomalomaho byadyeeri nibyo. 13Mbeere nende ebiindu biingi muno ebyohuhuboolera, nae haba siinjia huhola endyo mu bwandiike. 14Nae suubira ohuhubona bwaangu muno, mani hu hunyale ohulomaloma. 15Emireembe chibe naawe. Abeecha bao boosi bahutumira amaheeso. Weesi tuheesere abeecha beefwe boosi. Heesa abeecha beefwe boosi omweene.

will be added

X\