TIMOTEO YOHUBIRI 3

1Manya sino oti, ebidinyu bicha ohubaao mu ndaalo chimaliiriha. 2Abandu bacha ohuba abemani, abokuliira, abesunga, handi abewulira; abanyekani, abatawulira abebusi baabwe, abaalaba, abatasiima siindu, handi abataali nende ediini; 3bacha ohubula esisa, abataleheramo, abamoonyi, abaalaba, handi abalulu; bacha ohuhaya esiindu silayi; 4bacha ohuba abekaani, abatafwayohu esiindu, abechula esuunga; bacha ohuba abaheera esangaalo ly'ohusyalo ohuhira Nasae; 5bacha ohweboya hu biindu by'ohumukulu by'efukiirira mu Nasae, nibahaya ohumanya amaani kalimo keene. Weliinde abandu bali batyo. 6Abandi hu beene abo, bacha nibengira mu mayumba k'abandu mani nibafumaalira abahasi bakata, abasidoyerwa nende ebibi handi abafukwa nende obwekoombi bw'engeri chikabuhaane. 7Abo nibo abahasi bakesaho ohweeka, nae haba sibanyala humanya obwadyeeri. 8Koti lu Janesi nende Jambure bayingania Musa, nilwo nasilala lu bano bosi bayingania obwadyeerimabandu ba bibaaso byaabwe bitahola handi ba fukiirira yahaya. 9Nae sibachia hucha eyale, olwohuba buli muundu achia ohumanya obusiru bwaabwe, koti lubabona obusiru bwa Janesi nende Jambure. 10Nae ewe wamala ohumanya enjekesa yange, esaambo change, nende esichiiririrwa syaange mu bulamu. Wamala ohwehaliirisa efukiirira yange, ohwesimiirisa hwange, ohudaha hwange nende ohuguma hwange, 11ohusaandisibwa hwange, nende ohusaanda hwange. Omanyire ebyo byoosi ebyandeholehanaho niindi mu Atyoko, Yikoniamu, nende Lisitura, ohusaandisibwa hw'amaani hundagumira! Nae Omwaami yaamonia mw'ebyo byoosi. 12Mubwadyeeri bweene, buli muundu yeesi odaha ohuba nende obulamu bwolerefu alala nende Kristo Yesu, bacha ohumusaandia; 13handi abandu babi nende abahubbahubbania bacha ohwemeeda mu huhola ebibiyire elalira, nibabacha abandi handi nibebacha abeene. 14Nae ewe, wemeede ohwomiirira hubwadyeeri bu bahwekesa, handi bw'ofukiiriramo. Olwohuba omanyire abandu bahwekesa obwadyeeri obwo, 15handi wichulisa oti ohutula mu buyere bwao, wali niwamanya Ebyandiiko Byolerefu, ebinyala ohuhubeeresa amakesi kanyala ohuhwoosa hubuwonia ohubitira muhufukiirira Kristo Yesu. 16Olwohuba Ebyandiiko Byoolerefu byoosi, Nasae yabibeeresa amaani, mani bihoonya muno mu hwekesa obwadyeeri, ohwoolobya ebidondobanu, ohukolola ebitaali ebyadyeeri, nende ohweekesa ohumenya obulamu buhoyera, 17hu bulaanu, omuundu ohalaabanira Nasae anyale ohuba omumaliirifu, oli nende buli siindu sihoyera ohuhola buli mulimo mulai okwabuli ngeri.

will be added

X\