EBBARWA YA YOWAANA YOHUBIRI 1

1Ebbarwa ohutula eyiri Omuhulundu, ohuchiira omukaanda kw'abafukiiriri. Eyiri Omuhasi Mudoole nende abaana bae baheera mu bwadyeeri. Nae haba si neese syeng'ene nae abandu boosi abamanyire obwadyeeri babadaha bosi. 2Ohweema hu bwadyeeri butulimo, handi obucha ohuba naafwe endaalo choosi. 3Lehe Nasae Seefwe, nende Yesu Kristo Omwaana wae ababeerese ehabi, esisa nende emireembe, mu bwadyeeri nende mu hudaha. 4Sangaala muno ohunyoola endi abaana bao bandi bali mu bwadyeeri, koti lu Seefwe yatutuma busa. 5Sakira hwekweeda ewe omuhaae endi: hudahane. Sino haba si silagiro siyaaha sibahahwandiikira busa, nae silagiro sihwamala ohuba nasyo ohutula hale. 6Handi huno nihwo ohudaha: huti, huwulire ebilagiro byae. Koti lu mwamala ohuwulira ohutula hale, abatuma mube nende ohudaha. 7Ababacha baangi bamala ohusalaanira mu syaalo syoosi, abandu batafukiirira bati Yesu Kristo yeecha mu mubiri koti omuundu. Omuundu w'engeri yino mubacha handi Musuku wa Kristo. 8Sakira mweliinde, mutasubwa ebiindu bimwahalaabanira, nae munyoole omuheemba kw'eng'we mwichufu. 9Omuundu otaali mu njekesa ya Kristo, nae yemeeda mu yiindi busa, oyo saaba ali nende Nasae. Omuundu odoong'a mu fukiirira, oyo ali nende Seefwe handi nende Omwaana. 10Sakira omuundu yeesi niyeecha yimuli mani yaahaya ohuleeta enjekesa yino, mutamwakaanira mu madaala keeng'we, handi kata mutamuheesa muti, “Emireembe chibe naawe.” 11Olwohuba omuundu omwakaanira nende eheesa eyo, aaba yeyambaniisye nae mu biholwa byae bibi. 12Mbeere ndi nende emboosi nyiingi ech'ohubaboolera, nae sisilai ohubaboolera mu bwandiike; ohutusaho, suubira ohubakeniya nomalome naang'we nihubonana. Mani hucha ohuba nende esangaalo liichufu. 13Abaana b'omuhaana weeng'we muheerwa, babatumira amaheeso k'abwe.

will be added

X\