ABAKOLIITI YOHUBIRI 6

1Mani nihuli ohuholera alala nae, huli ohubekweeda obutanyoola busa esisa sya Nasae bwereere. 2Olwohuba omweene aboola ati, “Esiha syali nisihoyera nisyoola, ndabatekeeresaanga, handi nende ohubahoonya hu ludaalo lw'obuwonia.” Boneho, bulaanu nisyo esiha sihoyera; boneho, lwaleero nilwo oludaalo lw'obuwonia. 3Haba sihuli ohuta esiindu sikayira mu ngira y'omuundu yoosi, hu bulaanu abulao esisobyo sinyala ohunyoolehana mu buhalaabani bweefwe, 4nae koti abahalaabani ba Nasae, hwesiima mu buli ngira: ohubitira mu hwesimiirisa hwamaani, mu huchuunisibwa, mu bidinyu biingi, mu masira, 5ohuhuyibwa, ohuboyebwaanga, esisi, emirimo midinyu, ohuliindirira, enjala; 6ohubitira mu siroonyo, obumanyirifu, ohweliinda, esisa, Mwooyo Mwolerefu, ohudaha hweene, 7enomanoma y'adyeeri, handi nende amaani ka Nasae; nende bilwaaniso by'obuluungifu bw'omuhono muluungi nende omuhono mukooda; 8mu hutiisibwa nende mu hubachibwa, mu liita bi nende mu liita layi. Hudiiribwa koti abohwetaaho, nihaandi nilwo luhuli; 9koti abatamanyihaane, nihaandi hwamanyihana muno; koti abafwa, nae boneho, huliwo abalamu; koti ababoneresebwa, nihaandi haba sihwiitwa; 10koti abelalihirifu, nae abasangaafu esiha syoosi; koti abamanani, nae nihuhola abangi ohugagayala; koti abataali nende esiindu syoosi, nihaandi hu nende buli siindu syoosi. 11Omunwa kweefwe kwasamiriire yimuli, eng'we Abakoliiti; omwooyo kweefwe kwahaaha. 12Haba simukayirwa naafwe daawe, nae mukayirwa nende obwekoombi bweeng'we abeene. 13Mu hukobolamo, ninomanoma koti olomaloma nende abaana baange, mboola endi yikule emyooyo cheeng'we mwesi. 14Mutahung'anaanga nende abakafwiiri. Olwohuba bulala siina obuliwo akati w'obuluungifu nende omufuto? Oba busangirani siina obuliwo akati w'obulafu nende esiirima? 15Huwuliirisania siina ohuliwo akati wa Kristo nende Sitaani? Oba siindu siina esifwaana esiriwo akati w'omufukiiriri nende otafukiirira? 16Huwuliirisania siina ohuliwo akati w'enyumba ya Nasae nende enyumba y'emisaambwa? Olwohuba efwe huli enyumba ya Nasae mulamu; lu Nasae yaboola ati, “Njia ohubamenyamo handi ohubakeendamo, mani njia ohuba Nasae waabwe, nabo bacha ohuba abandu bange. 17Mani sakira mubatulemo, mani mukabuhane nabo, Omwaami aboolere, handi mudadiiraangaho esiindu sitafukiirirwa nende ediini; mani awo niwo anjiira ohubukaanira. 18Mani njia ohuba laata yeng'we, nae eng'we mucha ohuba abahaana bange nende abasyaani bange Omwaami w'Obunyala bwosi aboolere.”

will be added

X\