ABAKOLIITI YITAANGIRA 13

1Nimba ninomanomaanga mu nimi ch'abandu kata nende echa bamalaika, nae haba siindi nende ohudaha, ese mba ndi eside sy'oluyoka oba endeke yichaangalya. 2Nae nimba niindi nende amaani k'ohuyalaanga, handi nende ak'ohufumbulaanga ebyaama byoosi handi nende obumanyirifu bwoosi, handi nimba niindi nende efukiirira yoosi, eyinyala yaakera ndanyalaanga ohwiyaanga engulu, nae nimba nitaali nende ohudaha, mba ndi ebihaya. 3Ningaba ebiindu byoosi bimba nabyo, handi kata nindaayo omubiri kwaange kusaambwe, nae haba siindi nende ohudaha, abulao sinyoola. 4Ohudaha hwesimiirisa handi sisa; ohudaha haba sihali-hali oba ohwewulira; 5haba sihudyaabuha handi siitima. Ohudaha haba sihwoomera hu ngira yaahwo; haba sihuchuunia oba ohusinyiha; 6haba sihusangaalira esitahoyera, nae husangaalira mu sihoyera. 7Ohudaha hukiinga ebiindu byoosi, hufukiirira ebiindu byoosi, husuubira ebiindu byoosi, huyiingira ebiindu byoosi. 8Ohudaha haba sihwaakama; amayaalo, kacha ohuwa; enimi, chicha ohwaakama; obumanyirifu, bucha ohuwa. 9Olwohuba obumanyirifu bweefwe haba sibulungifu bweene, handi amayaalo keefwe koosi haba simaluungifu keene; 10nae ebilungifu byeene nibicha ohwiicha, ebitaali ebilungifu bicha ohuwaao. 11Nindali nisisiiri omuyere, ndalomalomaanga koti omuyere, ndabasaanga koti omuyere, ndakerakaanga koti omuyere; nae nideecha ndeehola omusaacha, ndeecha ndaaleha engira ch'oluyere. 12Olwohuba bulaanu, huli ohubonera musyebonerwamo amabuulyeesi, nae esiha esyo hucha ohubonana emoni-hu-moni. Bulaanu manyireho ebituundu; esiha esyo njia ohumanya mubwichufu, kata nende koti lundamala ohumanyihana mubwichufu. 13Sakira efukiirira, esuubi, ohudaha ebiriwo bino bidatu; nae esihiramo obuhunuufu mu byoosi bino ni ohudaha.

will be added

X\