Matɔŋinɔkɔ maŋ 15

1Kɛna kute yaŋ bɛy bahɛna ka kuthahinɛ koŋ bathakaba, bamandiŋ, mɛnɛ bakuthɛrɛnaŋ. Malekɛŋ bisɔŋ-biye bi iŋ kasarɛŋ basɔŋ-baye bina kute yaŋ. Awa kasarɛŋ baŋ baŋ bɛna bamankɛ baŋ, baa ka bɛŋ kɛna Masaala thankine mathoŋ nama maŋ. 2Kɛna kute yaŋ ntha ki thɔyande iŋ mankɔ mamɛɛti ma yehinuwo maŋaye ka sɛnkɛ e wuŋ tikitinando iŋ buu. Yaŋ kute hɛlɛŋ bi punkɛ nde dekiya maama wobaŋɔy woŋ mɛnɛ deka nama woŋ mɛnɛ wo keŋ nama ku kuto ka makɔndi maŋ koŋ. Bi kooyeŋ nde ka mankɔ mamɛɛti ma yehinuwo ŋaye ka sɛnkɛ maŋ, e bindɛ bɔha ŋatuteŋ ŋa dunkune nde Masaala bindɛ ŋaŋ. 3Bi kɔŋ nde sɔŋ kuiŋa ku ka Musa koŋ, wo nde bawali wo ka Masaala woŋ, mɛnɛ ku ka Taka Wohatiyɛ woŋ koŋ. Kuiŋa koŋ kuna koŋ koŋ baŋ: “Yindo Mariki wo Masaala wo ka thinthi woŋ nthɔŋ nda fooma, e yi niyɔ wɔ mandiŋ awa e yi hɛlɛŋ kɔ niya bɛyiniŋ babukuyuwɛ! Yina gbaku wo ka biya bi ka siyani baŋ beŋ fooma, gboŋɛŋ bakɛnda baŋ athumbu awa bɛŋ seŋa! 4Mariki, mbɛ wo sa yina payɔ? Mbɛ wo baŋaŋ ba gbonkiya ba bukuya hukɛnda haŋ? Yi wuntheŋ napethi yina kathiŋɔi ka hakɛ. Biya bi ka siyani baŋ beŋ fooma bi kɔŋ see e bindɛ yina niya kubatho, baa biya fooma bi kɔŋ kutu mani makɛnda mathumbɛ maŋ.” 5Naa daŋande wuŋ kɛndɛ, yaŋ kute banka ba Masaala niyo kubatho baŋ ba pɛthɔy ka ariana, awa banka bathika baŋ ba kiŋ nde kɛndɛ ba ka kosino bɛyiniŋ ba tɔŋinɛ mayukunande maŋ iŋ Masaala. 6Malekɛŋ bisɔŋ-biye beŋ bi iŋ kasarɛŋ babasɔŋ-baye baŋ fuŋ ka banka ba Masaala niyo kubatho baŋ, bigbɛkitɔkɔy iŋ mupithi muhuhɛ napooŋ mumaleke e bindɛ yuka thikɛŋ baboy ka kankɛŋ namɛŋ baŋ. 7Kɛna dunkune maama wunthe ka maamiŋ bipethɔy beŋ malekɛŋ bisɔŋ-biye beŋ thasomba thasɔŋ-thaye thaboy tha thiŋo mathoŋ ma ka Masaala wo niyɔy ba kɔy yo kɔy woŋ maŋ. 8Banka ba Masaala niyo kubatho baŋ thiŋo hiti ŋaye ka yiki nama baŋ mɛnɛ ŋaye ka sɛmbɛ nama baŋ. Awa wɔ yo wɔ tha punku biyande kaake ka banka ba Masaala niyo kubatho kɛ baŋ haaŋ yɔkɔŋ naa daŋande kasarɛŋ basɔŋ-baye ba sisi malekɛŋ bisɔŋ-biye beŋ baŋ.

will be added

X\