biHiburu beŋ 7

1Mɛlikisidɛki woŋ baŋ bafode na nde ka mɛti ba ka Selɛmi baŋ awa ndɛ na nde hɛlɛŋ bafode wo ka Masaala wo ka thinthi woŋ nthɔŋ nda fooma. Naa nde Ebrahim duu ŋaye ka kuyombo ku punke nde wundɛ gbakuiŋ bibɔyɛ beŋ koŋ, Mɛlikisidɛki penke niŋ ka gboŋa e ndɛ niŋ thiyiyɛ thaduba. 2Awa kɛna dunkune niŋ Ebrahim wu tɛŋinɛ wu kɔhi wuŋ ka ntha yo ntha ki kute ndɛ ka kuyombo koŋ. Ka yenke, mu domo Mɛlikisidɛki wuŋ thalintando, na “Gbaku wo ka Mathumbɛ.” Awa ka thinthi ka bɛina, ndɛ na hɛlɛŋ dɔma, na “Gbaku wo ka Mathɛbɛ,” baa mu domo Selɛmi, mɛti ba ŋaye ndɛ baŋ, thalintando, na “Mathɛbɛ.” 3Magbali yo ka ma tepe mina ba fandama maa nandama maa mbembɛŋ bikɛnama. Magbali yo ka ma tepe mina ba mpoo hukɛnama maa ba tuka hukɛnama. Wundɛ athɔyande iŋ Hati ka Masaala woŋ; wundɛ kiŋ bafode kɔy yo kɔy. 4Siyuwaŋ ba nde wundɛ niyɔ wɔ mandiŋ. Ebrahim, mbemba ntuŋ womandiŋ woŋ, dunkune niŋ wu tɛŋinɛ wu kɔhi wuŋ ka ntha yo ntha ki kute ndɛ ka kuyombo koŋ. 5Awa bafodeni bi ka bɔnsɔŋ ba ka Libay baŋ beŋ niyo nde yamari iŋ Siraŋ baŋ ba bɔha wu tɛŋinɛ wu kɔhi wuŋ ka biya bi ka Isirɛli beŋ naa bindɛ kɔ thubututu munki namɛŋ muŋ. Wuŋ thɔyande ba dɔma na ka biya namɛŋ bi bindɛ kuyɛkɛŋ kunthe beŋ, hali na niyɔy wuŋ na bindɛ bina kuyɛkɛŋ kunthe e bindɛ hɛlɛŋ niyɔ bɔnsɔŋ ba ka Ebrahim. 6Mɛlikisidɛki ka nde ka bɔnsɔŋ ba ka Libay baŋ, kɛrɛ ndɛ bohe nde wu tɛŋinɛ wu kɔhi wuŋ maŋaye ka Ebrahim e ndɛ niŋ thiyiyɛ thaduba, wundɛ Ebrahim wo kutɛ nde lahiri ba ka Masaala baŋ woŋ. 7Wuŋ ka mina yaayi ba dɔma na wo thiyiyɛ wɔ thaduba woŋ yameŋ ba wo ndɛ thiyiyɛ thaduba woŋ. 8Ka kufɛŋ ku ka bafodeni beŋ koŋ, wu tɛŋinɛ wu kɔhi wuŋ boho nde iŋ biya bi tuku; kɛrɛ ka kufɛŋ ku ka Mɛlikisidɛki koŋ, wu tɛŋinɛ wu kɔhi wuŋ boho nde iŋ wɔ sa tuku hali, nɔŋ na tepe magbali ma ka Masaala maŋ na. 9Huna, wuŋ thɔyande ba dɔma, naa dunkuŋ Ebrahim wu tɛŋinɛ wukɔhi wuŋ, Libay wo nde bɔnsɔŋ ba bohi wu tɛŋinɛ wukɔhi wuŋ, dunkuŋ nde ka nanthe iŋ Ebrahim wu tɛŋinɛ wukɔhi wuŋ ka Mɛlikisidɛki, 10baa ka lɔkɔ babɛina Libay mpɔita nde hɛ hintiŋ, kɛrɛ wuŋ thɔyande ba dɔma na ndɛ kiŋ nde nda ka kɔtɔ ku ka mbemba nama woŋ Ebrahim, naa penke Mɛlikisidɛki niŋ. 11Maŋaye ka hufode hu ka bɔnsɔŋ ba ka Libay baŋ haŋ kɛna dunkuno nde Siraŋ baŋ ka biIsirɛli beŋ. Ka tete, mɛnɛ wali ba ka biLibay beŋ baŋ nde nɔŋ niyɔ bathankinuwɛ, bafode wohɛna sa nde nda thimiyo ba ndɛ tɔŋinɔkɔ wo si sɛkɛthi makooye ma ka Mɛlikisidɛki maŋ, wuŋ ka ma ka Arɔŋ maŋ. 12Ba naa hufode thikipo, siraŋ baŋ nɛŋ hɛlɛŋ athikipa. 13Awa Mariki ntuŋ wo ba bɛyiniŋ baŋ baŋ gbonkiyiyo woŋ, kiŋ ka bɔnsɔŋ bahɛna awa wɔ ka hɛ ka bɔnsɔŋ nama baŋ wo niyɛ wali nɔŋ bafode. 14Wu kothiyo nagberekethe ba dɔma na ndɛ kiŋ wunthe ka bɔnsɔŋ ba ka Yuda baŋ; awa Musa tha nde hiŋ bɔnsɔŋ baŋ baŋ naa nde wundɛ gbonkoy ba bafodeni. 15Hu hɛ miŋ gbonkoy haŋ yame niyɔ nagberekethe baa bafode wohɛna tɔŋinɔkɔy nde, wo thɔyande iŋ Mɛlikisidɛki. 16Wundɛ tha nde niyɔ bafode maŋaye ka siraŋ ba tɛpɛ ba dɔma na yɔkɔŋ wundɛ ŋaye ka mbembɛŋ bithɔɔkɔ; kɛrɛ ndɛ niyo bafode maŋaye ka sɛmbɛ ba ka sii ba sa wɔ punku teetuwa baŋ. 17Ba magbali ma ka Masaala maŋ tepe, na “Yi kɔŋ nɔŋ niyɔ bafode ba kɔy yo kɔy, wo si sɛkɛthi makooye ma ka Mɛlikisidɛki maŋ.” 18Siraŋ batiyɔ baŋ deŋo nde kuwaŋ, baa bɛŋ kahuweta awa bɛŋ sa punku mase wɔ. 19Ba Siraŋ ba ka Musa baŋ tha nde punku niya ba ntha o ntha niyo kithankinuwɛ. Awa ka tete, kukahe thukuma ku yamɛ niyɔ waŋ ku nda ni ba miŋ thuriye Masaala na dunkuno. 20Ba ndinta ka thinthi ka bɛina, Masaala gbiŋe nde ba bafode woŋama woŋ baŋ. Masaala tha nde gbiŋ naa nde bibintheŋ beŋ niya bafodeni. 21Kɛrɛ Yisɔs niyɔy bafode maŋaye ka gbiŋa naa dome Masaala, na “Mariki woŋ thanki gbiŋa awa ndɛ sa thikipi masiyi nama maŋ: ‘Yi kɔŋ niyɔ bafode ba kɔy yo kɔy.’ ” 22Mahakande ma ka magbiŋ maŋ maŋ baŋ ni ba Yisɔs hɛlɛŋ niyɔ malɔŋ ma ka mayukunande ma yamɛ niyɔ waŋ maŋ. 23Mahakande mahɛna ma kiŋ nde hɛlɛŋ kɛndɛ: bafodeni bihɛna beŋ beŋ baŋ bi kiŋ nde kɛndɛ bibɔyɛ-bɔyɛ, baa bindɛ tuuku nde awa bindɛ tha key wali namɛŋ baŋ ka kɔtɔkɔy. 24Kɛrɛ Yisɔs kiŋ kɔy yo kɔy, awa wali nama baŋ nɔŋ bafode sa key ka wɔ hɛna. 25Awa ndɛ punkeŋ, ka tete haaŋ ka wuŋ key, ba niya kisi bi see ka Masaala beŋ ka keŋ kukɛnama koŋ, baa ndɛ kiŋ timo tima ka theteke Masaala na ba bindɛ. 26Yisɔs na Bafode ntuŋ Womandiŋ wo sisande ba miŋ. Wundɛ dunkunɔkɔy ka Masaala; ndɛ ka iŋ ka ndɛ boho thɛkɛ maa hakɛ. Ndɛ deŋo nde kuwaŋ ba thana tikitande iŋ bahakɛŋ e ndɛ ŋatino ka thinthi e daŋande arianɛŋ beŋ. 27Wundɛ ka nɔŋ bafodeni bibukuyuwɛ binɔndi beŋ. Wundɛ ka bafode wo yenke hintiŋ fuŋuna saraka ba hakɛŋ bakɛnama timo tima e ndɛ ntiŋ kɔ manke fuŋuna saraka ba hakɛŋ ba ka biya nama. Saraka banthe napethi bɛna fuŋuŋ wundɛ, awa ndɛ fuŋuŋ bɛŋ ba biya fooma, naa fuŋunɔkɔy ndɛ saraka. 28Siraŋ ba ka Musa baŋ ni nde biya bafodeni bimandiŋ bi be thankani, kɛrɛ lahiri ba ka Masaala ba niyo iŋ kugbiŋ baŋ, ba manke saa ba yamɛ ba Siraŋ baŋ, bɛŋ ni ba Hati ka Masaala woŋ niyɔ Bafode Womandiŋ, wo niyo wothankinuwɛ woŋ ba kɔy yo kɔy.

will be added

X\