biHiburu beŋ 5

1Bafode Womandiŋ yo Bafode Womandiŋ yetho ŋaye ka bintɔni nama beŋ e ndɛ toŋino ba niya wali ba ka Masaala baŋ saathɛ ba kɛnamɛŋ, ba fuŋuna munkii mɛnɛ saraka ba hakɛŋ. 2Bafode Womandiŋ nɔŋ woŋ baŋ wɔmɛti na hɔkɔŋ awa ndɛ ka wothankinuwɛ, huna wundɛ punkeŋ niyɔ iŋ thukuma huthɛbɛ iŋ bi be kɔthɔ beŋ e bindɛ kɔ piriŋinuwɔ. 3Awa ba na niyɔy wuŋ ndɛ ka wɔ thankinuwɛ, yɔkɔŋ ndɛ be fuŋuŋ saraka wuŋ ka hɔkɔŋ ba hakɛŋ ba ka biya beŋ baŋ bathɔ, kɛrɛ iŋ ba hakɛŋ nama baŋ hɛlɛŋ. 4Wɔ yo ka wo yɛthiyɔkɔ ba niyɔ iŋ yiki ba ka niyɔ Bafode Womandiŋ. Yɔkɔŋ thiya hu ka Masaala haŋ nagbɛti huna ni ba wɔ niyɔ Bafode Womandiŋ nɔŋ na nde Arɔŋ na. 5Wuna biyɛ Yisɔs tha nde sɛkɛthi yiki ba ka Bafode Womandiŋ. Kɛrɛ Masaala dome niŋ, na “Hatiŋ na yi; ka hɛ yaŋ niyɔy hɛ fanda.” 6Masaala tepe hɛlɛŋ ka magbali nama maŋ ka tha ka hɛna, na “Yi kɔŋ nɔŋ niyɔ bafode ba kɔy yo kɔy, wo si sɛkɛthi makooye ma ka Mɛlikisidɛki maŋ.” 7Ka niyɔ hu ka Yisɔs kafaydo haŋ, wundɛ ni ŋaraminɛ mɛnɛ ŋathɔnthɔŋɔŋ iŋ sampɛrɛŋ batɔɔkɛ mɛnɛ manɛɛni ka Masaala, wo punku ba niŋ niya kisi woŋ ŋaye ka tuka haŋ. Wɔ na nde wundɛ wothathinɔkɔy e wundɛ niyɔ wɔ dunkunɔkɔy, awa Masaala yuye nde nɛnɛ niŋ. 8Kɛrɛ hali na nde wundɛ Hati ka Masaala na, ndɛ thani ba mɛya yamari maŋaye ka nambarɛŋ nama baŋ. 9Naa thanki ndɛ niyo wɔ thankinuwɛ, ndɛ see nda niyɔ ka tha ka kisi baŋ ŋaye ba biya fooma bi mɛyiyɛ niŋ yamari beŋ. 10Awa Masaala dome nɛnɛ niŋ ba ndɛ niyɔ Bafode Womandiŋ wo si sɛkɛthi makooye ma ka Mɛlikisidɛki maŋ. 11Miŋ kiŋ ba gbonkiya wubɔyɛ ba bɛyiniŋ baŋ baŋ, kɛrɛ akaahi ba bena bɛŋ hakiniyande, baa beŋ akaahi ka metho bɛy. 12Ka lɔkɔ baŋ baŋ beŋ kiŋ nde nda ba niyɔ karimɔkɔiŋ, kɛrɛ haaŋ hɛ beŋ kiŋ nthuŋ ba thaninuwo hɛlɛŋ mathananini mamayoŋ maŋ ŋaye ka thampa tha ka Masaala thaŋ. Beŋ kiŋ nde nda ba thɔma muthɔma mukahɛ, kɛrɛ haaŋ hɛ bendo bɔpi mabiini thuŋ. 13Wɔ yo wɔ nɛnɛ wo bɔpi mabiini hatiyɛ na hintiŋ wundɛ, awa wundɛ hakiyandota hɛ bɛybathumbɛ iŋ basikɔy. 14Muthɔma mukahɛ mu kiŋ ba biya bi thankɛ fuŋa beŋ, bi nda beŋ, maŋaye ka thanuwa, bi kɔŋ punku ba hakiyando bayɔhɔy iŋ banɛnɔy.

will be added

X\