TITO 3

1Mi ma fe 'ba ma ega ovᴜzᴜ inzitasi 'ba opirᴜ 'diyi pi ma palaa 'ba 'ba dri cepi 'diyi be, yi ma e'yo erizᴜ, ovᴜzᴜ ngonde 'yeta onyirᴜ 'yezᴜ dria, 2yi ma o'da 'ba alᴜni kᴜ, yi ma le agata gaza kᴜ, ma ovᴜ e'yere, asi e'yere ecezᴜ 'ba dria vᴜ. 3Te ama'i indi, ama ovᴜ ndra ondᴜa kokorᴜ, bile kokorᴜ, icizarᴜ e'yosi, ovᴜzᴜ ati'barᴜ li ruani pi ma alia ayiko ndᴜ ndᴜ 'diyi be, adrizᴜ asi onzi pi ma alia ma'yala be, 'ba ngu ndra ama onzi, ama ngu ndra 'ba onzi indi. 4Te asi onyirᴜ Mungu ama Papirini, azini leta avasi erini 'ba vᴜri, ka ndra i e'da ra, 5eri pa ndra ama 'yeta ama ma ngᴜlᴜpini 'yele e'yo kililirᴜri ma alia 'diyisi kᴜ, te yiki erinisi, ama ojizᴜ osiza pale iririsi azini ama 'bazᴜ o'dirᴜ Orindi Alatararᴜrisi ; 6eri osᴜ yiki 'diri ama dria tre aga ra, geri Yesu Kristo ama Papirinirisi, 7'dini amani ovᴜria lazarᴜ kililirᴜ 'yeta anzutiri erinisi ama ma eca ani ovᴜzᴜ 'ba awita nyapi 'diyirᴜ, amani ani idri 'daniri tezᴜ asi tezasi. 8E'yo 'yoza 'diri ovᴜ adarᴜ. Azini ma le mi ma olᴜ e'yo 'diyi okposi, kini 'ba Mungu a'ipi 'bo 'diyi ma fe yi asi 'yeta onyirᴜ 'yezᴜ 'dani. E'yo 'diyi ovᴜ onyirᴜ orodri fezᴜ 'ba dri. 9Te mi ma kᴜ zita toko efi kokorᴜ 'diyi pi ja, a'bianzi ma ru olazᴜ 'diyi pie, agata gaza pie, awata awazᴜ e'yo azitanisi 'diyi pie; a'disikᴜ e'yo 'diyi ovᴜ toko orodri kokorᴜ. 10'Ba azini ka i gbᴜ ndᴜ imbata adarᴜ kᴜzᴜ ja, mi ka ega eri ma dria pale iri 'bo, mi ga eri si, 11mini niria 'ba awa'dinile 'diri oja i fᴜzᴜ 'bo, onzi 'yezᴜ'i; eri li e'yo ini ceni. 12Ma ka nga Aritema ti pe mi vᴜ, yani Tukiko'i yani, mi ma fe mi asi emuzᴜ ma vᴜ Nikopolia, a'disikᴜ ede e'yo 'bo ovᴜzᴜ 'dale ewu angᴜni ovᴜzᴜ ambizarᴜria dria. 13Mi fe mi asi Zena 'ba e'yo azitani nipiri pi ma ti pezᴜ Apolo be drile; mi ko yi ma aza yi ma ece ani afa azinisi kᴜ. 14Te 'ba amani ma ni 'yeta onyirᴜ 'yezᴜ 'dani, 'ba ma aza kozᴜ candi yini ma alia, yi ma ovᴜ ani efi 'yaza kokorᴜ kᴜ beni. 15'Ba dria ovᴜpi ma be 'diyi zi mi ci ci. Mi zi 'ba ama lepi a'ita ma alia 'diyi ci ci indi. 'Yeta anzuriri ma ovᴜ emi be dria.

will be added

X\