BA RUMIA 6

1Ka'dini ama nga 'yo ngoni ya? Onyirᴜ ama ma ovᴜ e'yo onzi ma alia 'dani, 'dini 'yeta anzutiri ma ezᴜ ani tre beni ya? 2Alᴜani yo! Ama'i ndra drapi e'yo onzi vᴜsi 'bo 'diyi, ama eco adrizarᴜ eri ma alia dika ngoni ngoni ya? 3Kani emi nini ama'i ndra baputizi bipi fizᴜ Kristo Yesu ma alia 'diyi, ama bi baputizi fizᴜ drata erini ma alia kᴜ ya? 4Sa ama tualᴜ eri be baputizi ndesi fizᴜ drata alia, 'dini ekile ndra Kristoni engale 'ba draza eselia diza Atanisirile, 'dini vini ama'i indi, eco amani acizarᴜ idri o'dirᴜ ma alia. 5Te ama ka ama emᴜ tualᴜ eri be eceta drata eriniri ecezᴜri ma alia, ama nga ama emᴜ tualᴜ eri be engata erini ma alia indi. 6Ama ni 'diri, di 'ba amani okuri pati ruaa tualᴜ eri be, 'dini rua e'yo onzini ma e'yo ma de i ani, 'dini ama ma ovᴜ e'yo onzi ma ati'barᴜ dika kᴜ. 7Te 'ba drapi ini rari, trᴜ eri e'yo onzi vᴜsi 'bo. 8Te ama ka ndra dra tualᴜ Kristo be, ama a'i ama asia ama nga ovᴜ idrirᴜ tualᴜ eri be indi. 9A’disikᴜ ama ni ra Kristo enga 'ba draza ma eseliarisi 'bo, ngani dra dika kᴜ; dra ngani ovᴜ eri ma opirᴜ dika kᴜ. 10Te ndra erini draria, eri dra ndra e'yo onzisi pale alᴜ fudri ra, te curu-'do erini ovᴜria idrirᴜ eri ovᴜ idri be Mungu vᴜ. 11'Dinile indi, e'yo onzi vᴜsini emi la emi 'ba avᴜrᴜ, te Mungu vᴜ ovᴜzᴜ idrirᴜ Kristo Yesusi. 12E'yo 'disi emi kᴜ e'yo onzi ma adri opirᴜ rua emini ecopi drapi ra 'diyi ma drilia kᴜ, emi 'bazᴜ ati'barᴜ ava ruani 'yezᴜ. 13Emi fe emi rua ma esele ndᴜ ndᴜ 'diyi e'yo onzi vᴜ ovᴜzᴜ afa a'di 'dizᴜ e'yo onzini 'diyirᴜ kᴜ, te emi fe emi ngᴜlᴜpi Mungu dri ekile be 'ba engapi idrirᴜ 'ba draza ma eselia 'bo 'diyile, azini emi fe emi rua ma esele dria Mungu dri ovᴜzᴜ afa a'di 'dizᴜ e'yo onyirᴜrini 'diyirᴜ. 14Te e'yo onzi ngani ovᴜ emi ma opirᴜ dika kᴜ, a'disikᴜ emi ovᴜni azita ma palaa kᴜ, te 'yeta anzutiri ma palaa. 15Te bani ngoni ya? Ama ma 'ye e'yo onzi 'dani, amani ovᴜle azita ma palaa kᴜ te ovᴜle 'yeta anzutiri ma palaarisi ya? Alᴜani yo! 16Emi nini kᴜ ya, emi ka emi ma ngᴜlᴜpi ma rua fe ati'barᴜ 'ba azini ma ti erizᴜ, emi ovᴜ 'ba nde emini tini erileri ma ati'barᴜ ; kani e'yo onzini, emini drata isuzᴜ, kani e'yo erizᴜ, emi lazᴜ barᴜ. 17Te awa'difo Mungu vᴜ, emini de ndra ovᴜria ati'ba e'yo onzini, emi eri ndra asi driasi esele imbatani yini ndra emi kᴜle palaniari ra. 18te onze ndra emi e'yo onzi alia, emini ecazᴜ ani ati'barᴜ e'yo onyirᴜni beni. 19Ma 'yo ekile 'bale, emini ovᴜle okpo kokorᴜrisi. Ekile ndra emini emi rᴜa ma esele ndᴜ ndᴜ 'diyi fele ati'barᴜ e'yo alatara kokorᴜni e'yo onzi 'yezᴜ drile drilerile, 'dini curᴜ'do emi ma fe di emi rua ati'barᴜ e'yo onyirᴜrini cazᴜ emini ecazu alatararᴜ. 20Te de emini ovᴜria ndra ari'ba e'yo onzini, emi ovᴜni ati'ba e'yo onyirᴜni kᴜ. 21Te emi isu ndra o'du 'dasi a'di orodrini, emini adriria e'yo drinza fepi emi dri curu'do 'diyi ma alia ya? Te e'yo nde 'diyi ma kalati asizᴜri eri drani. 22Te curu'do emini ovᴜria onzezarᴜ e'yo onzi ma aliasi 'bo, emi eca ati'ba Mungunirᴜ, emi orodri emini isu emini ecazᴜ alatararᴜ, te kalatiniri idri 'dani 'daniri. 23Te oya e'yo onzini eri drani, te afa Munguni fele avasiri eri idri 'dani 'dani Kristo Yesu Opi amani ma alia.

will be added

X\