BA RUMIA 4

1Ama nga di Iburahimu a'bi amani e'yo rᴜasiri ma e'yo 'yo ngoni ya? 2Ka Iburahimuni la 'ba barᴜ 'yeta erinisi, eri eco ovᴜzarᴜ asi afᴜrᴜ be ra, te Mungu ma milia kᴜ. 3Te e'yo siza 'yo ngoni ya? Iburahimu a'i ndra Mungu ra, e'yo 'disi Mungu la eri 'ba barᴜ. 4'Ba azi ngapiri eri ka oya isu, yi feni eri dri alesi toko kᴜ, te odu erini ofezᴜ. 5Te 'ba ka azi nga kᴜ, te ka 'ba 'ba onyi koko 'diyi lapi 'ba barᴜri a'i, la 'ba 'diri barᴜ a'ita erinirisi. 6'Di-nile indi Daudi 'yo 'ba Munguni lale 'ba barᴜ azi 'yeza kokorᴜri ma drileba ma e'yo, kini: 7'Ba Munguni ezata yini wule, e'yo onzi yini zile ra 'diyi, yi drilebarᴜ ; 8'ba Opini ngale e'yo onzini lale dika kᴜri eri drilebarᴜ. 9Drileba 'diri eri ovᴜ kiri 'ba agele liza 'diyi vᴜ, kani 'ba likokorᴜ 'diyi vᴜ indi ya? Ama ‘yora, la ndra Iburahimuni 'ba barᴜ a'ita ma e'yosi. 10La ndra eri 'ba barᴜ de eri ngonirᴜ? De li agele 'bo ya, kani lini kᴜ? Lini nga kᴜ, te eri agele liza kokorᴜ. 11Te eri isu agele liza ecetarᴜ onyi lale eri dri a'itasi de erini nga liza a'izᴜ kᴜriari ecezᴜ. 'Dini eri ma ovᴜ ani 'ba dria a'ipi 'diyi ma a'birᴜ, yi ka ovᴜ likokorᴜ ti, ma la yi 'ba barᴜ indi beni; 12eri ma ovᴜ 'ba lile ra 'diyi ma a'birᴜ indi, yi ka yi li'i a'dule kᴜ, te yi ka aci indi a'ita Iburahimuni a'ile ewu erini ovᴜzᴜ lizarᴜ kᴜriari ma pamvᴜsi indi. 13Te aziza ndra azile Iburahimu pi vᴜ ori erini be, kini wudrikuru dria nga ovᴜ erini 'diniri, ovᴜni geri azitanirisi kᴜ te Munguni eri lale 'ba barᴜ a'itasirisi. 14Te 'ba azita 'yepi 'diyi ka nga lonyi Munguni feleri nyani, a'ita eca toko, azini aziza nde oja i tokorᴜ indi. 15Te azitani adra eji, te azita ka ovᴜ yo ezata azita nde ezazᴜri yo indi. 16E'yo 'disi eri geri a'itanirisi, 'dini eri ma ovᴜ 'yeta anzutirisi ani, 'dini aziza nde ma ovᴜ okporᴜ ori erini vᴜ dria—kiri 'ba ovᴜpi azita palaa 'diyi vᴜ a'dule kᴜ te 'ba ovᴜpi a'ita be Iburahimule 'diyi vᴜ indi, te eri ovᴜ ama dria ma a'bini, 17erini ovᴜle sizarᴜrile, Ma 'ba mi suru kakaᴜ ma a'birᴜ 'bo— Mungu erini a'ileri ma milia, Mungu nde idri fepi 'ba drazarᴜ dri, afa ovᴜpi yo 'diyi omvepi ekile yi indirileri. 18Ibu-rahimu a'i ndra asi tezasi 'dani, 'dini eri eco ecazarᴜ suru kakaᴜ ma a'birᴜ ani; ekile erini ovᴜle 'yozarᴜrile, Mi orini nga ovᴜ 'dini. 19Te eri ovᴜni okpo kokorᴜ a'ita ma alia kᴜ, te eri ka tro ega i ma asia i rua dra 'bo eli erinini ovᴜle ekile tᴜrᴜ alᴜrisi, azini Sara ma opojo de 'bo indi ti; 20erini luria aziza Munguni vᴜ 'dani asi erini yani a'itaakosi kᴜ, te eri zo okporᴜ a'itasi 'dani erini diza fezᴜ Mungu dri, 21te eri a'i okporᴜ i ma asia kini Mungu eco aziza ndra erini azileri ma e'yo 'yezarᴜ ra. 22E'yo 'disi, la eri 'ba barᴜ. 23E'yo nde, la eri 'diniri, ovᴜni sizarᴜ kiri eri ma e'yosi a'dule kᴜ, 24te ama ma e'yosi indi. Yi nga ama la 'ba barᴜ ama ka Mungu Yesu Opi amani engapi 'ba draza ma ese-liari a'i ra; 25fe ndra eri drazᴜ e'yo onzi amanisi, te enga eri dika ama lazᴜ 'ba barᴜni.

will be added

X\