BA RUMIA 16

1Ma 'ba Fibi amvipi amani emi milia, ovᴜpi kanisa Keniki-reari ma aza kopiri, 2'dini emi ma a'i eri onyirᴜ Opi ma alia, ekile dri fupi 'ba alatararu 'diyi dririle, eri aza kozᴜ e'yo erini ngale lelerisi, ka ovᴜ ngoni ti, a'disikᴜ eri ngᴜlᴜpi ko 'ba kakaᴜ ma aza, ko vini ma ngᴜlᴜpi ma aza indi. 3Emi zi Pirisika pi Akula be ci ci, yi 'ba azi ngapi ma be tualᴜ Kristo Yesu ma alia 'diyi, 4adi yi dra dri idri mani ma e'yosi, ma fe awa'difo yi dri, kiri ma'i a'dule kᴜ te 'ba kanisani dria ovᴜpi suru dria ma eselia 'diyi fe awa'difo indi; 5emi zi 'ba kanisani ovᴜpi jo yini ma alia 'diyi ci ci indi. Emi zi Epaineto agyi mani leleri, eri oriefi Kristoni kapi Asiaa okori. 6Emi zi Mariamu ndra azi ngapi emi dri okposiri. 7Emi zi Androniko pi ci ci Yuniasi be, yi ori'ba mani lapi jo arunia tualᴜ ma be 'diyi; yi 'ba endrezani 'ba ti opele 'diyi ma eselia, yi ovᴜ ndra Kristo alia mani oko. 8Emi zi Ampiliato 'ba mani lele Opi ma aliari. 9Emi zi Urubano, 'ba azi ngapi ama be Kristo ma aliari, azini Sitakusi 'ba mani leleri. 10Emi zi Apelesi 'bani a'ile Kristo aliari. Emi zi 'ba ovᴜpi jo Aristobuluni ma alia 'diyi. 11Emi zi Herodionini ori'ba mani. Emi zi 'ba ovᴜpi Narikiso vile akua Opi ma alia 'diyi ci ci. 12Emi zi Turufena pi Turufosa be ci ci, yi 'ba azi ngapi Opi ma alia okposi 'diyi. Emi zi Perisisi amviazi mani leleri, eri 'ye azi tᴜ Opi ma alia. 13Emi zi Rufusi Opini peleri pi ei ci, andri erini ovᴜpi mani indiri be. 14Emi zi Asunikirito, Filegoni, Herime, Patroba, Herima, adripi ovᴜpi yi be 'diyi pie dria ci ci. 15Emi zi Filologo pi Yulia be, Nerea pi amvi be, azini Olumpa pi, 'ba alatararᴜ ovᴜpi yi be 'diyi pie dria ci ci. 16Emi zi emi emi eselia o'deza ava alatararᴜnisi. 'Ba kanisa dria Kristoni yi zi emi ci ci. 17Ma matᴜ 'ba emi vᴜ, ma adri-pi, emi ne 'ba esele coza pi fepi e'yo abaza be 'diyi. Yi le imbata 'bani emi imbazᴜ 'bori eza ra; emi ona emi yisi ona ona. 18A'disikᴜ 'ba 'dinile 'diyi ngani azi Opi amani Kristo dri kᴜ, te abiri yi ma anyajoarisi, azini yi ici 'ba e'yo onzi kokorᴜ ma asi yini e'yo ayikorᴜ 'yoria e'yere ti aluzasi. 19Te erita emini ma e'yo ku 'ba dria vᴜ 'bo, e'yo 'disi ma ovᴜ ayikosi emi ma e'yosi, te ma le emi ma ovᴜ ondᴜa e'yo onyirᴜ 'yezᴜri be ra, te emi ma ovᴜ ondᴜa e'yo onzi 'yezᴜri be kᴜ; 20te Mungu asi anzurᴜniri nga Satani tᴜ va emi pa agelia mbelerᴜ. 'Yeta anzutiri Opi amani Yesu Kristoni ma ovᴜ emi be. 21Timoteo azi ngapi ma beri pi zi emi ci ci, Lukio pie, Yasoni pie, Sosipatero pie, yi ori'ba mani. 22Ma'i Teritio, waraga 'diri sipiri, zi emi Opi ma alia. 23Gayo ma a'ipi wa'dirᴜ, kanisa dria be indiri, zi emi ci ci. Erasito 'ba silingi aku ambo 'dorini ma agea tepiri pi zi emi ci ci Koarito adripi amani be. 24'Yeta anzutiri Opi amani Yesu Kristoni ma ovᴜ emi be dria. 25Curu'do diza ma ovᴜ Mungu vᴜ, te eri ovᴜ okpo be fezᴜ emini pa sozᴜ okporᴜ ekile e'yo bari mani olᴜlerile azini ekile olᴜza Yesu Kristonirile. Engazᴜ ewu gbu drio 'diyisi, adrini ndra e'yo zizarᴜ 'diri ece kᴜ, 26te ece i curu'do e'yo siza 'ba nabirᴜ 'diyinisi 'bo, azita Mungu 'danirini azilerile. Eri ece e'yo nde suru dria dri yini e'yo erizᴜ a'itasi ani. 27'Ba ma fe diza Mungu ovᴜpi a'dule ondᴜarᴜri vᴜ geri Yesu Kristonirisi ewule ewule! Amena.

will be added

X\