BA RUMIA 14

1'Ba ovᴜpi okpo kokorᴜ a'ita erini ma alia, emi ma a'i eri ra, te agata gazᴜ eri be e'yo toko tokosi kᴜ. 2'Ba azini ovᴜ a'ita be afa dria nyazᴜ, te 'ba okpo kokorᴜri eri tibi iniri mbe'i a'dule. 3Te 'ba nyapiri ma ngu 'ba nyapi kᴜri onzi kᴜ, azini vini 'ba nyapi kᴜri ma li 'ba nyapiri ma e'yo onzi kᴜ ; a'disikᴜ Mungu a'i eri ra. 4Mi a'di'i ati'bo 'ba azinini ma e'yo lizᴜ ya? E'yo erini ovᴜ opi ini vᴜ, kani pa sozᴜ ci, kani e'dezᴜ va. Te adarᴜ eri nga pa so ra, a'disikᴜ Opini ovᴜle okpo be fezᴜ erini pa sozᴜ cirisi. 5'Ba azini ma milia o'du alᴜ eri alarᴜ aga o'du azini ra, te aziniri ma milia o'du yi dria tro tro. Te 'ba dria alᴜ alᴜ ma ni egata i ma ngᴜlᴜpiniri ra. 6'Ba o'du ma e'yo egapiri eri eri ega Opi dri. 'Ba nyapiri eri nya Opi dri, a'disikᴜ eri awa'difo fe Mungu dri; te 'ba nyapi kᴜri, e'yo erini nyazᴜ kᴜri eri Opi dri, azini eri awa'difo fe Mungu dri indi. 7Te 'ba alᴜni ama eseliari ovᴜni idrirᴜ i ngᴜlᴜpisi kᴜ, te 'ba alᴜni drani i ngᴜlᴜpisi kᴜ indi. 8Te ama ka ovᴜ idri be ama ovᴜ idri be Opisi, te ama ka dra ra ama dra Opisi; 'dini ama ka ovᴜ idri be kani ama ka dra ra ti, ama ovᴜ Opini. 9Te e'yo 'disi Kristo eri dra ndra te eri ovᴜ idrirᴜ dika, eri ma ovᴜ ani Opirᴜ 'ba drapi 'bo 'diyi pi ma drilia 'ba idrirᴜ 'diyi be. 10Te mi'i, mi mi adripi ma e'yo li a'disi ya? Kani mi'i, mi mi adripini ede a'disi ya? A'disikᴜ ama driani nga pa so ogᴜŋa Munguni e'yo lizᴜri ma drilia; 11te eri ovᴜ sizarᴜ, Ekile mani ovᴜle idrirᴜrile, Opi ‘yora, 'ba dria nga kᴜmᴜti osi ma drilia, andre 'bani dria yi nga inzita fe Mungu drilia. 12'Dini ama dria alᴜ alᴜni nga e'yo amani e'da Mungu ma drilia. 13Ka'dini ama ma li 'ba azini ama eseliari ma e'yo dika kᴜ, te agapiri emi ma li e'yo 'diri, kini 'ba alᴜni ma 'ba kᴜmᴜ i adripi ma geria, kani e'yo erini ani abazᴜ rari kᴜ. 14Ma ni ra, ma a'i adarᴜ ma asia Opi Yesu ma alia, afa alᴜni ovᴜni ondirᴜ eri ma ngᴜlᴜpisi kᴜ; te kiri 'ba egapi eri ondirᴜri dri eri ondirᴜ. 15Nyaka mini nyaleri ka candi fe mi adripi dri, de mi acini alesi kᴜ. Mi ma ja 'ba Kristoni drale erisiri ma dri nyaka minisi kᴜ. 16Mi ma kᴜ 'ba dri pari e'yo onzi 'yozᴜ e'yo onyirᴜ minirisi kᴜ. 17Te suru Munguni ovᴜni afa nyaza nyazᴜ kani afa mvuza mvuzᴜ, 'dini kᴜ, te eri ovᴜ e'yo onyini, asi anzurᴜ pie, ayiko pie, Orindi Alatararᴜ ma alia; 18te 'ba azi ngapi Kristo dri e'yo 'diri ma aliari, eri ayiko fe Mungu dri, 'ba yi vini eri a'i indi. 19'Dini ama ma bi e'yo asi anzurᴜni 'diyi ma vᴜti, azini e'yo amani ecozᴜ ani ama edre-zᴜ ama eselia 'diyi. 20Emi ma fu azi Munguni nyaka ma e'yosi kᴜ. Adarᴜ afa dria yi alarᴜ ra 'bo, te 'ba ka afa nya obeta fezᴜ 'ba azini dri eri onzi; 21za nyazᴜ, kani ewa mvuzᴜ, kani e'yo azini alᴜni mi adripini ani e'dezᴜ vari 'yezᴜ, ovᴜni onyirᴜ kᴜ. 22Mi ka ovᴜ a'ita be, mi ma ovᴜ eri be mi ngᴜlᴜpisi Mungu ma milia; 'ba i ma e'yo lipi ceni e'yo erini a'ile 'yelerisi kᴜri, 'ba nderi ovᴜ drile-barᴜ. 23Te eri ma asi ka oti oti, ka nya ra, eri li e'yo ini 'bo, a'disikᴜ eri nyani a'itasi kᴜ; te e'yo dria a'ita kokori eri onzini.

will be added

X\