BA RUMIA 12

1Ma vini matᴜ 'ba emi vᴜ, ma adripi, yiki alerᴜ Mungunirisi, emi fe emi rua eri dri ekile afa edetarᴜ idrirᴜ, alatararᴜ, ayiko fepi Mungu dririle; 'diri azi emini 'yeke-ri'i. 2Te emi ma si emi 'ba ewu 'dosi 'diyile kᴜ, te emi oja emi asisile 'bazᴜ o'dirᴜ, emi ma ni ani e'yo Munguni leleri, ovᴜpi onyirᴜ, ayiko fepi, kililirᴜri. 3Te ma 'yo emi tia alᴜ alᴜ, 'yeta anzutiri fele ma dririsi, emi ma ega e'yo emi vileri afᴜsi aga kᴜ, te emi ma ega e'yo emini ovᴜzᴜ ani asi e'yere be, ekile Munguni esele a'itani awale 'ba alᴜ alᴜ dririle. 4Te ekile amani ovᴜle rua esele be kakaᴜ rua alᴜ ma aliarile, te azi rua esele alᴜ alᴜni ovᴜni trotro kᴜ, 5'dini ama ovᴜpi kakaᴜ 'diyi ti, ama ovᴜ rua alᴜ Kristo ma alia, te ama dria alᴜ alᴜ ovᴜ rua esele ama agyini indi. 6Te amani ovᴜria afa feza be ndᴜ ndᴜ ekile fele ama dri 'yeta anzutirisirile, kani e'yo olᴜzᴜ, ama ma olᴜ ekile esele a'ita amanirini ovᴜlerile ; 7kani 'ba aza kozᴜ, ama ma 'ba asi azi 'ba aza kozᴜri ma dria ; te 'ba 'ba imbapiri ma 'ba asi imbata dria; 8'ba 'ba asi omipiri, eri ma 'ba asi asi omiza ma dria'i; 'ba afa fepiri, eri ma fe asi basi; 'ba 'ba dri cepiri, eri ma 'ye asi driasi; 'ba yiki 'bapi 'ba vᴜri, eri ma 'ba yiki nde ayikosi. 9Emi kᴜ ale ma ovᴜ lokiri koko-rᴜ ; emi ngu e'yo onziri onzi, emi ebi emi e'yo onyirᴜri vᴜ ; 10ale adripi vᴜri ma e'yosi emi ma le emi avasi; emi ma inzi emi ma agyi ma e'yo oko. 11Emi ovᴜ ovᴜoᴜni kᴜ, emi 'ye e'yo asi driasi, azi ngazᴜ Opi dri. 12Emi ovᴜ ayikosi e'yo tezᴜ luzᴜ drile, emi ovᴜ asi tezasi inzata ma alia, Mungu zizᴜ 'dani asi okporᴜ be. 13Emi ko 'ba alatararᴜ ma aza afa ovᴜpi yi vᴜ yo 'diyisi, emi fe emi asi wa'di a'fzᴜ. 14Emi fe asi ndriza 'ba emi inzapi 'diyi vᴜ ; emi fe asi ndriza, emi tri yi kᴜ. 15Emi ma ovᴜ ayikosi 'ba ayikorᴜ 'diyi be, emi owᴜ 'ba owᴜpi 'diyi be. 16Emi ovᴜ asisile alᴜ be emi eselia; emi ma ovᴜ egata asi afᴜsiri be kᴜ, emi a'i emi ecizᴜ 'ba were 'diyi be; emi ma ovᴜ ondᴜarᴜ emi ma ngᴜlᴜpi ma milia kᴜ. 17Emi ma omvi onzi e'yo onzi ma paria ariotirᴜ 'ba alᴜni dri kᴜ. Emi dro asisile e'yo emini 'yele 'diyi ma ovᴜ kililirᴜ 'ba dria ma milia. 18Ka eco rarisi, e'yo eminisi emi ma ovᴜ asi anzurᴜ be 'ba dria vᴜ. 19'Ba mani lele 'diyi, emi ma omvi arioti emi'i kᴜ, te emi te adra Munguniri, erini ovᴜle sizarᴜrisi, Arioti omvizᴜri e'yoni mani, ma nga ariotini ofe ma'i, Opi 'yo ra. 20Te ari'bo mini ka ovᴜ abirisi mi fe nyaka eri dri, yi avijo ka eri fu ra mi fe eri ma mvu; te mini 'yele 'dinirisi mi nga aciolᴜ vepi acisiri okᴜ eri ma dria. 21Emi ma a'i e'yo onzini emi ndezᴜ kᴜ, te emi nde e'yo onzi e'yo onyirᴜsi.

will be added

X\