E'YO ECEZA 9

1Malaika towiri vᴜ gᴜka ra, ma ndre 'bi'bio engapi 'bua e'depi va nyakuari ra, yi fe eri dri fungua 'bile asikokorᴜ drataniri ma tileniri ; 2eri zi 'bile asikokorᴜ drataniri ma tile ra, acika efᴜ tilenia ekile acika aci droza amborᴜnirile, etu pi angᴜ 'buari be bi inicicirᴜ acika tileniarisi. 3Ombi efᴜ acika nde ma alia, ere yi nyaku dria, yi fe okpo yi dri ekile otᴜnᴜkᴜani ovᴜle okpo be nyakuarile; 4azi yi tia kini yi ma eza ase nyakuari pi, afa dria ibirᴜ 'diyi pie, pati pie dria kᴜ, pe lᴜ 'ba ovᴜpi eceta Munguni be yi ma andretia kᴜ 'diyi a'dule; 5yi fe yi ma fu yi kᴜ, te ma inza yi mba towi, inzata yini ovᴜ ekile rua suza otᴜnᴜkᴜani fele 'ba dri erini 'ba zariarile. 6O'du 'dayisi 'ba yi nga dra nda, te yi ngani eri isu alᴜni kᴜ; yi nga dra le avasi, te drani nga apa yisi ra. 7Wura ombini ovᴜ ekile akanya edezarᴜ ngonde ombasirile; afa ekile ekilaza melerᴜ 'diyile ovᴜ yi ma dria ; andreti yini si yi ekile 'ba ma andretile, 8dribi yini ovᴜ ekile okᴜ dribile, si yini ovᴜ ekile kami sile; 9yi ovᴜ gombere paᴜrᴜ agatia 'diyi be ekile gombere paᴜrᴜ agatia ayarᴜ 'diyile, yi ma opile ma awᴜ ovᴜ ekile gari ombani ma awᴜle, akanya kakaᴜni nzᴜria ombaarile; 10sobi yini ovᴜ ekile otᴜnᴜkᴜa ma sobile, iri 'ba dᴜzᴜri be, sobi yini ma alia yi ovᴜ okpo be 'ba ezazᴜ mba towi. 11Yi ovᴜ malaika 'bile asikokorᴜniri be yi ma opirᴜ; rᴜni Ebrania tisi Abadoni'i, te Giriki tisi Apolioni'i, 12Candi okori de i ra; mi ne, candi acepi iri 'diyi nga emu e'yo 'diyi ma vᴜtia. 13Malaika aziari vᴜ gᴜka ra, te ma eri o'duko alᴜ engazᴜ pari edeta edezᴜ melerᴜ ovᴜpi Mungu ma driliari ma o'yᴜ su 'diyi ma eselia, 14'yozᴜ malaika aziarirᴜ ovᴜpi gᴜka beri ma tia kini, Mi otrᴜ malaika su ovᴜpi ombezarᴜ yi ara amborᴜ Ufirate ma tia 'diyi. 15Yi otrᴜ di malaika su edele ngonde etuni pi tezᴜ, o'duni pie, mbani pie, elini pie dria 'diyi ra, yi ma ofu ani 'ba ma esele na ma azi alᴜri ra beni. 16Kalafe 'ba ombani nzᴜpi akanya dria 'diyini ovᴜ alifᴜ kali iri pale alifᴜ mᴜdri ; ma eri kalafe yini ra. 17Ma ndre akanya orobisi: 'ba ripi yi dria 'diyi pie 'dini, yi ovᴜ gombere paᴜrᴜ agatia wura be acinirile, azini blurᴜ, azini a'ugbe alele 'diyi be, akanya ma dri ovᴜ ekile kami ma drile, yi ma tia aci pi efᴜ ra, acika pie, baruti pie. 18'Ba ma esele na ma azi alᴜri ovᴜ fuzarᴜ inzata na 'diyisi, aci pisi, acika pie, baruti pie efᴜpi yi ma tilia 'diyi. 19A'disikᴜ akanya ma okpo ovᴜ yi ma tilia azini yi ma sobia ; sobi yini si yi urile, yi dri be indi, yi 'ba eza ani yisi. 20'Ba acepi ovᴜpi fuzarᴜ inzata 'diyisi kᴜ 'diyi ojani yi asi kᴜ, kᴜni 'yeta yi ma drini 'yeleni 'diyi kᴜ, kᴜni vini orindi onzi inzikokorᴜ ja 'dinini kᴜ, kᴜni wura inzile inzi edele melesi 'diyi pie, dahabusi 'diyi pie, molasi 'diyi pie, onisi 'diyi pie, patisi 'diyi pie dria ja 'dinini kᴜ, yi afa ecopi angᴜ ndrepi kᴜ, e'yo eripi kᴜ, acipi kᴜ 'diyi; 21te yi ojani yi asi 'ba 'diza kᴜzᴜ kᴜ, 'ba rozᴜ olesiri kᴜzᴜ kᴜ, awu 'baza kᴜzᴜ kᴜ, ogu kᴜzᴜ kᴜ dria.

will be added

X\