E'YO ECEZA 8

1Eri ka eceta aziriri zi ra, angᴜ 'buari nga ovᴜ ndi ekile sawa alᴜ ma ali pile. 2Ma ndre malaika aziri pa sopi Mungu ma drilia 'diyi, yi fe yi dri gᴜka aziri. 3Malaika azini emu ra, nga pa so pari edeta edezᴜria, eri otekua melerᴜ obiese vezᴜri be; yi fe obiese vele veri kakaᴜ eri dri, eri ma ofe eri zita 'ba dria alatararᴜ 'diyini be pari melerᴜ edeta edezᴜ ogᴜŋa ma driliari ma dria. 4Acika obieseniri nga di efᴜ malaika ma driasi tuzᴜ uru ziza 'ba alatararᴜ 'diyini be Mungu ma drilia. 5Malaika nde nga otekua obiese vezᴜri 'du, fe eri ga tre aci engapi pari edeta edezᴜriarisi, nga eri da nyakua ; angᴜ liza pi, o'duko pie, ovi gaza pie, oyakia pie nga ovᴜ indi. 6Malaika aziri ovᴜpi gᴜka aziri be 'diyi yi ede yi ngonde gᴜka vᴜzᴜ. 7Okori vᴜ gᴜka ra, si pi aci be osale arisiri oda i ani nyaku dria ; eve nyaku ma esele na ma azi alᴜri ra, eve vini pati ma esele na ma azi alᴜri ra, eve ase ibirᴜ dria indi. 8Malaika iriri vᴜ gᴜka ra, afa ekile oni amborᴜ vepi acisiri ovᴜ 'bezarᴜ miri alia; miri ma esele na ma azi alᴜ oja i ani arirᴜ, 9afa Munguni 'bale ovᴜpi miri ma alia idri be 'diyi ma esele na ma azi alᴜri odra ra, oguru ma esele na ma azi alᴜ ja dri indi. 10Malaika nari vᴜ gᴜka ra, 'bi'bio amborᴜ vepi acisi dipi alaka ma acileri e'de 'buasi va, e'de yi ara piyi ma esele na ma azi alᴜri ma dria, yi a'di be. 11'Bi'bio nde ma ru Enyata Oka'i. Yi ma esele na ma azi alᴜri oja i enyata okarᴜ; 'ba kakaᴜ odra yi ndesi, yini yi ojale okarᴜrisi. 12Malaika suri vᴜ gᴜka ra, etu ma esele na ma azi alᴜri pi dra ani ra, mba ma esele na ma azi alᴜri pie, 'bi'bio ma esele na ma azi alᴜri pie, yi alᴜ alᴜ ma esele na ma azi alᴜ ma ovᴜ ani bizarᴜ beni; etu ma di esele na ma azi alᴜ iniria kᴜ, ini ma ovᴜ 'dinile indi. 13Ma ndre ra, ma eri aji alᴜ sapi 'bu ma agaduarini oyᴜria o'duko urusi kini, Candi, candi, candi emi vᴜ 'ba nyakua 'diyi ye! malaika na 'yepi vᴜpi 'diyi ma gᴜka ma o'duko acepi 'diyi ma e'yosi!

will be added

X\