E'YO ECEZA 4

1E'yo 'diyi ma vᴜtia ma ndre, te mi ne, jotile zi i 'bua ra! Azini o'duko oko mani erileri ovᴜ ekile gᴜka e'yo 'yopi ma beri ma o'dukole, kini, Mi etu 'dole, ma nga e'yo ngapi yi 'yepi e'yo 'diyi ma vᴜtia ndo 'diyi ece mi dri. 2Coti ma ovᴜ Orindi alia, te mi ne, isu de 'ba ndra ogᴜŋa 'bua 'bo, azini 'baniri ri ogᴜŋa dria! 3Te 'ba ripiri ma wura e'da ekile oni yasiperile, azini sadiusile; gari e'dapi ekile oni emerodeleri ace ogᴜŋa nde agei kuru. 4Azini ogᴜŋa kali iri drini su ace ogᴜŋa nderi ma agei kuru; 'ba 'wara kali iri drini su ori ogᴜŋa 'diyi ma dria, afa suza emverᴜ be yi ma ruaa, ekilaza melerᴜ be yi ma dria. 5Te ovi pi efᴜ ogᴜŋa nde ma alia, o'duko pie, angᴜ liza pie. Azini tala acini aziri di ogᴜŋa nde ma drilia di di, yi Orindi Munguni aziri 'diyi; 6ogᴜŋa ma drilia eri ekile miri talatalarᴜ e'dapi glasileri. Ogᴜŋa ma alia azini ogᴜŋa ma ageia, anyapa idrirᴜ su 'diyi indi, yi ma rᴜaa mile ga tre tre agatialerᴜ azini ngᴜkᴜalerᴜ: 7anyapa okori ovᴜ kamile, anyapa iriri ovᴜ kojamvale, anyapa nari ma andreti ovᴜ 'banirile, anyapa suri ovᴜ aji sapi sarile. 8Azini anyapa su 'diyi dria alᴜ alᴜ ovᴜ opile be azia azia, mile ga yi ruaa tre tre kurᴜ, yi ma alialerᴜ indi; yi lini ava etusi inisi kᴜ, yi 'yo 'dani kini, Alatararᴜ, alatararᴜ, alatararᴜ, Opi Mungu Okpoe'ini, ovᴜpi ndra, ovᴜpi curu'do indi, azini ngapi emupiri'i! 9Anyapa idrirᴜ 'diyi ka diza pi fe inzita pie, awa'difo pie, 'ba ripi ogᴜŋa ma dria, ovᴜpi idrirᴜ kpere 'dani 'daniri dri ra, 10'ba 'wara kali iri drini su 'diyi nga yi eco va 'ba ripi ogᴜŋa ma driari ma palaa, nga 'ba ovᴜpi idrirᴜ kpere 'dani 'daniri inzi, nga ekilaza yini o'be va ogᴜŋa ma drilia, 'yozᴜ kini, 11Opi amani, Mungu amani, mi fu dri diza pi isuzᴜ, inzita pie, okpo pie ra; a'disikᴜ mi 'ba ndra afa dria mi'i, yi ovᴜ ndra 'bazarᴜ, yi ovᴜ indi, mini lele 'dinirisi.

will be added

X\