E'YO ECEZA 3

1Mi si malaika kanisa Saridisiarini vᴜ kini : 'Ba ovᴜpi Orindi Munguni aziri piyi be, 'bi'bio aziri pieri 'yo 'dini: Ma ni 'yeta mini; mi ovᴜ ru be kini mi idrirᴜ, dere mi dra 'bo. 2Mi ma te mi agei mile be, mi 'ba afa acepi 'yepi drapi 'diyi okporᴜ, a'disikᴜ ma isuni 'yeta mini capi kililirᴜ Mungu mani ma miliani kᴜ. 3Mi ega ani e'yo mini a'ile 'bori azini erile 'bori; mi ma mba yi ma ta, mi oja mi asi. Mi ka mi agei te mile be kᴜ, ma nga emu oguoule, te mi ngani etu mani emuzᴜ mi vᴜri ni alᴜni kᴜ. 4Te mi ovᴜ ru alᴜ alᴜ be Saridisia indi, 'ba afa suza yini ezapi kᴜ 'diyi; yi nga aci ma be bongo emverᴜ be, a'disikᴜ e'yo nderini yi sile rarisi. 5Yi nga 'ba agapiri osu afa suza emverᴜsi, azini ma ngani ru erini ini buku idriniri ma aliasi alᴜni kᴜ ; te ma nga rᴜ erini e'da ma Ati ma milia, malaika erini be. 6'Ba ovᴜpi bile beri ma eri e'yo Orindini 'yole kanisa tiari. 7Mi si malaika kanisa Filadele-fiaarini vᴜ kini: 'Ba alatararᴜ, 'ba adarᴜ, ovᴜpi fungua Daudiniri be, afa ma ti zipi te 'ba alᴜni ngani tini opi kᴜ, azini afa ma ti opipi te 'ba alᴜni ngani tini zi kᴜri 'yo 'dini: 8Ma ni 'yeta mini. Mi ne, ma 'ba jotile zizarᴜ 'ba alᴜni ecole opile kᴜri mi drilia 'bo; ma ni kini mi ovᴜ okpo be were, te ti mi mba e'yo mani ma ta 'bo, azini mi gani rᴜ mani kᴜ. 9Mi ne, ma fe 'ba Satanini okᴜleni, 'yopi kini yi 'ba Yahudini de yi ovᴜni 'dini kᴜ, te yi 'ba inzo lipi 'diyi —mi ne, ma nga fe yi ma emu yi ecozᴜ va mi palaa inzizᴜ, yi ma ni ani kini ma le mi ra. 10Mini asi teza maniri ma e'yo olᴜza ma ta mbalerisi, ma nga vini mi ta mba indi etu 'ba o'bizᴜ ngapi ecapi angᴜ wudrikuru drisi dria, 'ba ovᴜpi nyakua 'diyio'bizᴜrisi. 11Ma emu mbele; mi bi afa ovupi mi beri ci, 'ba alᴜni kazᴜ ekilaza mini pazᴜ kᴜ. 12Ma nga 'ba agapiri 'ba ovᴜzᴜ pati idiaferᴜ hekalu Mungu manirini ma alia; eri ngani fᴜ 'daarisi dika kᴜ, te ma nga Mungu maniri ma ru si eri ma dria, azini aku Mungu manirini ma ru, 'di Yerusalemu o'dirᴜ engapi 'bua Mungu maniri vᴜ esipi varii, ma nga vini rᴜ ma vile o'dirᴜri si indi, 13'Ba ovᴜpi bile beri ma eri e'yo Orindini 'yole kanisa tiari. 14Mi si malaika kanisa Laodi-kiaarini vᴜ kini: Amena nderi 'yo 'dini, eri ojioᴜ e'yo eti nzepi kililirᴜ azini adarᴜ, afa Munguni o'bale 'diyi e'dopi okori'i: 15Ma ni 'yeta mini ra, mi ambini kᴜ, mi drini vini kᴜ indi. Ma le te mi ma ovᴜ ambizarᴜ kani drizarᴜ! 16'Dini mini tole kiri yuu, drizarᴜ kᴜ kani ambizarᴜ kᴜrisi, ma 'ye ani mi ogbe ma tiliarisi va. 17Mini 'yole kini, Ma afa e'ini, ma isu lonyi 'bo, lomere azini ndeni ma kᴜ; de mi nini mi ocokorᴜ tᴜ, azini candirᴜ, azini aliorᴜ, azini mile draza be, azini pililirᴜ 'diniri kᴜrisi, 18ma imba mi, mi ma je ma vᴜ mele edele alarᴜ acisiri, mi ma eca lonyi e'irᴜ beni; afa suza emverᴜ mi ma su mi ruaa, drinza mi rua pililirᴜriniri kazᴜ e'dazᴜ kᴜ; azini mile aro mi mile efizᴜ, mi ma ndre angᴜ ani beni. 19Ma adri ega 'ba dria mani lele 'diyi ma dria, ma adri vini yi imba ra; mi ma 'ba ani ava, mi asi ojazᴜ beni. 20Mi ne, ma pa so jotile kpozᴜ; 'ba azini ka o'duko mani eri, ka jotile zi, ma nga fi eri vᴜ, ama nga nyaka nya eri be, azini eri'i ma be. 21Ma nga fe 'ba agapiri ma ri va ma be ogᴜŋa mani ma dria, ekile mani agale 'bo azini rile va ma Ati be ogᴜŋa erini ma driarile. 22'Ba ovᴜpi bile beri ma eri e'yo Orindini 'yole kanisa tiari.

will be added

X\