E'YO ECEZA 16

1Ma eri o'duko amborᴜ efᴜpi hekalu nde ma aliarini 'yoria malaika aziri ma tia kini, Emi mu, emi oda adra Munguni okele aziri ma aliari nyaku ma dria. 2Alᴜri mu ra, nga di afa okele ini ma aliari da nyaku ma dria; eri nga ofᴜ belerᴜ rᴜa suza be onzikanyarᴜ 'ba ovᴜpi eceta nguruni be, azini eri ma wura inzipi 'diyi ma ruaa. 3Iriri nga afa okele ini ma aliari da miri ma dria; eri nga ofᴜ ari 'ba avᴜnirile, afa idrirᴜ ovᴜpi miri ma alia 'diyi odra dria ra. 4Nari nga afa okele ini ma aliari da yi ara pi ma dria yi a'di be; eri ofᴜ arirᴜ. 5Ma eri malaika yi nde 'diyinirini 'yoria kini, Mi ovᴜpi curu'do, azini andrari, mi 'Ba Alatararᴜni, mi kililirᴜ mini e'yo lile 'dinirisi. 6Yini 'ba alatararᴜ 'diyi pi ma ari adale 'ba nabirᴜ 'diyi berisi, 'dini mi fe yi dri ari mvᴜzᴜ ani. Te e'yo nde fu dri yi dri trotro! 7Te ma eri pari edeta edezᴜrini 'yoria kini, Ada, Opi Mungu, Okpo E'i la, e'yo liza mini 'diyi yi adarᴜ azini kililirᴜ. 8Suri nga afa okele ini ma aliari da etu ma dria; fe eri dri 'ba ozazᴜ acisi ; 9nga 'ba ove drita okporᴜrisi, 'ba yi nga di ani Mungu ovᴜpi okpo be inzata 'diyi ma driari ma rᴜ o'da ra, te yi ojani yi asi diza fezᴜ eri dri kᴜ. 10Towiri nga afa okele ini ma aliari da ogᴜŋa nguruni ma dria; angᴜ erini nyaleri bi inirᴜ, 'ba yi nya yi ma andre yi ma rᴜani sulerisi, 11yi o'da vini Mungu 'buari ma rᴜ, rua suza yini ma e'yosi bele yini be, te ti, yi ojani yi asi 'yeta yini kᴜzᴜ kᴜ. 12Aziari nga afa okele ini ma aliari da yi ara amborᴜ Ufirate ma dria; yiniri nga nzu dria, geri edezᴜ opi amborᴜ engapi kala etuni efᴜrialerᴜria 'diyi dri. 13Ma ndre orindi na alatara kokorᴜ 'diyi ekile odruko-drule, yini efᴜria uri ma tilia, azini nguru ma tilia, azini nabi inzorᴜri ma tilia; 14yi orindi onzi, tali 'yepi 'diyi; yi efᴜ mu yi erezᴜ opi amborᴜ wudrikurᴜa 'diyi vᴜsi dria, yi okᴜzᴜ tualᴜ omba 'bazᴜ o'du amborᴜ Mungu Okpo E'irᴜni pelerisi. 15(Mi ne, ma emu oguoᴜle! 'Ba tepi mile be, afa suza ini ma ta mbapiri eri drilebarᴜ, eri kazᴜ acizᴜ pililirᴜ kᴜ, 'ba kazᴜ drinza erini ndrezᴜ kᴜ!) 16Yi nga opi nde 'diyi okᴜ tualᴜ pari yini omvele Ebrania tisi Hari-Magedoni'iria. 17Aziriri nga afa okele ini ma aliari da oli alia ; o'duko amborᴜ nga efᴜ hekalu ma alia engazᴜ ogᴜŋa opiniri vᴜ, 'yozᴜ kini, 'Ye i 'bo! 18Ovi pi nga ga, o'duko pie, angᴜ liza pie; oyakia amborᴜ oya angᴜ indi, engazᴜ 'bani ovᴜria nyakᴜ ma driaria ti, oyakia azini amborᴜ okpo be 'donileri 'yeni ndra i 'dinile kᴜ. 19Aku amborᴜri nga i ale ali esele be na, azini aku 'ba jururᴜ 'diyini nga yi asᴜ ra, Mungu nga vini Babuloni amborᴜri ma e'yo ega indi, okelea aoko erini adrarᴜri ma patiefi ma su beri fezᴜ eri dri. 20Angᴜ yi lipi miri ma alia 'diyi nga apa ra, 'ba isuni oni izᴜrᴜ 'diyi dika kᴜ; 21si amborᴜ, alᴜ alᴜ dria nzipi ekile onzini nzilerile 'diyi o'de 'buasi va 'ba ma dria; 'ba yi nga Mungu ma rᴜ o'da inzata sinirisi, a'disikᴜ inzata nderini ovᴜle amborᴜ tᴜrisi.

will be added

X\