E'YO ECEZA 15

1Ma ndre eceta azini 'bua, ambo osutarᴜ, malaika aziri ovᴜpi inzata vile asizᴜ aziri 'diyi be 'diyi, te adra Munguni nga di dri fu inzata 'diyisi. 2Ma ndre ekile miri talatalarᴜ osale aci berile, azini 'ba nguru pi agapi wura erini pie, ru erini ma namba pie 'diyini pa soria miri talatalarᴜ nderi ma tia, yi o'di Munguni be yi ma dria. 3Yi ongo Musa ati'bo Mungunirini ngo, ongo Kabilomvaniri be, kini, Yeta mini yi amborᴜ azini osutarᴜ, Opi Mungu Okpo E'i la! Geri mini 'diyi yi kililirᴜ azini adarᴜ, mi Opi amborᴜ 'dani 'daniri! 4A'di ngani mi rᴜ kᴜni ya, Opi la, a'di ngani mi ru 'ba dizarᴜ kᴜni ya? A'disikᴜ mi a'dule mi alatararᴜ. Suru dria nga emu nga inzi mi drilia, e'yo 'yeza mini kililirᴜ 'diyini yi e'dalerisi. 5E'yo 'diyi ma vᴜtia ma ndre ra, yi zi bere e'yo eti nzezaniri ma hekalu 'buari ma tile ra; 6malaika aziri ovᴜpi inzata aziri be 'diyi nga di efᴜ hekalu ndeasi, bongo alatararᴜ dizarᴜ ovᴜ yi ruaa, anzu yi agati baka melerᴜsi. 7Anyapa idrirᴜ ma azi alᴜ nga okele aziri melerᴜ Mungu ovᴜpi 'dani 'daniri ma adrani gazᴜ yi ma alia tre 'diyi fe malaika aziri 'diyi dri; 8acika nga di ga hekalu ma alia tre engazᴜ diza Munguni pi vᴜ okpo erini be; 'ba alᴜni econi fizarᴜ hekalu nde ma alia kᴜ de nga inzata aziri malaika aziri 'diyini deni nga yi kᴜ.

will be added

X\