E'YO ECEZA 14

1Ma ndre ra, te mi ne, Kabilomva so pa oni Zionia, azini eri be 'ba alifu tᴜrᴜ alᴜ drini kali su drini su, ovᴜpi ru erini be azini Ati ma rᴜ be sizarᴜ yi ma andretia 'diyi. 2Ma eri o'duko engazᴜ 'bua, ekile yi kakaᴜ ma o'dukole, azini ekile o'duko angᴜ liza amborᴜnirile; o'duko mani erileri ovᴜ ekile 'ba o'di copi 'diyini o'di colerile, 3yi.ngo ekile ongo o'dirᴜle oguŋa ma drilia, azini anyapa idrirᴜ su 'diyi pi ma drilia 'ba 'wara 'diyi be. 'Ba alᴜni econi ongo 'diri nizarᴜ kᴜ pe lᴜ 'ba alifᴜ tᴜrᴜ alᴜ drini kali su drini su, yini jele nyakua 'diyi. 4'Ba 'diyi yi 'ba e'yo ezapi okᴜsi kᴜ 'diyi, te yi mba yi ma ta alarᴜ; 'ba 'diyi yi 'ba Kabilomva ma vᴜti bipi geri dria erini muzᴜria 'diyi; je ndra yi 'ba ma eselia ovᴜzᴜ anya kapi okorirᴜ Mungu vᴜ Kabilomva be; 5inzo yi ma tilia yo, yi ovᴜ e'yo onzi kokorᴜ. 6Ma ndre malaika azinini .saria 'bu eselia agadua, ovᴜzᴜ e'yo barᴜ 'dani 'daniri be olᴜzᴜ 'ba nyakua 'diyi ma tia, suru dria pi ma tia, enyati pie, ti 'yoza pie, 'ba pie dria; 7eri 'yo o'duko urusi kini, Emi ma rᴜ Mungu, emi ma fe diza eri dri, etu erini e'yo lizᴜrini ecale 'borisi; emi ma inzi 'ba 'bu pi 'bapi nyaku pie, miri pie, yi a'di pie driari'i. 8Malaika azini iriri bi vᴜtini, kini, Babuloni amborᴜri e'de va 'bo, eri e'de va 'bo, ndra suru dria emvᴜpi awu erini ali o'bazᴜri ma patiefi ma susiri'i. 9Malaika azini nari bi yi ma vᴜti 'yo o'duko urusi kini, 'Ba azini ka nguru pi inzi wura erini be ra, ka eceta a'i i ma andretia kani i ma dri agelia, 10eri nga vini patiefi su Mungu ma adrani, osᴜle osakokorᴜ okelea aoko erinirini ma aliari mvᴜ indi; yi nga eri .ecandi aci pisi baruti be, malaika alatararᴜ piyi ma milia Kabilomva be. 11Aci yi ecandi-zᴜri ma acika tu uru 'dani 'dani ; 'ba nguru pi inzipi wura erini 'diyi pi lini ava etusi inisi kᴜ, 'ba ndra ru erini ma eceta a'ipi 'diyi be. 12'Ba alatararᴜ azita Munguni ma ta mbapi a'ita Yesuni be 'diyi ma asi tezari 'di'i. 13Ma eri o'duko engapi 'buari kini, Mi si : Drileba 'ba odraza ngapi odrapi Opi ma alia engazᴜ curu'do 'diyi dri. Eri 'dini ada, Orindi ‘yora, yi ma li ande azi okporᴜ yini 'diyi ma vᴜtia, te 'yeta yini bi yi vᴜti! 14Ma ndre ra, te mi ne, iriti emverᴜ indi ; ma ndre 'ba azini ekile mvi 'banile erini riria iriti nde ma dria, ekilaza melerᴜri ovᴜ eri ma dria, drinia eli cizarᴜ anya lozᴜri indi. 15Malaika azini efᴜ hekaluasi oyᴜzᴜ o'duko urusi 'ba ripi iriti driari ma tia kini, Mi 'ba eli mini, mi lo, a'disikᴜ etu anya lozᴜri eca 'bo, afa kaza nyakuniri 'wi 'bo. 16'Ba ripi iriti driari nga di eli ini 'be nyakua, yi nga ani afa kaza nyakuni lo. 17Malaika azini efᴜ hekalu ovᴜpi 'buariasi, eri indi ovᴜ eli cizarᴜri be. 18Malaika azini ovᴜpi okpo be aci driari efᴜ pari edeta edezᴜria, nga oyᴜ o'duko urusi 'ba ovᴜpi eli cizarᴜ beri ma tia kini, Mi 'ba eli cizarᴜ mini, mi oti zabibu nyakuari ma efi kapi ngᴜlᴜrᴜ 'diyi, eri ma efini nile 'borisi. 19Malaika nde nga di eli ini 'be nyakua, nga zabibu nyakuari ma efi oti ani, nga yi o'be afa ambo patiefi ma su nzizᴜ adra Mungunirini ma alia ; 20yi nga di patiefi tᴜ pasi pari suni nzizᴜri ma alia aku ageia amve, ari nga efᴜ afa patiefi ma su nzizᴜri ma alia, tizᴜ cazᴜ baka akanya ma ti ojazᴜri vᴜ, kpere ekile mailo tᴜrᴜ irile 'dipi.

will be added

X\